InfoHub Logo

ساباقتىڭ تاقىرىبى: «ماماندىقتار الەمى: ءبىز تاڭدايتىن جولدار» (سلايدىمەن)
9 - 11 سىنىپ وقۋشىلارى
ساباقتىڭ ماقساتى: وقۋشىلارعا دۇرىس كاسىبي تاڭداۋ جاساۋلارىنا كومەكتەسۋ.
ساباقتىڭ مىندەتتەرى:
1. وقۋشىلارعا ماماندىقتى دۇرىس تاڭداۋ ماسەلەسىنىڭ ماڭىزدىلىعىن كورسەتۋ؛ ماماندىقتار الەمىنە ساياحات جاساۋ؛
1. تالداۋ، ويلاۋ، رەفلەكسيانى، ءوزىن - ءوزى تانۋعا دەگەن تالپىنىسىن دامىتۋ؛
2. ءوز تاڭداۋى ءۇشىن جاۋاپكەرشىلىك سەزىمىن، العا ماقسات قويۋ جانە سوعان ۇمتىلۋ، ءومىر سۇرۋگە دەگەن قۇلشىنىسىن قالىپتاستىرۋ.
ساباقتىڭ بارىسى: جالپى ساباق ۇسىنعان پرەزەنتاسيا جەلىسىمەن وتكىزىلەدى.
1. سالەمدەسۋ كەزەڭى. پسيحولوگ ءوز قالاۋى بويىنشا ءبىر ءادىستى تاڭداپ، وقۋشىلارمەن امانداسادى.

2. ساباققا كىرىسپە.
- قۇرمەتتى وقۋشىلار، سەندەردىڭ ويلارىڭدا ءتۇرلى سۇراقتار تۋىنداپ جاتادى. مىسالى،
• قايدا بارامىن؟
• كىم ماعان كومەكتەسەدى؟
• مەن كىممىن؟
• نە ءۇشىن ءومىر ءسۇرىپ جاتىرمىن؟
• كىم بولامىن؟
• كىمگە سەنەمىن؟
وقۋشىلاردىڭ جاۋاپتارى تىڭدالىپ، قىسقا تالداۋ جاسالادى.
- بالالار، قازىرگى كەزدە مەكتەپ ءبىتىرۋشى تۇلەكتەردىڭ ەڭ ءجيى تاڭدايتىن ماماندىقتارى مىنانداي ەكەن:
• زاڭگەر
• اسپازشى
• اۋدارماشى
• ءمۇعالىم
• مەنەدجەر
• ۆەتەرينار
• پروگرامميست
• ينجەنەر
• بانك قىزمەتكەرى
• ديزاينەر
• ەكونوميست
• دارىگەر
• پسيحولوگ
• تاربيەشى
• بيزنەسمەن
• قۇرىلىسشى
- ستاتيستيكاعا سۇيەنسەك، قازاقستاننىڭ جوو ءبىرىنشى ستۋدەنتتەرىنىڭ 28% ءوز تاڭداۋلارىنا كوڭىلدەرى تولماي، سول ماماندىقتى تاڭداعانىنا وكىنگەن ەكەن. سۇراستىرا كەلە، ماماندىقتى تاڭداۋدا ولاردىڭ:
1. 30% - اتا - اناسىنىڭ، مۇعالىمدەردىڭ كەڭەسىنە سۇيەنگەن ەكەن؛
2. 44% - ۇيەرىنە جاقىن ايماقتى تاڭداعان ەكەن؛
3. 12% - قازىرگى تاڭدا «مودنو» دەگەن ماماندىقتارى تاڭداعان؛
4. 14% - ماماندىعىن ەڭ سوڭعى ساتتە تاڭداعاندارى بەلگىلى بولىپتى.
- سوندىقتان دا، قۇرمەتتى وقۋشىلار ءدال ءقازىر دۇرىس تاڭداۋ جاساۋ ماسەلەسىنە كوڭىل بولەيىك. مۇقيات تىڭداپ، سۇراقتارىڭ بولسا، ءتۇرتىپ وتىرىڭدار. ساباق سوڭىندا تۋىنداعان سۇراقتاردى تالقىلايتىن بولامىز.

3. نەگىزگى ءبولىم
نەگىزگى بولىمدە پسيحولوگ پرەزەنتاسيادا ۇسىنىلعان اقپاراتپەن تانىستىرادى.
1. نەگىزگى 5 ماماندىقتار ايماعىن ءبولىپ، ولارعا سايكەس ماماندىقتاردى اتاپ كەلەدى. ولار:
1. «ادام - تابيعات» ايماعى
2. «ادام - تەحنيكا» ايماعى
3. «ادام - ادام» ايماعى
4. «ادام - بەلگىلەر جۇيەسى» ايماعى
5. «ادام - كوركەمدىك بەينە» ايماعى
2. وسى ماماندىقتار الەمىندە دۇرىس تاڭداۋ جاساي الۋى ءۇشىن بالالاردى «ماماندىق تاڭداۋ فورمۋلاسىمەن» تانىستىرادى.
تالداۋ، قورىتىندىلاۋ: «قالايمىن»، «قولىمنان كەلەدى» جانە «قاجەت» - وسى ۇشەۋىن ءبىر - بىرىمەن ۇيلەستىرە الساڭ، سەنىڭ كاسىبي تاڭداۋىڭ وتە ءساتتى بولماق.
سەنىڭ مىندەتىڭ – كەلەسى تالاپتاردى ورىندايتىن ماماندىقتى تاڭداۋ:
• سەن ءۇشىن ماماندىعىڭ قىزىقتى جانە تارتىمدى بولۋى قاجەت؛
• سەنىڭ قابىلەتتەرىڭە سايكەس كەلۋى قاجەت؛
• ەڭبەك نارىعىندا سۇرانىسقا يە بولۋى قاجەت.

4. پراكتيكالىق ءبولىم. «ماماندىقتى تاڭداۋ» پراكتيكۋمى.
وقۋشىلارعا «سەن كىمسىڭ؟» ميني - تەستىن ورىنداۋ ۇسىنىلادى. تەست نۇسقاۋ بويىنشا ورىندالىپ بولعاننان سوڭ، ينتەرپرەتاسيالانادى، ءار فيگۋراعا سايكەس پسيحولوگيالىق سيپاتتامالار بەرىلەدى. سوڭىندا، ءار فيگۋراعا (سايكەسىنشە، مىنەز ەرەكشەلىكتەرىنە) ساي كەلەتىن ماماندىقتار ۇسىنىلادى.
تالداۋ:
- تاڭداعان فيگۋراڭا سايكەس پسيحولوگيالىق سيپاتتامالار ساعان قانشالىقتى كەلەدى دەپ ويلايسىڭ؟
- ءار توپتاعى ماماندىقتارعا ورتاق نە؟
- ءوزىڭ تۋرالى جاڭا نە ءبىلدىڭ؟
بالالار ءوز ويلارىمەن ءبولىسىپ، تالقىلاۋ جۇرەدى.