InfoHub Logo

ءسوز باسىندا بiردەن ايتارىم، جۇبان مولداعالييەۆ سياقتى ءورiسi بايتاق، قۇلاشى مەن قارىمى وتە كەڭ، ءۇنi مەن داۋىسى اسا زور، بوياۋى ايقىن، اجارى ايبارلى، ايبىنى اسىپ تۇراتىن اقىن الەمiن بiر ماقالا، نەمەسە بiر بايانداما قامتي المايدى. ويتكەنi ول الەم – اقىننىڭ ءوز ءومiرiندەگi قاتپار-قاتپار جارتاستى-جارقاباقتاردان، الاعاي دا بۇلاعاي زاماننىڭ الاساپىراندى كەزەڭدەرiنەن، اپتاپ پەن ايازدى ساپىرىلىستارىنان، ادامداردىڭ وزدەرi تۋعىزىپ اپ، وزدەرi شارپىسىپ، قاقتىعىسىپ جاتاتىن الاقۇيىن مiنەزدەردەن تۇراتىن اسا كۇردەلi الەم. سوندىقتان مەن جۇبان اقىن شىعارمالارىن تاعى بiر قايتالاپ وقىپ شىققانداعى اسەرiمدi عانا سiزدەرمەن ءبولiسكiم كەلiپ تۇر.

جۇبان اقىننىڭ «تۋعان جەر» اتتى پوەماسىندا مىناداي جولدار بار:

وقۋشىم، سەن دە قابىلدا،
سويلەسەم «مەن» دەپ، سوكپە دە.
كەۋدەمە كiرiپ دامىلدا
سىرىمدى بۇكسەم وكپەلە.
ءوزiڭسiڭ مەنiڭ «مەنiم» دە،
ءوزiڭسiز تۇلمىن، جەتiممiن.
دەمiم بار سەنiڭ دەمiڭدە،
بiر كەسەك جۇرەك ەتiڭمiن...

اقىننىڭ تۋعان جەر مەن «مەنi» مەنiمەن، دەمi دەمiمەن بiرگە بولىپ تۇتاسىپ، قابىسىپ، اجىراماستاي بولىپ بiرiگiپ كەتكەن وسى بiر قاراپايىم جولدار اقىننىڭ ءومiرiنiڭ دە، ولەڭiنiڭ دە جەردiڭ تەرەڭ قاباتتارىنان ءنار مەن قۋات تارتاتىن كۇرە تامىرمەن جالعاسىپ جاتقان تاستاي قاتتى، تەمiردەي بەرiك وزەگi. بۇل جولدار تەك اقىننىڭ كiندiك قانى تامعان جىلاندى تۋرالى عانا جولدار ەمەس. ونىڭ اۋقىمى الدەقايدا كەڭ، اۋماعى الدەقايدا ماسشتابتى، بiر عانا گەوگرافيالىق اتاۋدان الدەقايدا زور. بۇل جولدار بۇكiل قازاق جەرiن، بۇكiل قازاق ەلiن قامتىپ تۇر دەۋگە بولادى. ويتكەنi جۇبان اقىننىڭ ءوزi ءاۋ باستا جىلاندىدا تۋىپ، سوڭىنان بۇكiل قازاق ەلiنiڭ، بۇكiل قۆزۆق جۇرتىنىڭ اسىل پەرزەنتiنە اينالعان جان. ياعني ول، گەوگرافيالىق كەڭiستiكتەگi بiر نۇكتەدە دۇنيەگە كەلiپ، ادەبي-قوعامدىق، الەۋمەتتiك-ساياسي وقيعالار مەن قۇبىلىستاردا شىندالىپ-سۋعارىلعان، تاپتالىپ-قايرالعان قازاق حالقىنىڭ ءومiرiندەگi شوقتىعى بيiك، ورنى بولەك، تۇرپاتى ەرەكشە تاريحي تۇلعالاردىڭ بiرiنە اينالعان، ۇلكەن ءارiپپەن جازىلاتىن پەرزەنت. بiرەگەي، بiرتۋار پەرزەنت.

