InfoHub Logo

كوللەدج ستۋدەنتتەرىنە ءبىرىنشى جانە ەكىنشى كۋرستان باستاپ دۋالدى ءبىلىم باعدارلاماسىمەن وقۋعا رۇقسات ەتىلەدى.

«كاسىپورىننىڭ (ۇيىمنىڭ) ءوتىنىمى بويىنشا تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنداعى نەگىزگى ورتا ءبىلىم بەرۋ بازاسىندا ءبىلىم الۋشىلار ءۇشىن دۋالدى وقىتۋ ءبىرىنشى نەمەسە ەكىنشى كۋرستان باستالادى. ەكىنشى كۋرستان باستاپ دۋالدى وقىتۋ ۇيىمداستىرىلعان جاعدايدا دۋالدى وقىتۋ تالاپتارى جۇمىس بىلىكتىلىگى بويىنشا نەمەسە ورتا بۋىن ماماندارىن دايارلاۋ كەزىندە قالعان وقۋ كۋرستارىنا قولدانىلادى»، — دەلىنگەن اشىق نقا پورتالىندا جاريالانعان وقۋ-اعارتۋ ءمينيسترىنىڭ بۇيرىق-جوباسىندا.

ايتا كەتەيىك، قولدانىستاعا زاڭناما تالابىندا مۇنداي نورما جوق.

ۇلتتىق ءبىلىم بەرۋ بازاسىنىڭ دەرەكتەرى بويىنشا تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىندا نەگىزگى ورتا ءبىلىم بەرۋ بازاسىندا مەملەكەتتىك ءبىلىم تاپسىرىسى شەڭبەرىندە 236 مىڭنان استام ادام وقيدى.

ونىڭ ىشىندە 50 مىڭنان استام ادام دۋالدى وقىتۋمەن قامتىلدى.

ەنگىزىلىپ وتىرعان وزگەرىس كوللەدجدەرگە دۋالدى وقىتۋدى بۇكىل وقۋ مەرزىمىنە ەنگىزۋگە ارنالماعان. ءبىرىنشى كەزەڭدە بىلىكتى جۇمىسشىلاردى دايارلاۋ كەزىندە، ال ورتا بۋىن مامانىن دايارلاۋ كەزىندە وقۋ پروسەسىن ادەتتەگىدەي جۇزەگە اسىرۋعا مۇمكىندىك بەرەدى.

بۇل رەتتە ستۋدەنتتەردىڭ قالاۋى بويىنشا ءبىرىنشى كەزەڭنەن كەيىن ولار دۋالدى وقىتۋ تۋرالى شارتتارعا سايكەس، جۇمىسقا ورنالاستىرىلۋى مۇمكىن.

بۇل دەگەنىمىز — كوللەدج ستۋدەنتتەرىنە سىناق رەتىندە دۋالدى بىلىممەن كاسىپورىنداردا تاجىريەبە جيناقتاۋعا بىرىنشە نەمەسە ەكىنشى كۋرستان رۇقسات بەرىلەدى دەگەن ءسوز.

الايدا، ول بۇكىل وقۋ مەرىزىمى بويى جالعاسپايدى. ياعني، ستۋدەنت كوللەدج قابىرعاسىنداعى تەوريالىق وقۋىنان دا قول ۇزبەيدى.

قولدانىستاعى تالاپ بويىنشا ستۋدەنتتەر دۋالدى وقىتۋ تۋرالى شارتىنا سايكەس ەڭبەككە ارالاساتىن.

جالپى، دۋالدى ءبىلىم بەرۋ — بۇل كوللەدجدەگى تەوريالىق ءبىلىم مەن جۇمىس ورىندارى ارقىلى كاسىبي تاجىريبەنى ۇشتاستىرۋعا باعىتتالعان جۇيە.

---