InfoHub Logo

ماماندىق – قاراپايىم ءومىر ءسۇرۋ كوزى بولىپ تابىلاتىن جانە قانداي دا ءبىر دايىندىقتى، جاۋاپكەرشىلىكتى تالاپ ەتەتىن ەڭبەك قىزمەتىنىڭ ماڭىزدى بولىگى. ومىردە تەك ەكى نارسەدەن قاتەلەسپەۋ كەرەك. ونىڭ ءبىرى جار تاڭداۋدان بولسا، ەكىنشىسى ماماندىق تاڭداۋدان. بۇلاي ايتىلۋدىڭ سەبەبى سەنىڭ تاڭداعان ماماندىعىڭ سەنىڭ بولاشاعىڭ.

ادامدار ماماندىقتى جۇرەگىنىڭ قالاۋى بويىنشا تاڭداۋى كەرەك. ويتكەنى، ءاربىر ادامنىڭ بولاشاعى تاڭداعان ماماندىعىنا تىكەلەي بايلانىستى. مەنىڭ جۇرەگىم قالاپ تاڭداعان ماماندىعىم ول - يسلامتانۋشى بولۋ. مەن بۇل ماماندىقتان ءوزىمنىڭ جارقىن بولاشاعىمدى كورگەن سوڭ ءال فارابي اتىنداعى قازاق ۇلتتىق ۋنيۆەرسيتەتىندەگى يسلامتانۋ ماماندىعىن تاڭدادىم. 

يسلامتانۋ ماماندىعى تۋرالى قىسقاشا ايتا كەتسەم.  ماماندىعىمىزدىڭ باستى ماقساتى- ءدىن سالاسىندا ساۋاتتى، تەرەڭىنەن ويلاپ، ءتۇيىندى وي شىعارا الاتىن، ماسەلەگە جان-جاقتى تالداۋ جاساي الاتىن ماماندار دايىنداۋ، ەلىمىزدەگى تىنىشتىق پەن بەرەكەنى ساقتاۋعا ۇلەس قوسا الاتىن بىلىكتى ماماندار دايىنداپ شىعارۋ. يسلامتانۋ – يسلام ءدىنىنىڭ تاريحىن، قاعيدالارىن، مۇسىلمان حالىقتارىنىڭ مادەنيەتىن، قۇقىعىن، ەكونوميكاسىن زەرتتەيتىن ءدىنتانۋلىق ءپان. ءدىن تەك سەنىم جۇيەسى ەمەس، ول – ءومىر ءسۇرۋ مانەرى، قارىم-قاتىناس ادەبى، مورالدىق نورمالار جيىنتىعى، جاقسى مەن جاماندى، ادال مەن ارامدى اجىراتۋشى رۋحاني قاعيدالار جۇيەسى. سوندىقتان، ءدىن ماسەلەسى – رۋحانيات ماسەلەسى. يسلامتانۋدىڭ نەگىزگى مىندەتى – يسلام ءدىنى، ونىڭ رۋحاني قۇندىلىقتارى، ءىزباسارلارىنىڭ باعدارلارى تۋرالى حالىققا وبەكتيۆتى اقپارات ۇسىنۋدى ۇيرەتۋ.«يسلامتانۋ» ماماندىعى قوعامدىق ماڭىزدىلىعى بار فەنومەن رەتىندە جالپى جۇيەلىك ءبىلىم بەرەتىن پاندەر قاتارىنا جاتادى.

وسى ماماندىقتارعا ءتۇسۋ ءۇشىن تالاپكەرلەر ارنايى پاندەر بويىنشا 2 شىعارماشىلىق ەمتيحان تاپسىرادى:
1) كاسىپكە جارامدىلىعىن انىقتاۋ ءۇشىن اڭگىمەلەسۋ؛
2 )يسلام نەگىزدەرى بويىنشا اۋىزشا ەمتيحان.

بۇل ماماندىقتى بىتىرگەننەن كەيىن:
قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتى فيلوسوفيا، ساياساتتانۋ جانە ءدىنتانۋ ينستيتۋتى؛
قازاقستان رەسپۋبليكاسى قالالارىنىڭ جانە وبلىستارىنىڭ اكىمدىكتەرى - ءدىن ىستەرى جونىندەگى باسقارماسى؛
قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى؛
قازاقستان رەسپۋبليكاسى ىشكى ىستەر مينيسترلىگى سياقتى بەلدى جەرلەردەن تاجىربيە مەن جۇمىستان وتە الاسىز.

ءدارىس بەرەتىن ۇستازدارىمىز تەولوگيا سالاسىنان ويىپ تۇرىپ ورىن العان بىلىكتى جاندار. كافەدرامىزدا وقۋ ءۇشىن بارلىق جاعدايلار جاسىلعان. ستۋدەنتتەر ءۇشىن سوڭعى تەحنولوگيالارمەن قامتىلعان كابينەتتەر، قازىناعا مول كىتاپحانا، ىزدەگەننىن ءبارى تابىلادى. قازۇۋ – مۇمكىندىكتەر مەكەنى. سىزدەردى، وسى ءبىر كەرەمەت ماماندىقتى ءبىزدىڭ ۋنيۆەرسيتەتىمىزدە وقۋعا شاقىرامىن.

قورىتا ايتقاندا، ءال- فارابي بابامىز «تاربيەسىز بەرىلگەن ءبىلىم ادامزاتتىڭ قاس جاۋى» دەپ بەكەر ايتپاعان بولسا كەرەك. بولاشاق مامان رەتىندە الدىمىزعا قويار ماقساتىمىز ءتارتىپتى، ءبىلىمدى، سانالى ۇرپاق تاربيەلەۋ. وسى ورايدا قارا شاڭىراقتىڭ بىزگە ۇيرەتەرى كوپ.

ءال-فارابي اتىنداعى ءقازۇۋ-نىڭ "يسلامتانۋ" ماماندىعى 2 كۋرس ستۋدەنتى احمەدوۆ جاندوس

---