ماڭعىستاۋ وبلىسى اكىمىنە قاتىستى اليمەنت داۋى سوتتا شەشىلدى
ماڭعىستاۋدا سوڭعى ايلاردا قوعام نازارىن اۋدارعان رەزونانستى ءىس اياقتالدى. كامەلەتكە تولماعاندارعا ارنالعان سوت وبلىس اكىمى نۇرداۋلەت قيلىبايدى بۇرىنعى ءماسليحات دەپۋتاتى ىنتاش ناۋرىزوۆانىڭ ۇلىنىڭ اكەسى دەپ تانىدى.
داۋدىڭ اشىق سيپات الۋىنا ەكس-دەپۋتاتتىڭ الەۋمەتتىك جەلىدەگى مالىمدەمەلەرى تۇرتكى بولدى. ناۋرىزوۆانىڭ ايتۋىنشا، ءۇش جاسار امىرە ناۋرىز ايماق باسشىسىنان تۋعان. ول شەنەۋنىكپەن ارادا بولعان قارىم-قاتىناس جايلى ايتىپ، بالا دۇنيەگە كەلگەن سوڭ قيلىبايدىڭ ومىرىنەن كەتكەنىن جەتكىزگەن. ال اكىم بۇل ايىپتاۋلاردى جوققا شىعارىپ كەلگەن.
سوت شەشىمى بويىنشا، نۇرداۋلەت قيلىباي بالاسى كامەلەتكە تولعانعا دەيىن اي سايىنعى تابىسىنىڭ تورتتەن ءبىرىن اليمەنت رەتىندە تولەۋگە مىندەتتەلدى. وسىلايشا، ايماقتى شۋلاتقان ءىس بويىنشا سوڭعى نۇكتە قويىلدى.
You Might Also Like
-
ۋچاسكەلىك پوليسەيدىڭ ءار كۇنى بەلگىسىز وقيعالار مەن جاۋاپكەرشىلىككە تولى. بۇل تۋرالى وبلىستىق پوليسيا دەپارتامەتىنىڭ باسپا ءسوز قىزمەتى جازادى، دەپ حابارلايدى ينفوحاب AtyrauPress-كە سىلتەپ.
-
پەسكوۆ ترامپتىڭ اتومدىق سۇڭگۋىر قايىقتار جونىندەگى شەشىمىنە تۇسىنىكتەمە بەردى،-دەپ حابارلايدى ينفوحاب.كز.
