InfoHub Logo

سەمەي قالاسىنىڭ №2 سوتىندا تۇراقتى تىركەۋسىز بالانى ءبىلىم ورداسىنا قابىلداعانى ءۇشىن پارا الماق بولعان مەكتەپ ديرەكتورىنا قاتىستى ۇكىم شىقتى، سەمەي قالاسىنىڭ №2 سوتىن باسپا ءسوز قىزمەتى دەپ حابارلايدى .

ديرەكتورعا قاتىستى سوت ءىسى بۇگىن سوڭىنا جەتتى. سوت ماتەريالدارىنا سايكەس، قالاداعى №7 ورتا مەكتەپتىڭ ديرەكتورىنا سەمەيلىك تۇرعىن ءوتىنىش ءبىلدىرىپ، ءوزىنىڭ تانىسىنىڭ بالالالارىن تۇراقتى تىركەۋسىز مەكتەپكە قابىلداۋدى سۇراعان. ءبىلىم ورداسىنىڭ باسشىسى وقۋشىلاردى قابىلدايتىنىن، الايدا بۇل قىزمەتتىڭ تەگىن بولمايتىنىن ەسكەرتكەن.  ءوتىنىش بىلدىرۋشىلەردەن الدىمەن كولىكتىڭ دوڭگەلەگىن سۇراعان. الايدا از ۋاقىت وتكەننەن كەيىن ديرەكتور قۇنى 63 500 تەڭگەلىك ۆيدەوتىركەۋىش ساتىپ الىپ بەرۋدى بۇيىرعان. ناقتى قىلمىس بارىسىندا، ياعني پارانى الۋ كەزىندە مەكتەپ باسشىسىن سىبايلاس جەمقورلىققا قارسى اگەنتتىك قىزمەتكەرلەرى قولعا ءتۇسىردى.

مەكتەپ ديرەكتورى قىلمىستىق كودەكستىڭ 366-بابى 1-بولىگى بويىنشا جاۋاپ بەرۋىنە تۋرا كەلدى. سوت ۇكىمى بويىنشا، 63 500 تەڭگەلىك «سىيلىق» ەلۋ ەسەلەنىپ، ديرەكتورعا 3 ميلليون 170 مىڭ تەڭگە كولەمىندە ايىپپۇل سالىندى. سونىمەن بىرگە، سوتتالۋشىنىڭ مۇلكى تاركىلەنىپ، ول ءومىر بويى مەملەكەتتىك قىزمەتتە ەڭبەك ەتۋ قۇقىعىنان ايىرىلدى.

---