ەرلەر نەنى ادەتكە اينالدىرۋى كەرەك؟
1. ەرتە تۇرۋدى
تابىستى ادامدار، ادەتتە، ەرتە تۇرۋعا داعدىلانعان ادامدار. الەمنىڭ وياناتىن ساتىنە دەيىنگى بەيبىت كەزەڭ – بۇل كۇننىڭ ەڭ ماڭىزدى، شابىتتاندىراتىن جانە تىنىش بولىگى. وزىنە وسى ادەتتى اشقاندار، كۇندەلىكتى تاڭعى 8-9-دا تۇرعانعا دەيىن تولىققاندى ءومىر سۇرمەگەندەرىن ايتادى.
2. بەرىلىپ كىتاپ وقۋدى
ەگەر تەلەديدار نەمەسە كومپيۋتەر الدىندا ماقساتسىز وتىرۋدىڭ تىم قۇرىعاندا ءبىر بولىگىن پايدالى جانە جاقسى كىتاپ وقۋعا ارناساڭىز، دوستارىڭىزدىڭ اراسىندا ءسىز ەڭ ءبىلىمدى ادام بولاسىز. كوپ نارسە وزدىگىنەن ورىندالا باستايدى. مارك تۆەننىڭ تاڭعاجايىپ ءسوزى بار: “جاقسى كىتاپ وقىمايتىن ادامنىڭ كىتاپ وقي المايتىن ادامنان ەش ارتىقشىلىعى جوق”.
3. قاجەتسىز دۇنيەدەن ارىلۋدى
قىسقارتا ءبىلۋ – دەمەك قاجەتتى دۇنيەنى ايتۋ ءۇشىن قاجەتسىزدىڭ بارىنەن ارىلۋ. قىسقارتۋعا كەلەتىن جانە قىسقارتۋعا قاجەتتىنىڭ ءبارىن قىسقارتا الۋ ماڭىزدى. ءدال وسىلاي پايداسىز دۇنيەدەن دە ارىلۋ كەرەك. ال مۇنى ەلەپ تازالاۋ وڭاي ەمەس – بۇل ۇزاق تاجىريبە مەن دانالىقتى تالاپ ەتەدى. ءبىراق بۇل ءۇردىس ويلارىڭىز بەن سەزىمدەرىڭىزدى ماڭىزسىز دۇنيەلەردەن تازارتادى، سونىمەن قاتار ۋايىم مەن كۇيزەلىستى ازايتادى.
4. كىدىرۋدى
ۇدايى جۇمىسباستىلىق، كۇيزەلىس پەن اپىر-توپىردىڭ ورتاسىندا ومىردەن ءلاززات الۋ مۇمكىن ەمەس. ءوزىڭ ءۇشىن تىنىش ۋاقىتتى تابا ءبىلۋ كەرەك. ءبىر ءسات كىدىرىپ، ىشكى داۋىسىڭىزعا قۇلاق سالىڭىز. كىدىرىپ، ماڭىزدى دۇنيەلەرگە نازار سالىڭىز. ەگەر ءسىز ەرتە تۇرۋدى ادەتكە اينالدىرا الساڭىز، ءدال سول ۋاقىتتى وسىعان ارناي الاسىز. بۇل ءسىزدىڭ ۋاقىتىڭىز – كەڭ تىنىستاۋعا، ويلانۋعا، مەديتاسيالاۋعا، يدەيالار تۋدىرۋعا ارنالعان ۋاقىت. كىدىرىڭىز – سوندا ءسىز ۇمتىلعاننىڭ ءبارى ءوزى كەلەدى.