ءالiگi مەن مىسالعا كەلتiرگەن ەكi شۋماق ولەڭنiڭ سوڭعى جولى «بiر كەسەك جۇرەك ەتiڭمiن» دەپ اياقتالادى. ال جۇرەكتەن قۋاتتى، جۇرەكتەن باتىل، جۇرەكتەن ادال، جۇرەكتەن ءادiل نە بار؟ ەلiڭنiڭ باسىنا بۇلت ءۇيiرiلiپ، جەرiڭدi تۋلاقتاي سiلكiپ جiبەرەتiن قيىن-قىستاۋ، قاتەرلi كەزەڭ كەلگەندە قانداي بiر عۇلاما اقىل دا ابدىراپ، قانداي بiر زەردەلi سانا دا سارسىلىپ، قانداي بiر پايىمدى پاراسات تا ابىرجىپ قالاتىنىن تاس كەرەڭ بوپ قالعىر قۇلاعىمىز ەسiتتi، كور سوقىر بوپ قالعىر كوزiمiز كوردi. ونداي كەزدە تەك جۇرەك قانا سويلەي الادى ەكەن. ول جۇرەك سويلەدi دە! ول جۇرەك – جۇبان مولداعالييەۆ بولىپ سويلەدi. ونى دا دۇنيەنiڭ ءار سىبدىرىنا ءتۇرiك بولعىر قۇلاعىمىز ەسiتتi، دۇنيەنiڭ ءار قيمىلىنا قاراقتى بولعىر كوزiمiز كوردi!

ول دالا پەرزەنتi ەدi. سوندىقتان دا ول ءوزiنiڭ بiر كiتابىنا جازعان العى ءسوزiندە: «... جالعاندا دالادان، ونىڭ كوكجيەكپەن كومكەرiلگەن ۇلان بايتاق پەن جازىعىنان، كوك مايسا شابىندىقتارى مەن التىن ءدان تەڭiزدەرiنەن جاقسى كورەتiنiم جوق. دالاداعى تۇنگi داۋىستاردى ايتساڭىزشى، قانداي قۇدiرەتتi، قانداي اسقاق كەلەدi!» دەگەن ەدi. جۇبان مولداعالييەۆتiڭ ادەبيەتتەگi، قوعامداعى داۋىسى دا، سول دالاداعى تۇنگi داۋىستارداي، سونشالىقتى قۇدiرەتتi، سونشالىقتى اسقاق بولدى!

جالپى، مەن جۇبان-اعا شىعارمالارىن قاراپ وتىرىپ، ونىڭ ەڭ كيەلi، ەڭ قاستەرلi، ەڭ ابىرويلى تاقىرىبى – تۋعان جەر، تۋعان ەل تۋرالى ەكەنiنە كوزiم جەتتi. تiپتi، ءوزi بiر ءسوزiندە، مەنi اقىن ەتكەن مايداندا وتكەن جاۋىنگەرلiك كەزەڭدەرiم دەسە دە، راسىندا دا ول كەزەڭدەردە جازىلعان اقىننىڭ بiرقاتار قۋاتتى جىرلارىنىڭ بار ەكەنiن مويىنداي تۇرا، ءبارi بiر مەن ونىڭ ەڭ نەگiزگi ءورiسi دە، التىن قازىعى دا تۋعان ەلi مەن جەرi دەر ەدiم.

ول تۋعان ەل مەن تۋعان جەر دەگەندە ءبارiن دە ۇمىتادى، ءبارiن دە مانسۇق ەتiپ، ءبارiن دە ادىرا قالدىرادى. ونىڭ تۋعان ەل مەن تۋعان جەرگە دەگەن ماحابباتى شەكسiز، ۇلى ماحاببات.

