InfoHub Logo

كۇيەۋدىڭ قايىن جۇرتپەن وينايتىن ادەتى عوي. قۇرىمبايدىڭ رۋىنا كۇيەۋ نۇرعابىل اقساقال مىنەزى جاعىمسىزداۋ كىسى بولسا كەرەك. كىندىگىنەن بالا بولماعاندىقتان بۇكىل قايىن جۇرتى ىشتەي مۇسىركەپ، ءبىر جاعى اپكەلەرىنىڭ كوڭىلىنە قاراپ «نۇرەكە، نۇرەكە» دەسىپ، سىي-قۇرمەت، ءىلتيپات كورسەتەدى ەكەن. ال نۇرەكەڭ كۇيەۋلىگىن مىندەت ەتىپ، جۇبايىمەن تۋىستىعى الىستاۋ قايىن جۇرتتارىنىڭ جىنىنا تيە سويلەيتىن ادەتى بولىپتى.

بىردە اۋىلدا ايەلىنە جاقىنداۋ ەكى-ۇش قاريا بىرىنەن سوڭ ءبىرى دۇنيە سالعان كورىنەدى. نۇرەكەڭ سونىڭ ءبىر ۇيىنە كوڭىل ايتا بارسا، سول جەردە قۇرىمباي دا وتىر ەكەن. نۇرەكەڭ ونى قاجاماق بولىپ:

— ە، جامان ەمەس، قايىن اعالار شەتىنەن قىرىلا باستادى، — دەپتى.

نۇرعابىلدىڭ تۋا جالعىز ەكەندىگىن، بۇل اۋىلدا قايىن جۇرتتارىن ساعالاپ وتىرعاندىعىن بىلەتىن قۇرىمباي شامدانىپ:

— ە، باردىڭ بارى ولەدى، جوقتىڭ كىمى ولەدى — ءوزى ولەدى، — دەپتى.

---