InfoHub Logo

ماڭگىلىك ەلدىڭ بولاشاعى - سەنىمدى قولدا

قازاقستان...قاسيەتتى دە قۇرمەتتى اتىڭنان اينالايىن! سەندەگى بار عۇمىرىم، ماعان قۋانىش پەن باقىت اكەلدى. ساعان ارتار وكپەم ءتىپتى جوق! بولمايدى دا. كاسپييدىڭ بۇرقىراعان تولقىنىمەن، ءدۇر ەتكەن ءباھادۇر ەرلەرىمەن، سارى دالانىڭ سامالداي سوققان وشپەس تاريحىڭ مەن سەنىڭ اتىن ءالى شوقتىعى بيىك جەرلەردەن ورىن الاتىنى ءسوزسىز. وعان مەنىڭ سەنىمىم مول.

ءبىراق ەجەلگى قازاق ەلى مەن قازىرگى  قازاقستاننىڭ اراسى جەر مەن كوكتەي. تولقىندارى تىنىق سامالمەن تەربەتىلىپ جاتاتىن، سول باياعى قارت كاسپيي. قاشان كەلسەڭ دە ساعان ايتار اڭىزى، شەجىرەسى تاۋسىلمايتىن، جۇمباق سىرلارىنىڭ شەتى كورىنبەيتىن، سول باياعى كەڭ دالا. وسى جەردە: « بۇرىنعى قازاق ەلى مەن قازىرگى قازاق ەلىنىڭ نە ايىرماشىلىعى بار؟»- دەگەن سۇراق تۋىندايدى. «باياعى جارتاس- سول جارتاس»- دەمەكشى، «قانداي وزگەرىس بار؟»- دەگەن دە سۇراق تۋادى. وندا مەن جاۋابىمدى  ايتايىن. قازىرگى قازاقستان- جاڭا بولاشاققا باستاۋ العان دامىعان مەملەكەتتەردىڭ ءبىرى. ول كوركەيۋ ۇستىنە كوركەيۋدە. جاپىراعى جايقالىپ، گۇلدەي جايناپ، تامىرىن تەرەڭ بەكىتۋدە. ازيانىڭ جۇرەگىندە ورنالاسقان قازاقستان باسقالاردىڭ قىزىعا دا قۋانا دا قارايتىن ەلىنە اينالۋدا. ول بۇرىنعى قازاق ەلىنەن ءوزىنىڭ تاۋەلسىزدىگىمەن، جاڭا ساياساتىمەن جانە جاڭا كوزقاراستارىمەن ەرەكشەلەنەدى.

وسىنىڭ بارلىعى ەلىمىزدىڭ كوپتى كورگەن، پاراساتتى، ءادىل، كوزى اشىق، كوكىرەگى وياۋ ەلباسىمىز نۇرسۇلتان ءابىش ۇلى نازاربايەۆتىڭ ەڭبەگىنىڭ جەمىسى. نۇرسۇلتان ءابىش ۇلى – دۇنيە جۇزىنە ءسوزىن وتكىزىپ وتىرعان بۇگىنگى زاماننىڭ كورنەكتى ساياساتكەرى. قازاقستاننىڭ تاۋەلسىز مەملەكەتىن قۇرۋدىڭ باسىندا تۇرىپ، وسى جولداعى نە قيلى تار جول، تايعاق كەشۋدى حالقىمەن بىرگە ءوتىپ، قيىنشىلىقتارىن بولىسكەن، بۇگىندە الەم مويىنداپ وتىرعان جاڭا مەملەكەتتى قالىپتاستىرىپ، وعان جاڭا استانا جاساپ جاڭا قالا تۇرعىزعان، بولاشاققا باعىتتاپ بارا جاتقان ۇلى تۇلعا، ءتورت قۇبىلانى تۇگەندەپ، كەمەل ويلى، كەمەڭگەر اتا-بابالارىمىزدىڭ جولىمەن جۇرگەڭ قاسيەت دارىعان قايراتكەر.  قازىرگى زاماننىڭ ناعىز باتىرى- پرەزيدەنت. ەل تاريحىنىڭ شەشۋشى ساتىندە كەلىپ، ءوزىنىڭ شەكسىز ۇلتجاندىلىعىن، رۋحىن كورسەتىپ، ەلىن ورلەۋ مەن گۇلدەنۋ جولىنا ءتۇسىرىپ، ىركىلمەي باستاپ كەلە جاتقان ىزگى جان تۋرالى جىلى لەبىزدەردى كوپتەپ كەلتىرۋگە بولادى.

