كىتاپ وقۋعا شاقىرامىز!
الماتى وبلىسى قاراساي اۋدانى
كوكوزەك اۋىلىنداعى ورتا مەكتەبى 11-سىنىپ وقۋشىسى
سلامباي قىمبات قۋانىش قىزى
XXI عاسىرداعى جاستار اراسىندا كىتاپ وقۋ قانشالىقتى دارەجەدە تۇر؟ ءيا، بۇل ساۋال كەز-كەلگەن ادامدى ويلاندىرارى ءسوزسىز. الايدا، تارتىنشاقتىققا تاپ بولىپ جاتامىز. كىتاپ دەگەنىمىز – رۋحاني ازىق ەمەس پە؟! سول كىتاپ ەڭ ءبىرىنشى بولىپ ادام بالاسىنىڭ العا قاراي قادام باسۋىنا، بيىك بەلەستەر مەن ادامگەرشىلىكتىڭ شىڭىنا كوتەرىلۋگە شەكسىز اقىل قوسادى. كىتاپ – سەنىڭ ۇستازىڭ. ول جاقسى مەن جاماننىڭ، اقيقات پەن جالعاننىڭ ايىرماشىلىعىن تاۋىپ، ولاردى اجىراتا بىلۋگە ۇيرەتەدى. العا دۇرىس جول كورسەتەدى.
ال قازىرگى جاستارىمىز كىتاپ وقۋعا قانشالىقتى قۇمار؟ ءالى دە بولسا قاجەتتىلىگىن ءتۇسىندى مە؟ وسى تۇستا وقىرماندارىمىز ەكىگە ءبولىنىپ شىعارى حاق. العاشقىسى، كىتاپحاناعا بارىپ، باسپادان شىققانىن توسىپ، بوياۋى كەپپەگەن كىتاپتىڭ ءيىسىن يىسكەي وتىرىپ ونى سەزىنە وقيدى. ال ەكىنشىلەرى، الەۋمەتتىك جەلىلەردەن نە بولماسا، ەلەكتروندىق نۇسقاسىن وقىعاندى ءجون كورەدى. بۇل ارينە، ۇزاق ساپارعا شىققان كەزدە كىتاپحاناعا بارعانعا ۋاقىت تاپشى بولاتىندارعا تاپتىرماس مۇمكىندىك. اركىم ءار جەردەن وقىسا دا، كىتاپتىڭ بەرەر ازىعى ازايمايدى. ليەۆ تولستوي: "جاقسى كىتاپ وقۋ – اقىلدى اداممەن سىرلاسقانمەن بىردەي" – دەگەن ەكەن. جالپى ايتقاندا، كىتاپ – دوسىڭ دا، اقىلشىڭ دا بولا بىلمەك. ول – قۇمارلىق، ادامدى تاربيەلەي بىلەتىن قۇرال. بۇگىنگى تاڭدا كىتاپتىڭ، كىتاپ وقۋدىڭ بارلىق جاعىنان پايداسىن كورىپ وتىرمىز. ال وسى ءۇشىن ادامزات بالاسىنىڭ كىتاپقا دەگەن سۇيىسپەنشىلىگى مەن وعان قارىزدارى قانشا؟! ورىس حالقىنىڭ ۇلى جازۋشىسى م. گوركيي ايتقان ءسوزى ەسكە ەرىكسىز ورالادى. ول ايتادى: «مەن بويىمداعى بارلىق جاقسىلىعىم ءۇشىن كىتاپقا قارىزدارمىن» دەپ. ەندەشە، ومىرلىك ازىق ەتۋدە قولعا كىتاپ الۋ قاي كەزدە دە كەش ەمەس. اسىرەسە بۇگىنگى جاستارىمىز، ءبىلىمقۇمار ازاماتتارىمىز ءۇشىن بەرىك قالقان. كىتاپ وقۋ ارقىلى ءوزىڭدى دە وزگەنى دە تاربيەلەيسىڭ. ول ءبىز ءۇشىن ولشەۋسىز اقىل قوساتىن ءارى كوشباسشىلىق قاسيەتتى ارتتىراتىن ۇستازىمىز.
ءسوزىمنىڭ سالماعى بولسا، ەستىر قۇلاققا ەستى ءسوز ايتتىم دەپ بىلەمىن. زامانىنا قاراي ادامى. ىزدەگەننىڭ الدىنان ىزدەمەي-اق تابىلارى دا انىق. ەندەشە، جاتىپ، جاستانا وقىر جاستارىمىز كوبەيسىن. ەلىمىزدىڭ ەڭسەسىن كوتەرەر ەستى ازاماتتارىمىز تاريحىمىزدى تانىپ، ءتىلىمىز بەن ءدىنىمىزدى قاسيەت تۇتسا ەكەن دەمەكشىمىن. تامىرىمىزدى تاۋىپ، ءقادىرىمىزدى ارتتىراتىن دا كىتاپ بولماق. ەندەشە، جان ازىعىمىزدى تەك كىتاپتان ىزدەيىك!
You Might Also Like
-
ومىردە ءبارى ءبىز ويلاعانداي بولماي جاتادى. ارمانىڭا ءبىر قادام جاقىنداساڭ، سول ساتتە ارمانىڭنان ەكى قادام ارتقا كەتۋىڭ مۇمكىن. باستاعان ىسىڭە دەگەن ادامداردىڭ تەرىس پىكىرى،ساعان ايتقان ويلارى،دۇرىس ە...
