InfoHub Logo

 

ادامزات ەڭ قۋاتتى قارۋعا يە، ول كۇلكى

مارك تۆەن

كەلەڭسىز ءبىر جاعدايدى، كوڭىلسىز كۇيدى قالاي قۋانىشتى حالگە كەلتىرۋگە بولادى؟

مۇنىڭ وڭاي جولى بار. كۇلىمدەۋدى ۇيرەنىڭدەر جانە كۇنى بويى كۇلىمدەپ جۇرىڭدەر. ايناعا قاراپ كۇلىمدەپ، ءجيى تاجىريبە ەتىڭدەر. شىنايى، تابيعي تۇرعىدا كۇلىمدەپ ءجۇرۋدى ۇيرەنىڭدەر.

كۇلىمدەۋ وزدىگىنەن، شىنايى بولمايىنشا ەشكىمگە پايداسى تيمەيدى.

ءبىر كاسىپكەر اعامىز: «كۇلىمدەۋدى بىلمەيتىن ادام دۇكەن اشپاسىن» دەيتىن ەدى. كۇلىمدەپ ءجۇرۋ جۇمىستا دا، ۇيدە دە، سىرتتا دا ءومىردىڭ بارلىق كەزەڭدەرىندە وزىڭە دە، وزگەلەرگە دە پايدالى بولىپ تابىلادى.   

وقۋعا نەمەسە جۇمىسقا بارۋ ءۇشىن ءوز قالاۋىڭىزبەن تۇرىپ، ۇيدەن كوڭىلدى شىققان كۇندەرىڭىز كوپ بولعاندىعىنا سەنىمدىمىن. كوڭىل كۇيدىڭ جاقسى بولعاندىعىنان جۇزىڭىزگە جاراسقان سۇيكىمدى تۇردە كۇلىمدەپ شىقتىڭىز. تاڭەرتەڭگىلىك ۋاقىتتاعى بۇل كۇلىمدەۋ رۋحىڭىزعا شابىت، قۇلشىنىس بەرۋدە ەدى. ەگەر بۇگىن نەمەسە الداعى كۇندەردىڭ بىرىندە قانداي دا ءبىر سەبەپپەن جۇزىڭىزدەگى كۇلىمدەۋ جوعالعان بولسا، قايتادان كۇلىمدەڭىز. وسىلايشا جەتىستىكتىڭ باسپالداقتارىنان شىعۋ جەڭىلدەي تۇسەدى.

كۇلىمدەگەن، كوڭىلدى كۇيمەن ءجۇرىڭىز جانە ىسكە سەنىمدىلىكپەن كىرىسىڭىز. ەشكىمنىڭ، ەشبىر سەبەپتىڭ قاباعىڭىزدى تۇيدىرۋىنە جول بەرمەڭىز. ءتىپتى تەلەفونمەن سويلەسكەندە دە كۇلىمدەپ سويلەسىڭىز. تۇتقاداعى ادام ءسىزدى كورمەسە دە كۇلىمدەگەنىڭىزدى سەزەدى، بولىمدى تۇردە اسەرلەنەدى. وسىنى ادەتكە اينالدىرعانىڭىزدا كوپ ۇزاماي ادامدارمەن ديالوگتاردا جۇزىڭىزدە جىلى، جاعىمدى كۇلىمسىرەۋ ورىن الاتىن بولادى.

ادامداردىڭ كوڭىلىنە شاتتىق ۇيالاتاتىن، جىلۋلىق بەرەتىن نارسە – جىلى ءجۇز، كۇلىمدەۋ. كۇلىمدەۋ ساداقا بەرگەندەي ساۋاپ بولىپ سانالاتىنىن دا ەستەن شىعارماۋ كەرەك.     

وقۋعا كەعەس بەرەمىز: كۇلىمدەۋ – شىعىنسىز كەلەتىن ولجا

---