نۇرسۇلتان ءابىش ۇلى نازاربايەۆ پرەزيدەنت بولعان ساتتە-اق ونىڭ يىعىنا ايتۋعا وڭاي، ءبىراق اتقارىلۋى نار تۇيەنىڭ جۇگىندەي اۋىر جۇمىستار تۇسكەن بولاتىن. ارتىنا ەرىپ، وعان سەنگەن حالىقتى دۇرىس باعىتتا ۇستاي وتىرىپ ءوزى جول باستادى. سول باعىتتا تاۋەكەل ەتىپ، ءوزى دە، حالىق تا كوكسەگەن ماقساتقا، اڭساعان مۇراتقا جانە تالاي جىلدار بويى ويلاعان ارمانعا جەتە ءبىلدى. حالىقتىڭ سەنىمىن اقتاپ، سوزىندە تۇرىپ ابىرويعا، سەنىمگە، العىسقا يە بولدى.

ارىستانداي ايباتتى،

جولبارىستاي قايراتتى.

قىرانداي كۇشتى قاناتتى،

مەن جاستارعا سەنەمىن.

ەلباسىمىز قازاقستاننىڭ جاستارىنا ۇلكەن سەنىم، زور ءۇمىت ارتادى. ولاردىڭ ارمان-تىلەگىن ورىنداۋ ءۇشىن، سان ءتۇرلى عاجايىپ وقۋ ورىندارىن، بالانىڭ ويلاۋ قابىلەتىن ارتتىراتىن قىزىقتى پاندەردى، بولاشاعىنا قاجەت بولاتىن پايدالى ۇيىرمەلەردىڭ دىڭگەگىن قالادى. ءبىز سەكىلدى ارمانى كوپ، قىران بوپ ۇشقىسى كەلەتىن دە تۇراتىن وقۋشىلاردىڭ بولاشاقتا ۇلكەن ازامات بولۋىن، ماماندىقتى قاتە تاڭداماۋىن جانە ءارقايسىسىمىزدىڭ ومىردەن ءوز ورنىن تابا ءبىلۋىن قالايدى.  وسى ءۇشىن مەن ەلباسىمىزعا شەكسىز ريزامىن. وقۋ بىتىرگەن سوڭ ەلباسى ءۇمىتىن اقتاۋ ءۇشىن بار جىگەرىمدى سالاتىن بولامىن... قازىرگى جاستاردىڭ تالعامى وتە قىزىق قوي. ءقازىر ۇناپ تۇرعان زاتى بىرنەشە ۋاقىتتان كەيىن ۇناماي قالادى. ال، ەلباسىمىز بارلىعىن ەسكەرىپ، قازاق جەرىندە تۇراتىن ءاربىر بالانىڭ بۇل ومىردەن شەكتەلمەۋىنە، ءوزىڭ جالعىز سەزىنبەۋىنە مول ەڭبەكتەنۋدە.

ەجەلگى ساق تايپالارىندا باسشىلارىن قۇدايداي ساناپ، ونى باس يە قۇرمەتتەگەن. باسشىنى ءتاڭىردىڭ جىبەرگەن ادامى دەپ ساناعان. باسشىلار ساق قوعامىندا ۇلكەن ءرول اتقارعان بولاتىن. سول سياقتى قازىرگى قازاقستاندا پرەزيدەنتتىڭ ورنى ايداي ەرەكشە بولەك. پرەزيدەنت – ەل تىرەگى. ءبىز وعان سەنەمىز، ول بىزگە سەنەدى.

نۇرعابىلوۆا گۇلدانا

10-سىنىپ وقۋشىسى

جالاۋ مىڭبايەۆ اتىنداعى مەكتەپ-گيمنازياسى

ءتۇپقاراعان اۋدانى ماڭعىستاۋ وبلىسى

---