InfoHub Logo

تاقىرىبى: «ل» دىبىسى جانە ءارپى.
كەزەڭ: دىبىس قويۋ.
ساباقتىڭ ماقساتى: دۇرىس ارتيكۋلياسيا قالپى داعدىلارىن وندەۋ.
قۇرال - جابدىقتار: اينا، ارتيكۋلياسيالىق جاتتىعۋلاردىڭ فوتو جيناعى، زاتتىق سۋرەتتەر، بەلگى بەرەتىن جالاۋشا.

ساباقتىڭ جوسپارى:
1. «ل» دىبىسىن قويۋعا ارنالعان دايىندىق ارتيكۋلياسيا جاتتىعۋلارىن ورىنداۋ.
2. دىبىستى قويۋ.
3. ساباقتىڭ قورىتىندىسى.
4. ءۇي تاپسىرماسى.
ساباق بارىسى

1. لوگوپەد: «ل» دىبىسىن دۇرىس ايتىپ ۇيرەنۋ ءۇشىن ءتىل مەن ەرىندى جاتتىقتىرۋ قاجەت. مەن ساعان فوتو كورسەتەمىن، ال سەن ەسىنە جاتتىعۋدى ءتۇسىرىپ، ءوزىڭ ىستەپ كورشى. جاتتىعۋدىڭ ورىندالۋ دۇرىستىعىن اينا الدىندا باقىلا. (وقۋشى جاتتىعۋدى ورىندايدى).

لوگوپەد: كەلەسى جاتتىعۋ «ءتاتتى توساپ» دەپ اتالادى. جوعارعى ەرىندە ءتاتتى توساپ تۇر دەپ ەلەستەت. جوعارعى ەرىندى جالايىق. (سۋرەتتى كورسەتە وتىرىپ، لوگوپەد جاتتىعۋدى ورىندايدى. ساناۋ ارقىلى (1 - 3) وقۋشى جاتتىعۋدى ورىندايدى).
- «كەسە» جاتتىعۋى. ءتىلدىڭ ءبۇيىر جاقتارى جوعارى قاراي قايىرىلعان. (لوگوپەد جاتتىعۋدى ورىندايدى جانە سۋرەتتەدى كورسەتەدى). جاتتىعۋ وقۋشىمەن ورىندالادى.
- مەن تاعى ءبىر جاتتىعۋ جاسايمىن قاراشى. كەسە كۇيىندەگى ءتىلدى اۋىزعا كىرگىزۋ، ال ەرىندى دوڭەستەۋ. وقۋشى جاتتىعۋدى قايتالايدى.

لوگوپەد: سەن مەنى تىڭدا، مۇقيات. ەلەستەت ءبىز ەكەۋمىز وزەننىڭ بويىندا تۇرمىز. جانىمىزدان پاروحود ءوتىپ بارا جاتىر، ءىشى تولعان ادام. ال ەندى، پاروحودتىڭ داۋىسى قالاي شىعادى، تىڭداپ كورەيىكشى: ل – للل.... ەندى سەن ايتىپ كورشى.
وقۋشى: «ل – للل» ( قولىمەن موتورچيگىن سەزىنىپ جاسايدى)
لوگوپەد: جارايسىن. ەندى، «باعىنبايتىن ءتىلدى جازالاۋ»
اۋىزدى اشىپ، ءتىلدى تومەنگى ەرىنگە قويىپ «پيا - پيا – پيا...» دەپ ايتايىقشى. اۋىزدى اشىپ تۇرىپ ءتىلدى جالپاق كۇيىندە بىردەن 5-10-عا دەيىن ساناپ، ۇستاپ تۇر.
وقۋشى: جاسايدى.
لوگوپەد: قانە، ەسىمىزگە تۇسىرەيىك. پيا – پيا – پيا سوزىپ ايتايىقشى.
وقۋشى: پيا – پيا – پيا...
لوگوپەد: پاروحود قالاي دىبىس شىعارادى؟
وقۋشى: ل – ل – للل...
لوگوپەد: مەن ءقازىر ساعان بىرنەشە دىبىستاردى ايتامىن، ال سەن «ل» دىبىسىن ەستىگەندە جالاۋشانى كوتەر. « ر، ل، م، ن، ج، ت، د، ج»

3. ساباقتىڭ قورىتىندىسى. بالانىڭ جۇمىسىن باعالاۋ.
4. ءۇي تاپسىرماسى. قارلىعاش جانە ۇيرەكتىڭ ءانىن ايتىپ ۇيرەنۋ.