كومپلەكستە كىندىك تاقىرىپ - ەڭبەك
كومپلەكس جۇيەسىندە نەگىزگى زەرتتەلەتىن نارسە، كىندىك تاقىرىپ – ەڭبەك. ەڭبەك بولعاندا سول وڭىردەگى ەلدىڭ كۇن كورەتىن ەڭبەگى.
ەڭبەك قالاي زەرتتەلەدى، وقىلادى دەسەڭىز ءۇش جاعىنان قارالىپ وقىلادى:
1) وقۋدىڭ باس قازىعى ەڭبەك بولماق.
2) مەكتەپ ءومىرىنىڭ، مەكتەپ ۇيىمىنىڭ ءبىر باستى ءبولىمى ەڭبەك بولماق.
3) ءومىردى زەرتتەۋگە باستى ءادىستىڭ ءبىرى ەڭبەك بولماق.
ونىڭ ءمانىسى: ءبىر جاعىنان بالا ەڭبەككە ءوزى ارالاسسىن، كومەكتەسسىن، ەكىنشى، ەڭبەكتەنىپ ءجۇرىپ، ەڭبەك ارقىلى ءبىلىم السىن، ءۇشىنشى، ەڭبەكتەنىپ ءونىمدى بولاتىن توتە جولىن ۇيرەنسىن.
مەكتەپتەگى ەڭبەك تۇرلەرىنە قويىلاتىن شارت:
1) ەڭبەك تاربيە جونىنەن ماڭىزدى بولسىن، ياعني بالانىڭ دەنەسى، اقىلى جەتىلۋگە قولقابىس ەتكەندەي ەڭبەك بولسىن.
2) بالانىن جاسىنا، كۇشىنە لايىقتى، شاماسى كەلەرلىك ەڭبەك بولسىن.
3) بالا تۇسىنگەندەي، بالانىڭ مۇددەسىنە تۋرا كەلەتىندەي ەڭبەك بولسىن. ءمۇعالىمنىڭ قوسقانى، بۇيىرعانى بولماسىن.
4) ءىس جۇزىندە پايدالى ەڭبەك بولسىن.
5) كوپتەسىپ، بىرلەسىپ ىستەگەندەي ەڭبەك بولسىن.
6) بالانى شارشاتىپ، دەمىكتىرمەيتىن ەڭبەك بولسىن.
7) ەڭبەكتىڭ ماقسۇتىن، پلانىن بالالار وزدەرى بەلگىلەپ، بىرلەسىپ ورىنداۋ جولىن وزدەرى رەتتەپ، كىم قانداي جۇمىستى ىستەيتىنىن، كۇشتەرىنە قاراي ۇلەسىپ السىن.
قاي ءتۇرلى ەڭبەكتى ىستەتۋ كەرەك: ەگىن ورۋعا، ءشوپ شابۋعا، ارىق قازۋعا، اعاش ەگۋگە، وتىن جارۋعا، كۇل-شارباق جيناتۋعا، سۋدىڭ، اۋانىن وزگەرىسىن زەرتتەۋگە، وسىمدىكتى باقىلاۋعا، قار كۇرەۋگە، تەرەزە مايلاتۋعا، كىتاپ تۇپتەتۋگە ارالاستىرا ما، مال كۇتكىزە مە، اۋىلناي يسپولكومنىڭ سپيسوگىن جازدىرا ما، شاقىرۋ قاعازىن تاراتقىزا ما، ءۇي ءىشىن قاعىپ-سىلكۋگە، دەنەنىڭ تازالىعىمەن الىسۋعا، ىدىس-اياقتى تازالاۋعا قاتىستىرا ما، ونىڭ ءبارىن جەر-جەردىڭ جاعدايىنا قاراي. كەزىندەگى ناۋقانعا ەلدىڭ قاجەتىنە قاراي. بالالاردىڭ قولىنان كەلۋىنە قاراي ءبولۋ كەرەك. قالايدا جوعارعى ايتقان شارتتارعا تۋرا كەلسىن.
ونىڭ ۇستىنە بالالاردىڭ ۇيدەگى، مەكتەپتەگى كۇندەگى ەڭبەكتەرى جابايى، قاراپايىم، ءونىمسىز، تۇيتىنەك ەكەنىن ءمۇعالىم قاشان دا ەسكەرتىپ، تەكسەرىپ، كىتاپ وقۋ، اڭگىمەلەسۋ ارقىلى بالالاردى ەڭبەكتىڭ قۇنارلى تۇرىمەن، توتە جولدارىمەن تانىستىرىپ، جابايى ءتۇرىن وزگەرتۋگە بالانىڭ تالابىن قوزدىرىپ، قىزىقتىرسىن، قۇمار قىلسىن.
ەڭبەككە ازداپ بولسا دا بالالار وزدەرى قاتىناسپاي تۇرىپ ەڭبەكتىڭ نە ەكەنىن تۇسىنە المايدى. «اششى مەن تۇششىنى تاتقان بىلەر، الىس پەن جاقىندى جورتقان بىلەر» دەگەندەي، نەعۇرلىم ەڭبەككە قولما-قول ارالاستىرىپ وقىتسا، سوعۇرلىم وقۋ قونىمدى، جۇعىمدى بولعانى.
You Might Also Like
-
ءبىزدىڭ جىل ساناعىمىز بويىنشا 79 جىلدا، يتاليادا نەاپولدەن 25 كم قاشىقتىقتا ورنالاسقان پومپەي قالاسى، ۆەزۋۆيي جانارتاۋىنان اتقىلاعان لاۆا مەن كۇلدەردىڭ استىندا قالىپ، جەر بەتىنەن جويىلعان.
-
ورىستە ءبىر ارىق قوي جالعىز قالىپتى. قالىڭ شىلىك اراسىنان شىققان قاسقىر جالپاق دالانى ارالاپ كەلە جاتىپ، الگى قويعا تاپ بولادى. قۋانىپ كەتىپ:
