InfoHub Logo

ساباقتىڭ تاقىرىبى: «كۇلپاش» بەيىمبەت مايلين
ساباقتىڭ ماقساتى:
1. وقۋشىلارعا ب. ءمايليننىڭ «كۇلپاش» اڭگىمەسى بويىنشا قازاق حالقىنىڭ اشارشىلىق كەزىندەگى تۇرمىسى تۋرالى ماعلۇمات بەرۋ، سىنىپتاعى وقۋشىلاردىڭ كەم دەگەندە 80 % بەرىلگەن تاپسىرمالاردى توپتا ناقتى ورىنداپ، سۇراقتارعا ماعىنالى تولىق جاۋاپ بەرۋى، ءوز ويىن قورىتىندىلاي الۋى ءتيىس.
2. وزدىگىنەن ىزدەنىپ جۇمىس ىستەۋ، شىعارماشىلىق قابىلەتىن دامىتۋ
3. وتانسۇيگىشتىككە، قايىرىمدىلىققا، شىدامدىلىققا، باۋىرمالدىققا تاربيەلەۋ.

ساباقتىڭ ءتۇرى:
ساباقتا قولدانىلاتىن ءادىس - تاسىلدەر: كەيس - ستادي، سۇراقتارى بار قوراپ، «سويلەي الاتىن قولدار»، دەڭگەيلىك تاپسىرمالار، اقىلدىڭ التى قالپاعى
ساباقتا قولدانىلاتىن تەحنولوگيا: جوبالاۋ - كونسترۋكتيۆتى تەحنولوگياسى، اكت
ساباقتا قولدانىلاتىن كورنەكىلىكتەر: سلايد، ديداكتيكالىق ماتەريالدار، ۆيدەو، رولدىك اتريبۋتتار، ءتۇرلى - ءتۇستى قوراپشا، ستيكەرلەر.
ۇيىمداستىرۋ كەزەڭى:
وقۋشىلار: «5» بولسىن الار باعامىز
بىزدەر تاتۋ بالامىز
ونەر - ءبىلىم كوپ وقىپ
وسە بەرسىن سانامىز
ءمۇعالىم: سويلەتەر ءسوزدى شەبەرلەپ
ءوزىڭنىڭ انا ءتىلىڭمىن
بايىپتاپ جاقسى وقىساڭ
نەگىزى مەندە ءبىلىمنىڭ دەي كەلە بۇگىنگى انا ءتىلى پانىنەن بولاتىن اشىق ساباعىمىزعا قوش كەلدىڭىزدەر دەيمىز. ەندەشە بۇگىنگى ساباقتى باستاماس بۇرىن مىنا بەرىلگەن سۋرەتتەر ارقىلى توپتارعا ورنالاسىپ الىڭىزدار.
كىرۋ پاراعىن تولتىرادى سمايليكتەر ارقىلى، ياعني ساباققا دەيىنگى كوڭىل – كۇيىن ءبىلدىرۋ.

ءۇي تاپسىرماسىن سۇراۋ كەزەڭى: ءار وقۋشىنىڭ الدارىنا تاراتىلىپ بەرىلگەن «سايكەستەندىرۋ تەستىن» قولدانىپ ۇيگە بەرىلگەن «ازاتتىق جولىندا» ءماتىنى بويىنشا جالپى نە ۇقققاندارىن تەكسەرىپ، باعالاۋ.
● «ازاتتىق جولىندا»
1. توقاش بوكينگە قانداي ايىپ تاعىلدى؟
2. توقاشتىڭ اناسىنىڭ ەسىمى كىم؟
3. بەكبولات اشەكەيەۆ -
4. ايىپتاۋ قورىتىندىسى نە بولدى؟

● اقبالتىر
جەتىسۋ كوتەرىلىسىنىڭ باسشىسى
شابۋىل جوباسىن سىزىسقان دەپ
دارعا اسۋ
زەيىن شاشكين

سلايدتان دۇرىس نۇسقاسى كورسەتىلىپ وقۋشىلار وزدەرىنىڭ نەشە جاۋابى دۇرىس ەكەنىنە كوز جەتكىزىپ، الدارىنداعى تاراتىلىپ قويعان ارنايى باعالاۋ پاراعىنا باعالارىن قويادى.

جاڭا ساباققا دايىندىق: سلايدتان
تاۋدا تۋعان قۇلىننىڭ
ەكى كوزى تاستا بولار
اشارشىلىقتا تۋعان بالانىڭ
ەكى كوزى استا بولار قانداي زاماندا تۋعان بالانىڭ دەيدى؟ اشارشىلىقتا تۋعان، سوندا اشارشىلىق دەگەنىمىز نە ەكەن؟ وقۋشىلاردان بۇل تۋرالى نە بىلەتىندەرىن سۇراۋ.
ەندى ول تۋرالى كەڭىرەك ءتۇسىنۋ ءۇشىن مىنا ءبىر ۆيدەوعا نازارىمىزدى اۋدارالىق.
ەكراننان جالپى قازاق حالقىنىڭ باسىنان وتكەن اشارشىلىق تۋرالى مالىمەت بەرىلەتىن ۆيدەو كورسەتىلەدى. 2 مين
ءمۇعالىم ۆيدەوعا ءبىراز تۇسىنىك بەرىپ كەتەدى، سلايدتان انىقتاما بەرىلەدى:
«1930 - 1932 جىلدارى قازاقستان حالقىنىڭ سانى التى ميلليوننان اسقان بولسا، سونىڭ ەكى ميلليوننان استامى اشتىقتان قىرىلدى»سول زامانداعى قازاق حالقىنا تونگەن قاسىرەت تۋرالى
جىرلاعانىم - كەدەيدىڭ جىرى
سىرلاعانىم - كەدەيدىڭ سىرى
سىرىم دا ءبىر، جىرىم دا ءبىر -
مەنداعى سول كەدەيدىڭ ءبىرى دەپ ولەڭ شىعارعان كىم ەكەن؟ ءيا، ول اڭگىمە جانرىنىڭ شەبەرى ءارى اقىن بەيىمبەت مايلين. ول تۋرالى ءبىز نە بىلەمىز وسى؟
نەگە اۆتور جىرلاعانىم دا سىرلاعانىم دا كەدەيدىڭ سىرى دەپ وتىر؟
وقۋشىلار ۇيدەن اۆتور تۋرالى قاراستىرىپ كەلگەن مالىمەتتەرى بويىنشا جاۋاپ بەرەدى.
ولاي بولسا وسى تاقىرىپتا جازعان كەڭ كولەمدى شىعارماسىنىڭ تاقىرىبى نە ەكەن؟ – «كۇلپاش»
جاڭا ساباق: باعىتتالعان وقۋ ءادىسى بويىنشا ءماتىننىڭ بولىكتەرى ءاربىر توپقا ءبولىنىپ بەرىلەدى. 3 مينۋت ىشىندە ولار بەرىلگەن ءماتىننىڭ ۇزىندىسىمەن تانىسىپ توپتا تالداپ سۇراقتار دايىندايدى قارسى توپتارعا.
كەيس - ستادي ءتاسىلى بويىنشا توپتا بەلگىلەنگەن
1. ساراپشى - ءماتىننىڭ مازمۇنىنىڭ دۇرىس باياندالۋىنا، سۇراقتاردىڭ دۇرىس قويىلىپ، دۇرىس جاۋاپ بەرىلۋىنە ءمان بەرىپ قاداعالاپ وتىرادى. قاتەلەسكەن جەرى بولسا تۇزەتىپ وتىرۋ كەرەك.
2. بايانداۋشى - بەرىلگەن ءماتىننىڭ ۇزىندىسىمەن باسقا توپتاعى بالالاردى تانىستىرىپ بايانداپ بەرۋى كەرەك.
3. قارسى سۇراق قويۋشى - وسى توپتاعى قويىلعان سۇراقتارعا جاۋاپ بەرگەن وقۋشىلارعا قارسى سۇراق دايىنداۋى قاجەت.
4. جول سىلتەۋشى - بۇل تاپسىرمانى توپتاعى كوشباسشىلىق قابىلەتى بار وقۋشىلار ورىندايدى، دەمەك ولار ءماتىننىڭ باياندالۋىنا دا، سۇراقتاردىڭ قويىلۋى مەن جاۋاپ بەرىلۋىنە دە، دۇرىس باعىت بەرىپ جول سىلتەۋى كەرەك.
ءماتىننىڭ مازمۇنىمەن تولىقتاي تانىسقاننان كەيىن، توپتار ءبىر بىرلەرىنە دايىنداعان سۇراقتارىن قويادى. جاۋاپتارى تىڭدالىپ بولعان سوڭ قارسى سۇراقتار قويىلادى. مىسالى: توپتىڭ سۇراعى - ءۇيدىڭ ءىشى قانداي ەدى؟ ءۇي سۋىق. جىرتىق تەرەزەدەن كىرگەن ىزعىرىق شەكەدەن شىققانداي. شەكەدەن شىققانداي دەگەن نە؟ ت. س. س