5. جاتتىعۋدى
بەلسەنسىز ءومىر ءار ادامنىڭ دەنساۋلىعىن قۇرتاتىنى انىق، سايكەسىنشە ۇدايى فيزيكالىق جاتتىعۋلاردىڭ پايداسى زور. فيزيكالىق جاتتىعۋلارعا ۋاقىتىم جوق دەپ ويلايتىندار، ەرتە مە، كەش پە اۋىرۋعا ۋاقىت تابادى. ءسىزدىڭ دەنساۋلىعىڭىز – بۇل ءسىزدىڭ جەتىستىگىڭىز. جانىڭىزعا جاقىن باعدارلامانى تابىڭىز – سپورتپەن ۇيدەن شىقپاي-اق، جاتتىعۋ زالىنا بارماي-اق اينالىسۋعا بولادى (مىسالى، جۇگىرۋ).
6. كۇندەلىكتى ماشىقتانۋدى
ادام كوبىرەك داعدىلانعان سايىن جولى بولعىش بولا باستايتىنى بايقالعان. بۇل كەزدەيسوقتىق دەپ ويلايسىز با؟ جولى بولۋ – بۇل تاجىريبەنىڭ مۇمكىندىكتەرمەن توعىساتىن جەرى. دارىندى ادام تاجىريبەسىز ءومىر سۇرە المايدى. ءتىپتى دارىننىڭ دا اسا قاجەتى بولمايتىن كەزدەر بولادى – ابدەن جاتتىققان يكەمدىلىك مۇنى الماستىرا الادى.
7. ورتاعا ءمان بەرۋدى
بۇل ەڭ ماڭىزدى ادەت. تابىسىڭىزدى باسقالارعا قاراعاندا ءدال وسى جەدەلتەدەتى. يدەياعا تولى، ەنتۋزياست جانە ءپوزيتيۆتى ورتا – ەڭ مىقتى دەمەۋ. ءدال سولاردىڭ ورتاسىنان ءسىز پايدالى كەڭەستەردى، قاجەتتى تۇرتكىنى، ۇزدىكسىز قولداۋدى تاباسىز. ءوزىڭىز ويلاڭىزشى، جۇمىسىن جەك كورەتىن اداممەن اڭگىمەلەسۋ ءتۇڭىلۋ مەن كۇيزەلىستەن باسقا نە بەرەدى؟ ومىردە جەتىستىككە جەتۋ مۇمكىندىگىنىڭ دەڭگەيى ورتاڭىزدىڭ جەتىستىك دەڭگەيىنە تىكەلەي بايلانىستى.
8. تاباندىلىق تانىتىڭىز
ۋولت ديسنەيگە ديسنەيلەندتىڭ نەگىزىن سالۋ ءۇشىن 303ء-شى بانك قانا فوند ۇسىنۋعا كەلىسىم بەرگەن. ستيۆ ماككەرري “The Afgan Girl” شەديەۆر سۋرەتىن تۇسىرگەنگە دەيىن 35 جىل ىشىندە ميلليونداعان سۋرەت تۇسىرگەن. دج. كەنفيلد پەن مارك ۆ. حانسەننىڭ «جانىڭدى ەمدەيتىن تاۋىق سورپاسى» كىتابى مەگا-بەستسەللەر بولعانعا دەيىن 134 باسپا ونى باسۋدان باس تارتقان. ەديسون ەلەكترلىك شام شىعارعانعا دەيىن 10 000 ءساتسىز تالپىنىس جاساپ كورگەن. زاڭدىلىقتى بايقايسىز با؟
You Might Also Like
-
پروفەسسور وقۋشىلارىنا سترەسس تۋرالى ساباق وتۋدە. ستاكانعا سۋ تولتىرىپ تىڭداپ وتىرعانداردان سۇرادى:
-
1. فەرما قوجايىنى تىشقان اۋلايتىن قاقپان قويىپتى. ونى بايقاعان تىشقان كورگەن-بىلگەنىن تاۋىققا، قويعا جانە سيىرعا جەتكىزەدى. ال ولار بولسا: «قاقپان — سەنىڭ پروبلەماڭ! بىزگە ونىڭ ەش قاتىس...
