InfoHub Logo

ەلباسى نۇرسۇلتان نازاربايەۆ «قازاقستان – 2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا ارناعان جولداۋىندا لاتىن قارپىنە كوشۋ ماسەلەسىنە ەرەكشە توقتالا كەلىپ: «ءبىز 2025 جىلدان باستاپ ءالىپبيىمىزدى لاتىن قارپىنە، لاتىن الىپبيىنە كوشىرۋگە كىرىسۋىمىز كەرەك. بۇل – ۇلت بولىپ شەشۋگە ءتيىس ءپرينسيپتى ماسەلە. ءبىر كەزدە تاريح بەدەرىندە ءبىز مۇنداي قادامدى جاساعانبىز.
بالالارىمىزدىڭ بولاشاعى ءۇشىن وسىنداي شەشىم قابىلداۋعا ءتيىسپىز جانە بۇل الەممەن بىرلەسە تۇسۋىمىزگە، بالالارىمىزدىڭ اعىلشىن ءتىلى مەن ينتەرنەت ءتىلىن جەتىك يگەرۋىنە، ەڭ باستىسى – قازاق ءتىلىن جاڭعىرتۋعا جاعداي تۋعىزادى» دەپ اتاپ كورسەتتى.
«لاتىن الىپبيىنە كوشۋ قاجەت پە؟» دەگەن اڭگىمەنىڭ ايتىلعانىنا دا ءبىرشاما ۋاقىت بولدى. ويتكەنى بىرەۋ ۇناتىپ ايتسا دا، بىرەۋ ۇناتپاي ايتسا دا لاتىن جازۋىنىڭ (گرافيكاسىنىڭ) جايى كەز كەلگەن ادامدى تولعاندىرماي قويمايدى.
لاتىن جازۋى تۋرالى، جازۋ رەفورماسىنا قاتىستى ءوز ويىمدى ورتاعا سالۋدى ءجون كوردىم.
ءبىرىنشى ايتاتىنىم، ەرتە مە، كەش پە لاتىن جازۋىنا ايتەۋىر كوشەتىنىمىز كۇمانسىز. ويتكەنى ول – زامان تالابى، الەمي اقپاراتتىق كەڭىستىككە كوشتەن قال­ماي ەنەمىز دەسەك، سونداي-اق كۇندەلىكتى قول­عانات قوندىرعىلاردى (ورگتەحنيكانى) ەركىن پايدالانامىز دەسەك، ونىڭ باسقا جولى جوق. بۇگىن ءبىز كوشپەگەنمەن، ەرتەڭ بىزدەن كەيىنگى ۇرپاق قالاي دا قالاي كوشەدى، ءبىراق ول كەشەۋىل تىرلىك بولار ەدى. سوندىقتان لاتىن قارپىنە كوشۋ ماسەلەسى دەر كەزىندە كوتەرىلىپ وتىر.
مەن ساياساتكەر ەمەسپىن، سوندىقتان ماسەلەنىڭ ساياسي استارىنا سوقپايمىن، ول جاعى مەن ايتپاي-اق ءاربىر ۇلتجاندى قازاقتىڭ ويىندا جۇرگەنى انىق. بۇل جەردە رەسەيدىڭ ءتول جازۋىنان ايىرىلماي وتىرعانىن العا تارتپاي-اق قويايىق، ونىڭ دا بىزگە بەلگىلى ءوز سىرى بار…
ەكىنشى ايتاتىنىم، ءقادىرلى اعايىن، قازاق جازۋىنىڭ تاعدىرىن شىن ءسوز ەتكىمىز كەلسە، ەڭ الدىمەن قازاق ءتىلىنىڭ وزىنە عانا ءتان ءتول دىبىس قۇرامىنىڭ باسىن اشىپ الايىقشى… ويتكەنى كوبىمىز (تىپتەن ءبارىمىز) ءدال وسى ماسەلەگە كەلگەندە شورقاقپىز. وعان سەبەپ جىلدار بويعى «ورىستاندىرۋ» سايا­ساتى بولدى. اعا ۇرپاقتىڭ ەسىندە بولار، كەزىندە «ءبارىمىز تۇگەل ورىس تىلىنە كوشسەك، كوممۋنيزمگە تەز جەتەمىز» دەپ، كەڭەس باسشىلارىنىڭ ءبىرى تاستاعان ۇرانىمىز دا بولعان. ەڭ جانعا باتاتىنى، ورىس ءتىلىنىڭ «يگى ىقپالى» دەگەن سىلتاۋمەن وتكەن عاسىردىڭ 50ء-شى جىلدارى ءتول سوزدەرىمىزدىڭ جازىلۋ ەمىلەسىنە قوسىلعان ي، ۋ ءتارىزدى تاڭبالار (دىبىس ەمەس) بولدى. وقۋلىق پەن وقۋ قۇرالى بىتكەن وسى كۇنگە دەيىن تۇگەل سول جاپسىرمادان ارىلا الماي كەلەدى.
ءسوز سوڭىندا ايتارىم، بىرەۋلەر قازاق ءتى­­­­ءلى «دامىپ، كىرمە تاڭبا، دىبىستارمەن با­يىپ جاتىر» دەپ قوقان-لوقى كورسەتەدى، ءبى­­­رەۋلەر جازۋداعى «تاڭبا ۇنەمىن» العا تار­­­­تىپ، تاپقىرلىق كورسەتەدى، بىرەۋلەر قا­را­­­­جات شىعىنىمەن قورقىتادى، بىرەۋلەر ورىس ۇلگىدەگى اتاۋ، تەرميندەر بايلىعىن قي­­­­­مايدى، ىزدەي بەرسە بىتپەس ىسكە سەبەپ كوپ. 

---