بۇل تاعدىر بابىن السىن، باعىن السىن،
تiلەسە تiپتi تiل مەن جاعىن السىن.
تەك قانا تۋعان جەردەن ايىرماسىن،
تۇل قالعان تiرشiلiكتi جالىن السىن، –

دەپ جالبارىنادى ول. وسى جولداردا جۇبان اقىننىڭ بۇكiل ارمان-مۇددەسi، ازاماتتىق بولمىسى، اقىندىق مiنەزi جاتقان جوق پا؟ ونىڭ كرەدوسى دا وسى، فيلوسوفياسى دا وسى.

اقىن ءوزiنiڭ مامىراجاي مامىق تۇندە ماۋجىراپ جاتقان ۇلى دالاسىمەن كەزدەسكەندە

سامالىڭدى – ساۋمالىڭدى
سiمiرەيiن گرامداماي، –

دەپ مۇلدە ماسايراپ، مۇلدە ماسايىپ كەتەتiن دە سودان بولسا كەرەك. ول ءوزiنiڭ وسى بiر ىستىق ىقىلاس، ىنتىزار كوڭiلiن، ءلۇپiلدەپ لىقسىپ تولىپ تۇرعان سەزiمiن

جەلi انامداي ماڭدايىڭنان سيپاسىن،
دەمi ءاماندا عاشىق جارداي ورتەسiن، –

دەپ بۇرىنعىدان دا كۇشەيتiپ جiبەرەدi. اقىننىڭ تۋعان ەل، تۋعان جەر تۋرالى تاعى بiر ولەڭ جولدارىنان مىسال كەلتiرمەۋگە امالىم بولماي تۇر. وزدەرiڭiز بiلەسiزدەر، شەت ەلگە، جات جۇرتقا ساپار شەگiپ بارا جاتقاندا دا، ودان قايتىپ كەلگەندە دە پاسپورتىڭىزعا ءمور سوعىلادى عوي. جاي عانا رەسمي ءتارتiپ. مەملەكەت ارالىق دەڭگەيدە قالىپتاسقان رەسمي پروسەدۋرا: وسى بiر جاي عانا ءومiردەگi قاراپايىم دەتال، اقىن قالامىنا iلiنگەندە ۇلكەن فيلوسوفيالىق پوەتيكالىق قۋاتقا يە بوپ كەتەدi.

تەڭiز كەز، نە شارىقتا ءور اسپاندا،
ءوزiڭنiڭ بوساعاڭنان ءتور اسقان با؟
ءۇيiڭنiڭ سىرتقى ەسiگi سارت ەتكەندەي
پاسپورتقا «جول بولسىن» دەپ ءمور باسقاندا.

بايقاپ وتىرسىزدار ما، اقىن الىس قيىرداعى ەل مەن جەر كورۋگە، ونىڭ ءسانi مەن سالتاناتىن قىزىقتاۋعا بارا جاتىر. ونى، ءسوز جوق، قۇرمەت پەن قوشەمەت كۇتiپ تۇر. ونىڭ الدىنان، ەندi ءسال ۋاقىتتان كەيiن، توسىن ءومiر، بۇرىن بەيمالiم تiرشiلiك اشىلماق. مiنە، ەڭ بولماسا، بiر ساتكە ارتىنداعى قىم-قۋىت ءارi بەرەكەلi، ءارi بەرەكەسiز تiرشiلiكتi ويدان ءوشiرiپ، ەستەن شىعارار بولماس پا؟ اقىن ولاي ەتە المايدى. قايتا، «ءۇيiنiڭ سىرتقى ەسiگi سارت ەتكەندەي»، تۇلا بويىن ۇرەي بيلەپ، الماعايىپ الاقۇيىن سەزiم قۇشاعىندا قالادى.

