كومپلەكس جۇيەسىنىڭ ءپان جۇيەسىنەن ارتىقتىعى
ا) ءپان جۇيەسىمەن وقىتقاندا، پاندەر جەكە-جەكە ءوز جولىمەن جۇرەتىن، ءبىرىنىڭ ارباسىنا ءبىرى سوقتىقپايتىن، ەڭ ۇقساتقاندا از-ماز جارىسا ۇزەڭگى قاعىسا وقىلاتىن.
كومپلەكس جۇيەسىمەن وقىتقاندا، پاندەر بىرىگىپ ءبىر جولمەن، ءبىر ارنامەن اعىپ، ايقاسىپ، ارالاسىپ وقىلادى.
ب) ءپان جۇيەسىندە مۇعالىمدەر ءارقايسىسى ءوز ءپانىن وقىتىپ، وزگەگە بۇرىلمايتىن، جازالاسا، ءبىرىنىڭ ساباعىنا ءبىرى قايشى كەلىپ، بىرىنىكىن ءبىرى وتىرىك قىپ وتىراتىن، اسىرەسە، ءدىن مولداسى مەن ءپان مولداسى شارتپا-شۇرت تۇسە بەرەتىن.
كومپلەكس جۇيەسىندە مۇعالىمدەر اراسىندا الا اۋىزدىق بولمايدى، ءدىن مولداسى مەكتەپتىڭ قاراسىن كورمەيدى. مولدا بالاعا يكەمدەنەدى: بالانىڭ سۇراۋىن قىزىق كورگەنىن ەسكە الىپ بالانىڭ وزىنە تاپقىزادى، ىستەۋگە تىرىسادى.
ە) ءپان جۇيەسىندە ءومىردى، قۇبىلىستى قولما-قول زەرتتەۋ دەگەن جوق، بارلىق ءبىلىم كىتاپتا بولاتىن، ءبىلىمدى تاجىريبە ارقىلى بالانىڭ ءوز كوزى جەتىپ تاپپايتىن، ءمۇعالىمنىڭ سوزىنە سەنەتىن، وقۋ زاماننان اۋلاق قالاتىن.
كومپلەكستە بالا ءومىردى، قۇبىلىستى ءوزى باقىلايدى، زەرتتەيدى، تاجىريبە قىلادى، وقۋدى زامانعا تىرەپ، زامانمەن بايلانىستىرىپ وقيدى.
ج) پاندەردى بولشەكتەن وقىتۋ بالانىڭ جان جۇيەسىنە قارسى. بالا نارسەنى تۇتاس تۇرىندە، ىسكە پايدالى جاعىنان قاراپ، ۇعىپ بىلەدى، بولشەگىن، تاراۋىن، قيمىلىن ەلەمەيدى.
كومپلەكس تۇتاس، تۇيدەك تۇردە ۇقتىرادى، بالانىڭ جان جۇيەسىنە تۋرا.
د) ءپان جۇيەسىندە ساعات سايىن پاندەر الماسىپ، اۋىسىپ وتىراتىن دا، بالانىن ىنتاسىن بىردە-بىرىنە تۇراقتاتپاي، الاڭ قىلاتىن، كومپلەكستە ساباق ۇزدىكسىز بىرىنەن-بىرى تۋىپ، بىرىنە-بىرى جالعاسىپ وتىرادى، ءبىر ساعاتتا بىتپەگەن نارسە ەكىنشى ساعاتتا زەرتتەلەدى. تىنىس دەگەن ساباقتىڭ اراسىن جىكتەۋ ءۇشىن ەمەس، دەم الۋ ءۇشىن، بوي كوتەرۋ ءۇشىن ىستەلەدى. بالانى بىردەن-بىرگە الاڭداتپايدى.
ە) ءپان جۇيەسىندە ادامنىڭ تىرشىلىگىنە كەرەكتى، كەرەكسىز كوپ سوزدەرمەن، پىكىرلەرمەن بالانىڭ باسىن تىعىنداپ، ميقاتا قىلاتىن.
كومپلەكستە كەرەكسىز كوپ ماتەريالدار شاعىندالادى، سۇرىپتالادى، تەك ەڭبەك پەن جاراتىلىسقا، قوعامعا قاتىناسى بار، ومىرگە كەرەكتىلەرى الىنادى.
You Might Also Like
-
ورىس ءبىلىمپازدارىنىڭ كەيبىرى كومپلەكس – «ءادىس»، كەيبىرى – «جۇيە» دەپ ءجۇر (ءادىس – مەتود، جۇيە – سيستەما).
-
مەنىڭ قارت اتام بار ەدى. مەن ول كىسىنىڭ جالعىز ۇلىمىن. سوندىقتان دا مەن اۋىرىپ، سىرقاتتانسام، اتامنىڭ دەگبىرى كەتە باستايتىن. ول كىسى ىستىقتان وتە قورقاتىن ەدى. ىستىق شىلدەدە اياعىنا شۇلعاۋ، ءماسى كي...