سەرگىتۋ ءساتى جاسالادى
«سويلەي الاتىن قولدار»
جاڭا ساباقتى بەكىتۋ: سوزدىكپەن جۇمىس
ءورىم - ءورىم - توزعان، جىرتىلعان
بوكەباي - باسقا جامىلاتىن ءشالى
ىزعىرىق - سۋىق جەل
ولمەلى كەدەي - وتە كەدەي

ناشار وقيتىن وقۋشىعا وقۋلىقتا بەرىلگەن سۋرەت بويىنشا شاعىن اڭگىمە قۇراستىرۋعا تاپسىرما بەرىلەدى.
سۇراقتارى بار قوراپتىڭ ىشىنەن بىرنەشە سۇراقتار تاراتىلىپ بەرىلەدى.
بۇل جەردە «اقىلدىڭ التى قالپاعى» ءادىسىن قولدانامىن. ياعني، سۇراقتار التى قالپاقتىڭ ءتۇسىنىڭ سۇراقتارىنا ساي بولادى.
دارىندى، ۇزدىك وقيتىن وقۋشىعا ماتەماتيكالىق سۇراق بەرىلەدى. مىسالى: قازىرگى قازاق حالقىنىڭ سانى ون التى ميلليون بولسا، اشارشىلىق زامانىنداعى اشتىقتان ەكى ميلليون ادام قىرىلماسا ءقازىر قازاق حالقىنىڭ سانى قانشا بولار ەدى؟

ساباقتى قورىتىندىلاۋ: جوبالاۋ - كونسترۋكتيۆتى تەحنولوگياسىن قولدانىپ بەرىلگەن سىزبا بويىنشا بۇگىنگى ساباقتا وتكەن تاقىرىپتى قورىتىندىلايدى.
مىسالى:

ۇيگە تاپسىرما: ءماتىننىڭ مازمۇنىن ءوز سوزدەرىمەن بايانداۋ، سۋرەتىن سالۋ، بولىمدەرگە ات قويۋ.
باعالاۋ
«باسپالداق» ءتاسىلىن قولدانىپ ءوزىنى - ءوزى باعالايدى. مىسالى: ءوزى تاقىرىپتى قانشالىقتى ءتۇسىندى جانە ءۇي تاپسىرماسىن نەشەگە ورىندادى؟
جاقسى ۇقتىم دۇرىس ورىندادىم - 5
ورتاشا بولسا - 4
ناشار دەسە - 3
مۇلدەم ەشتەمە ۇقپادىم - 2