ەندi، مiنە، اقىن الىس ساپاردان قايتىپ ورالدى.
تەڭiز كەز، نە شارىقتا ءور اسپاندا،
ءوزiڭنiڭ بوساعاڭنان ءتور اسقان با؟
ەلiڭنiڭ بارشا ەسiگi اشىلعانداي
پاسپورتقا «قوش كەلدiڭ» دەپ ءمور باسقاندا!

جاڭا عانا تۇنجىراپ، تۇنەرiپ كەتكەن تiرشiلiك، قايتادان جارق ەتiپ، جادىراپ سالا بەردi. اقىن تۋعان ەلiنە ورالدى. وعان شەت ەلدەن كورگەن كول-كوسiر قۇرمەت پەن قوشەمەت تە، ءسان-سالتانات تا، تاڭداي تامساندىرار تاماشا دا، كوزدi ارباپ، باس اينالدىرار قىزىق تا، مارقايعان كوڭiل، ىستىعى كەتپەي اپتالىپ-قاپتالعان اسەر دە، تۋعان جەر الدىندا تۇك ەمەس! مۇنداي ولەڭ جولدارى ءوز ەلi مەن جەرiن بارىنشا قۇلاي سۇيە بiلەتiن قالامنان عانا تۋا السا كەرەك.

مەن بۇل جەردە جۇبان اعانىڭ تۋعان ەل، تۋعان جەرگە دەگەن ۇلان-عايىر ۇلى ماحابباتىن پاش ەتەتiن جولداردى شىن نيەتپەن، ىنتىزار ىقىلاسپەن مىسالعا كەلتiرگەندە، مەن ونى مۇلدە فاناتيك ەتiپ كورسەتۋدەن تiپتi دە اۋلاقپىن. ويتكەنi فاناتيزمنiڭ قانداي بiر ءتۇرi دە iشكە تۇسكەن قۇرت. ول جەگi قۇرت، ءتۇپتiڭ ءتۇبiندە فاناتيزم دەرتiنە شالدىققان ادامدى دا، قوعامدى دا iشتەن ۇڭگiپ جەپ، قۇرتىپ بiتەدi. ويتكەنi ول ءوز كەمشiلiگiن كورمەيدi، وسالدىعىن بiلمەيدi، وسپادارلىعىن ەرلiككە، بەيباستىعىن باتىرلىققا بالايدى، كورگەنسiزدiگiن كوسەمدiك، داڭعازا-داراقىلىعىن شەشەندiك دەپ ۇعادى. ونداي جان، قاشان كورسەڭ، كوكiرەگiن كەرiپ، كەۋدەسiن قاعىپ، بۇتىنا تولىپ، iسiپ-كەبۋمەن بولادى. اينالانىڭ ءبارiنە اسپانداپ قاراپ، اسقاقتاپ سويلەپ، وزبىر ءسوز ايتىپ، ەسەرسوق ارەكەت جاسايدى. ءسويتiپ ول ءوزiن دە، ەلiن دە جان-جاقتاعى جۇرتقا جيiركەنiشتi ەتiپ كورسەتەدi. ياعني، ءوز ەلiنە قيانات جاسايدى.

جۇبان مولداعالييەۆتiڭ تۋعان ەل مەن جەرگە دەگەن ماحابباتى ەستi، ورەلi ماحاببات. سۇيەر شاپاعاتى مول، تيەر شاراپاتى كوپ نۇرلى دا ساۋلەلi ماحاببات. ءارi ادال، ءارi باتىل ماحاببات. قايتالاپ ايتام، ءارi ادال، ءارi باتىل ماحاببات.

ال ءارi ادال، ءارi باتىل ماحاببات كiلەڭ اسپانداپ قاراپ، ۇنەمi اسقاقتاپ سويلەي بەرمەيدi. حالقىنىڭ وتكەن-كەتكەن ءومiرiندەگi وكiنiشتەرگە وزەگi ورتەنەدi، ومىرىلىپ وپىنادى. قايعىسىنان قان جۇتادى، قاسiرەتiنەن قاقىراپ سوگiلەدi.

