ماڭايىمنان ارمەن كەت،
جاندى قۋىرشاق، ارام ەت.
بىلدىرمەستەن استىرتىن
الداپ ەدىڭ كوز قۇرتىن،
قۇر بوياما قىزىل بەت.

اناداي تۇرىپ قاراسام،
جاندى ەرىتەر جاندايسىڭ:
جۋىپ كەتسەم ماڭىڭا
ەكى اياقتى مالدايسىڭ.
سونداي بولا تۇرىپ تا
وز-وزىڭە قاندايسىڭ.

ءبىر كورمەگە اسىلسىڭ،
كول كورمەگە ماسىلسىڭ.
تەك ىشىپ-جەپ جۇك تارتار
سارتتار مىنگەن قاشىرسىڭ.
نە سويلەرگە ءتىلىڭ جوق،
نە ءسوز ۇعار ءبىلىم جوق،
ساعان كىمدەر باس ۇرسىن؟

ءبىراق جازىق قازاقتا:
ۇلى-قىزى مازاقتا.

---