اعىلشىنشا وقىتاتىن مۇعالىمدەردىڭ قوسىمشا تولەمدەرى كوبەيتىلەدى
ءبىلىم جانە عىلىم ءمينيسترى ەرلان ساعادييەۆ ۇستازداردى دايارلاۋ مەن ولارعا ارنالعان قوسىمشا تولەمدەرگە بولىنەتىن قارجى جىل سايىن ارتاتىنىن مالىمدەدى.
بۇگىن پارلامەنت سەناتىنىڭ جالپى وتىرىسىندا دەپۋتات سەرگەي ەرشوۆ ءبىلىم جانە عىلىم مينيسترىنەن ورتا ءبىلىم بەرۋ مەملەكەتتىك ۇيىمدارى كادرلارىنىڭ بىلىكتىلىگىن ارتتىرۋعا قاراستىرىلعان بيۋدجەت شىعىستارى جايىندا سۇرادى.
«ونىڭ ىشىندە ءبىرقاتار پاندەر بويىنشا ءۇش تىلدە وقىتۋ تۇرعىسىندا 6،9 ملرد تەڭگە ەسكەرىلگەن. مۇعالىمدەر ءتيىستى تىلدىك دايىندىقتان وتكەننەن كەيىن، ينفورماتيكا، فيزيكا، حيميا، بيلوگيا پاندەرى بويىنشا اعىلشىن تىلىندە وقىتۋدى قامتاماسىز ەتۋى ءتيىس. ياعني، تىلدىك كۋرستاردان وتكەننەن سوڭ ۇستازدار پاندەردى اعىلشىن تىلىندە وقىتۋدا وسى ءتىلدى ءتيىستى دەڭگەيدە مەڭگەرۋگە قاۋقارلى بولا ما؟»، - دەپ سۇرادى س. ەرشوۆ.
ونىڭ سوزىنە قاراعاندا، ق ر بعم بيىل 1 قىركۇيەكتەن باستاپ اعىلشىن تىلىندە فيزيكا، حيميا، بيولوگيا، ينفورماتيكا پاندەرىن اعىلشىن تىلىندە وقىتاتىن ۇستازدارعا بازالىق قىزمەتتىك ەڭبەكاقىسىنا قوسىمشا تولەم بەكىتىلەتىنىن حابارلادى.
«2017 جىلى بۇل ماقساتتارعا 864 ملن تەڭگە ءبولىندى. الايدا بيۋدجەتتى ناقتىلاۋ كەزىندە وسى سومادان 728 ملن تەڭگە نەمەسە بولىنگەن كولەمنەن 84 پايىزى قىسقارتىلدى. 2018 جىلى وسى ۇستەمە اقىعا 2،3 ملرد تەڭگە جوسپارلانعان. ءبىراق تا مۇعالىمدەر ءۇشىن قىسقا مەرزىمدەگى كۋرستارىنا قارجى باعىتتاۋ ءتيىمسىز بولۋى مۇمكىن، سەبەبى وسى باعىتتا سوڭعى ناتيجەگە جەتۋ قيىنداۋ. بۇل تۇرعىدا قارجىنى باستاپقىدان اعىلشىن تىلىنە وقىتۋعا نەگىزدەلگەن جوعارى وقۋ ورىندارىندا پەداگوگتاردى دايارلاۋعا سالعان دۇرىس بولار. سوندا ءتورت جىلدان كەيىن ءبىز اعىلشىن تىلىندە ءپان جۇرگىزە الاتىن مۇعالىمدەرگە قول جەتكىزەمىز»،- دەدى سەناتور.
ءوز كەزەگىندە مينيستر ەرلان ساعادييەۆ بۇل باعىتتا اتقارىلىپ جاتقان جۇمىستار مەملەكەت ءۇشىن تىڭ قادامدار ەكەنىن ەسكە سالىپ ءوتتى.
«بيىل ۇلكەن ەكسپەريمەنتتى باستاپ كەتتىك، ونىڭ ىشىندە مۇعالىمدەردى دايارلاۋ مەن اعىلشىن تىلىندە وقىتۋعا اۋىسۋ شارالارى ەسكەرىلگەن. الداعى جىلى مالىمەتتەرگە سۇيەنە وتىرىپ، ۇستازداردى دايارلاۋ كەستەسىنە ءتيىستى تۇزەتۋلەردى ەنگىزەمىز. اتاپ ايتقاندا، بۇل جۇمىستار الدىمەن تالقىلاۋدان وتەتىن بولادى»، - دەدى مينيستر.
ونىڭ سوزىنە قاراعاندا، بيىل 1 500 ءمۇعالىم اعىلشىن تىلىندە وقىتۋدى باستادى.
«ۇستازداردى دايارلىقتان وتكىزۋگە توقتالساق، شىنىندا كۋرستار قىسقا مەرزىمدى ەمەس، ءمۇعالىم B2 دەڭگەيىنە دەيىن جەتۋى ءتيىس. ەگەر دە قىسقا مەرزىمدى كۋرستار وعان 1ء-شى دەڭگەيلەن وتۋگە مۇمكىندىك بەرسە، وندا ول كەلەسى كەزەڭگە بارۋى كەرەك. بۇل تۇرعىدا ءمۇعالىم دە اعىلشىن تىلىندە ءپان جۇرگىزۋگە جانە ونىڭ ۇستىنە ءتيىستى ۇستەمەاقىعا رۇقساتى بولۋى ءۇشىن قاجەتتى دەڭگەيگە جەتۋى كەرەك»، - دەدى ۆەدومستۆو باسشىسى.
سونىمەن قاتار ساعادييەۆ ۇستازداردى دايارلاۋ مەن ولارعا ارنالعان قوسىمشا تولەمدەرگە بولىنەتىن قارجى جىل سايىن ارتاتىنىن اتاپ ءوتتى.
«بۇل باعىتتا ءتيىستى جۇمىستاردى جۇرگىزىپ جاتىرمىز. جالپى، بۇگىندە بايقالعان ناتيجەلەر وڭ كورسەتكىشكە جەتتى»، - دەپ تۇيىندەدى ءسوزىن مينيستر.
قازاقپارات
You Might Also Like
-
الماتى وبىلىسى، سارقان قالاسى №1 مەكتەپ-گيمنازياسىنىڭ 6 ب سىنىپ وقۋشىسى كريۆەنسوۆا ەليزاۆەتا ۆلاديميروۆنا جەتەكشەسى: دۋيسەنحانوۆا س.ب
-
1 5ۆ010100 مەكتەپكە دەيىنگى وقىتۋ جانە تاربيەلەۋ بيولوگيا گەوگرافيا