قازاق ولەڭiندەگi قايتالانباس سيرەك قۇبىلىستاردىڭ بiرi قادىر مىرزالييەۆتiڭ اۋزىنان تاستامايتىن جۇبان اعانىڭ

اسان بوپ تۋىپ قازەكەڭ
ولەتiن اسان قايعى بوپ، –

دەيتiن ەكi جول ولەڭi بار. وسى ەكi-اق جولدا بۇكiل قازاقتىڭ تراگەدياسى مەن تاعدىرى جاتىر. شىنىندا دا، قازاقتىڭ قاي كەزدە ماڭدايى ىشىلىپ، ول قاي كەزدە قاننەن-قاپەرسiز مامىراجاي ءومiر كورiپ ەدi؟ قاي كەزدە جۇلدىزى وڭىنان، ايى سولىنان تۋىپ ەدi؟ بولسا دا قىسقا، كەلتە بولدى. بۇكiل عۇمىرى اتتىڭ جالى، اتاننىڭ قومىندا ءوتتi. مال باعىپ ءجۇرiپ، جان باقتى. جەر iزدەپ ءجۇرiپ، ەل كۇزەتتi. سوندىقتان دا ونىڭ ەڭبەك قۇرالدارىنان گورi، قارۋ-جاراق قۇرالدارى كوپ بولدى. اتا-بابامىز وتىرىقشىل بولماعان دەپ، باسقانى بىلاي قويعاندا، ءوزiمiز كiءنالاپ جاتامىز. ەگەر ولار وتىرىقشىل بولسا، وسىنشالىقتى ۇلان-عايىر دالانى قورعاپ قالار ما ەد؟! وسىنشالىقتى الىپ جەردiڭ، قاشان دا ەلi كوپ بولماعان. سول جاۋجۇرەك ازعانتاي ەل ونى جەلiپ، شاۋىپ، جوڭكiپ كوشiپ، قونىستان قونىس وزگەرتiپ، قىستاۋدان قىستاۋ اۋىستىرىپ، جايلاۋدان جايلاۋ اۋدارىپ ءجۇرiپ ساقتاپ قالعان. ولاي ەتپەسە، بiزدiڭ جەرiمiز الدەقاشان تارىلىپ، الدەقاشان قۋسىرىلىپ قالعان بولار ەدi.

تiپتi، بiزدiڭ رۋحىمىزدىڭ كيەلi ۇلى يەلەرi قورقىت پەن اسانقايعىلار دا بiر جەردە بايىز تاۋىپ، باراحات تاۋىپ كورمەگەن عوي. بiرەۋi ءولiمنەن قاشىپ، ەكiنشiسi ءومiر iزدەپ جەلدiرتiپ، جوڭكiلiپ وتكەن. قايعىرىپ، قاپا شەكسە دە بۇك ءتۇسiپ وتىرىپ قالماعان. قايعىرىپ ءجۇرiپ ارەكەت ەتكەن، قايعىرىپ ءجۇرiپ ارپالىسىپ وتكەن. بiزدiڭ رۋحاني تiرەكتەرiمiزدiڭ تاعدىرى مەن تالايى سولاي بولعان. ياعني، بiزدiڭ كەشەگi تاعدىرىمىز بەن تالايىمىزدىڭ سولاي بولۋى دا زاڭدى قۇبىلىس. جۇباڭنىڭ ءار بiر قازاق اسان بوپ تۋىپ، اسان قايعى بوپ ولەتiن ەدi دەگەن سوزدەرiنiڭ استىندا وسىنداي قاتپار-قاتپار ويلار جتىر.

