InfoHub Logo

كولىكتەردەگى لوگوتيپتەر جاي عانا ديزاينەرلەردىڭ ويلارىنان شىعارعان تۋىندىلارى ەمەس. ءار ەمبلەما – كومپانيا يەسىنە ماڭىزدى بولعان داستۇرلەر مەن جايتتاردى بەينەلەيتىن كوپ جىلدىق ەڭبەكتىڭ وزىندىك ءبىر ناتيجەسى.

اۆتوكولىكتەردى ەجەلدەن ەمبلەمالارمەن جانە مۇسىنشەلەرمەن بەزەندىرەتىن. بۇل جالتىراۋىقتارعا بالا-شاعا ءوش، جۇلىپ كەتەدى. ءار ەمبلەمانىڭ ءوزىنىڭ قۇپياسى، شىعۋ تاريحى بار. رادياتورىڭىزدى بەزەندىرىپ تۇرعان ۆەنزەل قالاي پايدا بولىپ جانە ءبىر عاسىر الدىن قانداي بولعانىن بالكىم بىلمەيتىن دە شىعارسىز...

Alfa Romeo

ەمبلەماداعى قىزىل كرەست پەن ايداھار ميلان گەرسوگتارىنىڭ ۆيسكونتي،وتباسىمەن بايلانىستى. كرەست ۆيسكونتي وتباسىنىڭ ەلتاڭباسى بولعان، ال ايداھاردى اڭىز بويىنشا V عاسىردا ۆيسكونتي وتباسىنىڭ ارعى اتاسى ولتىرگەن.

 

BMW

ەڭ ءبىرىنشى ەمبلەما 1917 جىلى پايدا بولىپ، اينالىپ تۇرعان پروپەللەردى بەينەلەگەن. 1920 جىلى پروپەللەردەن ءداستۇرلى باۆار تۇستەرىنە (اق جانە كوك) بويالعان، ءتورت بولىككە بولىنگەن شەڭبەر عانا قالدى.

 

Citroءوn

ينجەنەر اندرە سيتروەن كاسىپكەرلىك مانسابىن بەرىلىس قوراپتارىن جاسايتىن زاۋىتتان باستادى. بۇل قوراپتاعى تەگەرشىكتەر جاقسى تۇتاسۋ ءۇشىن شيەۆرون تۇرىندە ارنايى تىستەرى بولدى. ولاردىڭ بەينەسى كومپانيانىڭ ەمبلەماسىنا اينالىپ، ءپرينسيپتى تۇردە ەش وزگەرتىلمەدى.

 

Ferrari

ارتقى اياقتاپ تىك تۇرعان اتتىڭ بەينەسى ەڭ العاش يتاياندىق شەبەر ۇشقىش فرانچەسكو باراككانىڭ فيۋزەلياجىندا بولدى. ۇشقىش 1918 جىلى قازا بولادى، ونىڭ اناسى سيمۆولدى ەنسو فەرراريگە قولدانۋعا ۇسىنادى. ەمبلەماداعى سارى ءتۇس كولىكتەر شىعارىلاتىن مودەنا قالاسىنىڭ ءتۇسى.

 

Nissan

 

ەمبلەمانى بەزەندىرگەن العاشقى شەڭبەر قىزىل تۇستە بولىپ، كوتەرىلىپ كەلە جاتقان كۇندى بەينەلەگەن. ال تىكتورتبۇرىش كوك تۇستە بولىپ اسپاندى بەينەلەگەن. كومپانيا قىزمەتكەرلەرى بۇل بەينەلەر «ادالدىق جەتىستىككە جەتەلەيدى» ۇرانىنىڭ كورىنىسى دەيدى. الايدا قىزىل مەن كوك تۇستەر ۋاقىت وتە كەلە سۋىق مەتاللعا ورىن بەردى.

 

Mitsubishi

ءۇش  الماس كومپانيا قۇرۋشىسى ياتارو يۆاساكيدىڭ اتا-تەكتىك تاڭباسىنان الىنعان. كولىكتىڭ اتاۋى دا وسىدان: «ميسۋ» جاپون تىلىنە «ءۇش»، «بيسي» — الماس. الماستار  ادالدىقتى، قوعام الدىندا جاۋاپكەرشىلىكتى، حالىقتار اراسىندا تۇسىنۋشىلىكتى بەينەلەيدى.

 

Mercedes-Benz

فيرما 1926 جىلى كارل بەنس پەن دايملەر گوتليبتىڭ كومپانيالارىنىڭ قوسىلۋىنان پايدا بولدى. دايملەردىڭ قويعان ءۇش جۇلدىزى ءۇش ورتاداعى (جەر، سۋ، اۋا) ارتىقشىلىقتى بەينەلەگەن. 1937 جىلى جۇلدىز شەڭبەر ىشىنە ورنالاستىرىلدى (ودان الدىن وندا  «بەنستەن» گۇل ءتاجى بولعان).

