ماڭعىستاۋدا ەر ادام توي ۇستىندە سىنىپتاسىمەن جانجالداسىپ،ونى ءولتىرىپ الدى
ماڭعىستاۋ وبلىسىندا ادام شوشىرلىق جاعداي بولدى. 10 مامىر كۇنى مۇنايلى اۋدانىندا تويدان كەيىنگى باسقوسۋ كىسى ولىمىمەن اياقتالدى. سىنىپتاسىنىڭ قىزىن ۇزاتقان جاندوس وتەمۇراتوۆ تويدان كەيىن دوستارىمەن بىرگە كۇدىكتىنىڭ ۇيىنە بارعان. ءبىراق وتىرىس كەزىندە بۇرىنعى جانجال قايتا تۇتانىپ، جاندوس پەن ءۇي يەسىنىڭ اراسىندا توبەلەس باستالادى.
ۇرىس اۋلاعا شىعىپ، جاندوس ەسىنەن تانىپ قۇلايدى. ءبىراق ونى كورگەندەر كومەك شاقىرۋدىڭ ورنىنا، بەتىن جۋىپ، اۋلاداعى قۇدىقتىڭ ۇستىنە جاتقىزىپ، وتىرىستى ءارى قاراي جالعاستىرا بەرەدى. بىرنەشە ساعاتتان كەيىن عانا ءۇي يەسى جاندوستىڭ جانسىز جاتقانىن بايقايدى، الايدا جەدەل جاردەم مەن پوليسيا شاقىرۋدىڭ ورنىنا، مارقۇمنىڭ دەنەسىن ايەلى مەن بالالارىنىڭ كومەگىمەن كولىككە سالىپ، تۋىسىنىڭ ۇيىنە اپارعان.
تەك سول جەردە شاقىرىلعان دارىگەرلەر جاندوس وتەمۇراتوۆتىڭ قازا تاپقانىن تىركەيدى. ءبىر ايعا سوزىلعان تەرگەۋدەن سوڭ ءۇي يەسىنە قىلمىستىق كودەكستىڭ 106-بابى – «اۋىر دەنە جاراقاتىن سالۋ، ولىمگە اكەلۋ» بويىنشا ايىپ تاعىلدى. ءىس ءقازىر پروكۋراتۋرادا.
بۇل جاعداي قوعامدا رەزونانس تۋدىرىپ وتىر – جەدەل كومەك كورسەتىلسە، ادام امان قالار ما ەدى دەگەن سۇراق كوپ.
You Might Also Like
-
ترامپ: اقش-تىڭ قورعانىس مينيسترلىگىن ۋاقىتشا «سوعىس مينيسترلىگى» دەپ اتاۋ كەرەك!– دەپ حابارلايدى Infohub.kz.
-
ترامپ: «پۋتين ۋكرايناداعى سوعىستى توقتاتقىسى كەلەدى»– دەپ مالىمدەدى اقش-تىڭ بۇرىنعى پرەزيدەنتى ءوزىنىڭ سۇحباتى بارىسىندا.
