سوڭعى جاڭارتۋ

(وزگەرتىلگەن ۋاقىتى 1 كۇن بۇرىن)
كوڭىل-كۇيىمىزدى جاتتىقتىرۋ
ءتۇپقاراعان اۋدانى، باۋتين اۋىلى.
"اقبوتا"بالاباقشاسىنىڭ پسيحولوگى
جيەمبايەۆا ايگەرىم ابييەۆنا

ترەنينگ. كوڭىل-كۇيىمىزدى جاتتىقتىرۋ.

ترەنينگ ماقساتى: ۇستازدار قاۋىمىنىڭ قابىلەتىن، ىنتا جىگەرىن، قىزىعۋشىلىعىن، شىعارماشىلىعىن، بىلىكتىلىگىن داعدىلاندىرۋ.
كورشى جاتتىعۋى:
ماقساتى: ءاربىر قاتىسۋشىنىڭ سول توپتىڭ ءبىر مۇشەسى ەكەندىگىن سەزىنۋى، ءبىر - بىرىنە جىلۋلىق سىيلاۋ.
نۇسقاۋلىق: كورشىڭدى وڭ جاقتان قۇشاقتا،
كورشىڭدى سول جاقتان قۇشاقتا
وڭ جاقتاعى كورشىڭە ءبىر جىميىپ،
سول جاقتاعى كورشىڭە ءبىر جىميىپ
وڭ جاقتاعى كورشىڭە وڭ كوزىڭدى،
سول جاقتاعى كورشىڭە سول كوزىڭدى قىسىپ، ءبىز ۇلكەن ۇجىمبىز دەپ بارلىعىمىز داۋىستايىق.
كەلەسى جاتتىعۋعا كوشەمىز، بۇگىن مەن سىزدەردى اكتەر بولۋعا ۇيرەتەمىن. مەن سەندەرگە نەنى كورسەتىڭدەر دەسەم، سونى بەت - الپەتتەرىڭمەن بەينەلەيسىزدەر.

قاباعى تۇيىلگەن، اشۋلى ادامنىڭ كەيىپى؛
قاسقىردان قورىققان قوياننىڭ؛
ۇيادان ءتۇسىپ قالعان بالاپاننىڭ؛
جىلاپ تۇرعان ادامدى كورسەتۋ؛
ءجاي كۇلىپ تۇرعان جانە قاتتى كۇلىپ تۇرعان ادامدى كورسەتۋ؛
ولەڭ ايتىپ تۇرعان ادامنىڭ سەزىمىن كورسەتە ءبىلۋ.

«كىم ەكەنىن تاپ» ويىنى.
ءاربىر ادام ءوزىنىڭ اتى - ءجونىن كورسەتپەي، ءوز وزىنە پسيحولوگيالىق مىنەزدەمە جازادى. ءوزىنىڭ ۇنامدى - ۇنامسىز قاسيەتتەرىن جازۋى كەرەك. بۇل مىنەزدەمە جازىلعان بەتتەردى جەتەكشى جيناپ ارالاستىرادى دا، اراسىنان بىرەۋىن الىپ، داۋىستاپ وقيدى. توپ مۇشەلەرى مىنەزدەمەنىڭ يەسىن تابۋ كەرەك.

«اينا» جاتتىعۋى.
ءقازىر ءبىز بىرنەشە قاراپايىم ارەكەتتەردى ورىنداپ كورەمىز. ال، ەندى تاپسىرمانى تىڭدايمىز. تاپسىرمانىڭ سانى تورتەۋ. ولار تومەندەگىدەي:
تۇيمەنى تاعامىز؛
جولعا جينالامىز؛
نان پىسىرەمىز؛
سيركتە قويىلىم كورسەتەمىز.
ءاربىر تاپسىرما جۇپتاسا ورىندالۋى ءتيىس، ياعني جۇپتاعى ادامداردىڭ بىرەۋى اتالعان تاپسىرمالاردىڭ بىرەۋىن جاساسا، ەكىنشى ادام ونى ايناداعىداي كورسەتۋى ءتيىس. كەيىن جۇپتاعى ويىنشىلار ءبىر - بىرىمەن الماسادى. ءبىراق الدىمەن جۇپتاسايىق. جۇپتار دايىن تاپسىرمانى ورىنداي باستايىق. قالعانىمىز كورەرمەن رەتىندە ەكەۋىنىڭ ارەكەتتەرىن قاداعالاپ، سەرىگىنىڭ ارەكەتىن قايتالاعان ادامعا ارتىستىگى ءۇشىن باعا قويامىز. توپ ارتىستەردى بەس ۇپايلىق جۇيە بويىنشا باعالايدى. كەيىن بارلىق ۇپايلار قوسىلىپ، كىمنىڭ ارەكەتتەردى نەعۇرلىم ءساتتى ورىنداعانى انىقتالادى.

You Might Also Like

جاڭالىقتار

جارناما