 

Opel

شەڭبەردەگى نايزاعاي 30-جىلداردا اڭىز بولعان Opel Blitz تۋر 3،6 ەسكە تۇسىرەدى  (نەمىس تىلىندە نايزاعاي - Blitz). ودان الدىن فيرمانىڭ بەلگىسى قاراپايىم بولعان، Opel جازۋى بار كوك سوپاقشا، كەيىنىرەك تورپەدانىڭ سۋرەتى قوسىلدى. ال ول ءوز الدىنا كەيىن نايزاعايعا اۋىستىرىلدى.

 

Peugeot

ارىستان كومپانيا ءونىمىنىڭ قۋاتىن بەينەلەيدى. سونىمەن قوسا بەلفوردا ورنالاسقان ارىستان مونۋمەنتى دە ەمبلەما بولۋعا سەپتىگىن تيگىزدى. Peugeot زاۋىتتارى بەلفور ايماعىندا ورنالاسقان. مونۋمەنتتى وگيۋست بارتولدي (بوستاندىق ەسكەرتكىشىنىڭ اۆتورى) ورناتقان. مونۋمەنت 1871 جىلعى نەمىستەردىڭ قالانى قورشاۋلارىنىڭ ساتسىزدىگىن ەسكە تۇسىرەدى.

 

Porsche

فيرما شتۋتگارت قالاسىندا ورنالاسقاندىقتان، ەمبلەمانىڭ ورتاسىندا قالانىڭ تاڭباسى جانە جىلقى بەينەلەنگەن (قالا جىلقى وسىرەتىن زاۋىتتىڭ ورنىندا قۇرىلعان). ءمۇيىز بەن جولاقتار — شتۋتگارتتىڭ استاناسى ۆيۋرتتەمبەرگ گەرسوگستىگىنىڭ تاڭباسى.

 

Renault

32 جىل بويى لوگوتيپ بولماعان.  1922 جىلى تورعا ورنالاستىرىلعان Renault دەگەن جازۋى بار دوڭگەلەك بەلگى پايدا بولدى. بەلگىنى كلوكسانعا ورنالاستىراتىن، ال تور دىبىستىڭ شىعۋىنا سەپتىگىن تيگىزەتىن. 1924 جىلى توردى رومبى تارىزدەس جاساعاندا، ەمبلەانىڭ فورماسى دا وزگەردى.

 

Rover

قالقان تۇرىندەگى ەمبلەما ەڭ العاش ۆەلوسيپەد  رامالارىندا پايدا بولدى. 1904 جىلدان كومپانيانىڭ ەڭ ءبىرىنشى اۆتوكولىگىنە ورنالاستىرىلدى. ەمبلەماداعى جاپىراقتارمەن كومكەرىلگەن كەمە، اعىلشىنداردىڭ اتا-بابالارى بولىپ  تابىلاتىن ۆيكينگتاردى ەسكە سالادى.

 

Subaru

ەمبلەماداعى جۇلدىزدار ۇركەر (Subaru جاپون تىلىندە) شوقجۇلدىزىن بەينەلەيدى. باسقا اتاۋى — «جەتى اپالى-سىڭلىلەر»، ەجەلگى گرەك تيتانى اتلاستىڭ جۇلدىزعا اينالعان قىزدارىنا قاتىستى.

 

Toyota

ءۇش  ەلليپس 1989 جىلى پايدا بولدى. تىك جانە كولدەنەڭ ەلليپستار  «ت» ءارپىن قۇرايدى، ءۇشىنشى ەلليپس «دامىتۋداعى قۇرۋ رۋحىن» بەينەلەيدى. ەلليپستاردى قورشاعان بوس كەڭىستىك «بولاشاق مۇمكىندىكتەر مەن تەحنولوگيالاردىڭ دامۋىن» بەينەلەيدى.

 

Volkswagen

العاشقى كومپانيانىڭ ەمبلەماسىنداعى Volkswagen زاۋىتىنىڭ جانىندا ورنالاسقان  ۆولفسبۋرگ قورعانىنىڭ ەلتاڭباسى بەينەلەنگەن. كەيىنىرەك ەلتاڭبا الىنىپ تاستالدى دا، ەمبلەمادا W ءارپى پايدا بولدى. ءارىپ شەڭبەرمەن قورشالدى. ەمبلەمانىڭ بەينەسى قازىرگى تاڭدا دا سول قالپىندا قالعان.

 

Volvo

اۆتوزاۋىتتىڭ ەڭ ءبىرىنشى شىققان كولىگى  Volvo Jakob-ڭ ەمبلەماسىندا رادياتوردا قيعاش جولاقشا، شەڭبەر، جەبە (استرولوگيادا مارستىڭ بەلگىسى) بەينەلەنگەن. 1975 جىلى شەڭبەر الىنىپ تاستالدى دا تەك VOLVO دەگەن جازۋ قالدى.

---