ولاي بولسا، جۇبان مولداعالييەۆ تا اسان بوپ تۋىپ، اسان قايعى بوپ كەتكەن قازاقتىڭ بiرi. بiرi عانا ەمەس، ناق ءوزi. ول ءوز ءومiرiندە، كەشەگi كەڭەس وكiمەتi كەزەڭiن جەرiنiپ قانشاما رەت ءجابiرلەنگەنiنە، ءوزi دە قورلانىپ، ءوزi دە ءجابiرلەنبەدi دەپ ويلايسىز با؟! قورلانعاندا قانداي، ءجابiرلەنگەندە قانداي! ەلiنiڭ تاعدىرىن اياق استى ەتiپ، تاريحىن تور شولاقتىڭ قۇ-رى¬عىنداي شولتيتىپ جاتسا، ول قورلانباي، ول ءجابiرلەنبەي، كiم قورلانىپ، كiم ءجابiرلەنبەك؟! سوندىقتان ول:

تاريحى بار ەل عانا
تاريح جاساي الادى، –

دەپ ءتۇيدi. ياعني، تاريحسىز ەل – تۇل ەكەنiن، ونىڭ وتكەنi بولماسا، ەرتەڭi جوق ەكەنiن بiلدi. ەگەر بiز تاريحىمىزدىڭ تامىرىن ءارiدەن، تىم ءارiدەن تاۋىپ، ونى تەرەڭدەتپەسەك، شاڭ مەن توپىراقتىڭ استىندا قالىپ قويعان باتىر مەن ءباھادۇرلارىمىزدى، حاندار مەن بيلەرiمiزدi، كوسەمدەر مەن شەشەندەرiمiزدi ارشىپ اپ، ولاردىڭ ءارۋاقتارىن ايبىنداتپاساق، ءسويتiپ دiڭگەگiمiزدi اۋماقتاندىرىپ بەكiتپەسەك، بiر قاتتى جەل سوققاندا قاڭباققا اينالىپ دومالاپ الا جونەلەتiن، جەردiڭ بەرگi عانا قىرتىسىن تىربىق تامىرلارىمەن، ۇستاپ تۇرعان ەبەلەك-حالىق بوپ شىعار ەك. ياعني، تاريحىمىزدى تاۋىپ الماي، تاريحي ەل بولا المايمىز. بۇگiن بiزدiڭ، مiنە، ءاسىعىپ-ۇسiگiپ بولسا دا تاريحىمىزعا ءۇڭiلiپ، ۇلى دا الىپ تۇلعالارىمىزدى تاريحتىڭ تەرەڭ قويناۋىنان، عاسىرلاردىڭ الىس تۇكپiرi مەن قاتپارلارىنان كوتەرiپ شىعارىپ، ەسكەرتكiشتەر ورناتىپ جاتقاندارىمىز دا، ەسكە الىپ استار بەرiپ جاتقاندارىمىز دا سودان. بiز قازiر تاريحىمىزبەن تابىسىپ جاتىرمىز. ەگەر بiزدiڭ وسى تابىسۋ، وسى قابىسۋلارىمىز ۇرپاقتارىمىزدىڭ رۋحاني وزەگiن بەكەمدەپ جاتسا، وندا بiز تاريحتى جاساي الاتىن ەلگە اينالامىز. جۇبان مولداعالييەۆ سونى ارمانداعان، سونى ويلاپ كوكiرەگi قارس ايرىلعان. ولاي بولماسا، ۇلت رەتiندە جويىلىپ،حالىق رەتiندە قۇريتىنىمىزدى سەزگەن. ۇستارانىڭ ءجۇزiندە تۇرعان الماعايىپ زاماندا، ءوزi دە الماعايىپ كۇن كەشكەن. سودان بولسا كەرەك:

ەندi بiردە جىلاپ تۇرام
تابىتىمنىڭ باسىندا ءوزiم –

دەيدi ول. ءوزiنiڭ تابىتىندا ءوزi جىلاپ تۇرعان اقىندى كوز الدىڭىزعا ەلەستەتiڭiزشi. مiنە، جۇبان مولداعالييەۆتiڭ تاعدىرى. ياعني، ول بiردە ءولiپ، بiردە تiرiلiپ وتكەن. عۇمىرى ءومiر مەن ءولiمنiڭ اراسىندا جۇرگەن. پەندەشiلiك عۇمىرىندا ەمەس، ارينە! رۋحاني عۇمىرىندا! سوندىقتان دا ونىڭ، ءوزiن قازاقپىن دەپ سەزiنەتiن بۇكiل قازاقتىڭ اۋزىندا جۇرگەن:

مەن – قازاقپىن مىڭ ءولiپ، مىڭ تiرiلگەن.
جورگەگiمدە تانىستىم مۇڭ تiلiمەن.
جىلاعاندا جۇرەگiم، كۇن تۇتىلىپ،
قۋانعاندا كۇلكiمنەن ءتۇن تiرiلگەن، –

دەگەن سوزدەرiنە يلحامداي ۇيىپ، يمانداي يلاناسىڭ.

مەن بۇل ءسوزiمدە، وزدەرiڭiز بايقاپ وتىرسىزدار، جۇبان مولداعالييەۆتiڭ ۇلكەن ۇلى ماعىناسىنداعى تۋعان جەر مەن تۋعان ەلگە دەگەن شىن سۇيىسپەنشiلiك، شىن ماحابباتىنان تۋعان شىعارمالارىنا ءوز ءتۇسiنىگىممەن، ءوز قابىلداۋىممەن شاعىنداپ-شەكتەپ توقتالدىم. بۇل تاقىرىپ اقىن شىعارماشىلىعىنداعى ۇلكەن، اۋقىمدى تاقىرىپ. ونى مەن تۇگەل يگەرiپ، تۇتاس قامتىپ شىقتىم دەپ ايتا المايمىن. ول تاقىرىپ تۋرالى ءالi تالاي-تالاي تاڭدايلار تامسانىپ، تالاي-تالاي قىزىل تiلدەر سۋىرىلىپ سويلەيدi. ول تاقىرىپقا ءالi تالاي-تالاي اۋىزدار تولىپ، تالاي-تالاي كومەيلەر بۇلكiلدەيدi.

ارينە، جۇباعاڭ شىعارماشىلىعىندا تولىپ جاتقان تاقىرىپتار – تابيعات، سۇلۋلىق، ايەل، انا، ۇرپاق، عاشىقتىق تاعى دا باسقا تاقىرىپتار جەتەرلiك. ونىڭ ءبارiنە توقتالىپ جاتۋ مۇمكiن ەمەس. ولاي ەتەتiن بولسام، بiر پوەماسىنىڭ ءوزiنە بiر ساعاتتىق بايانداما جاساۋعا تۇرا كەلەدi. وندا دا سيسا!

بۇل جەردە، مەنiڭ ءوزiمنiڭ الدىما قويعان مiندەتiم – بiرەۋ-اق بولدى. سوناۋ كەشەگi، وڭمەنiڭنەن وتەتiن جەلتوقساننىڭ ىزعارلى ءوتiندە، ىزبارلى قاباعىنىڭ استىندا قاسقايىپ تۇرىپ قاقىراتىپ شىندىقتى ايتقان جۇبان مولداعالييەۆتiڭ شىعارماشىلىق بولمىسى ونىڭ ازاماتتىق بولمىسىمەن ۇندەسiپ جاتا الدى ما، ول ءۇشiن اقىن قانداي شىعارماشىلىق جولداردان ءوتتi، قانداي شىعارماشىلىق پروسەستەردە قايناپ، پiستi. مەن ءوز ءسوزiمدە سونى زەردەلەمەك بولدىم.

جۇبان مولداعالييەۆتiڭ حالىق تاعدىرىمەن تاعدىرلاس اقىن ەكەنiن ءوز پايىم-بايىپتاۋىممەن ايتتىم.

---