ماسكەۋلىك ستۋدەنتتەر نەلىكتەن قازاق ءتىلىن مەڭگەرە باستادى؟ (ۆيدەو)
انا تىلىمىزدە سويلەگەن رەسەيلىك جاستاردىڭ بەينەروليگى عالامتوردى شارلاپ، كوپشىلىكتىڭ نازارىن وزىنە اۋدارعان ەدى. سويتسەك بۇل ستۋدەنتتەر قازاق ءتىلىن ەكىنشى شەت ءتىلى رەتىندە تاڭداعان جانە ءقازىر وسى ءپان بويىنشا سوڭعى ەمتيحاندارىن تاپسىرىپ جاتىر ەكەن، دەپ حابارلادى www.24.kz.
«24 KZ» ارناسىنىڭ ءتىلشىسى دانا نۇرجاننىڭ ايتۋىنشا، بۇلار ماسكەۋ مەملەكەتتىك لينگۆيستيكالىق ۋنيۆەرسيتەتىنىڭ ستۋدەنتتەرى ەكەن. بيىل مۇنداعى 10 بىردەي تۇلەك قولىنا قازاق ءتىلىنىڭ مامانى دەگەن ديپلوم الماق. ال نەگە دەگەن سۇراققا اتالعان ماماندارعا سۇرانىس جوعارى دەگەن ءۋاج ايتىلدى. ياعني ولار قورعانىس نەمەسە سىرتقى ىستەر مينيسترلىگىنە، بولماسا ءىرى بيزنەس كومپانيالارعا جۇمىسقا تۇرا الادى.
«بۇرىن بارلىعى تەك ەۋروپا مەملەكەتتەرىنىڭ ءتىلىن مەڭگەرۋگە قۇشتار بولدى. ءقازىر تمد ەلدەرىنىڭ تىلدەرىنە دەگەن سۇرانىس ارتىپ كەلەدى. ويتكەنى زاماننىڭ اعىمى جانە نارىقتىڭ تالابى سونداي. سوندىقتان اپتاسىنا 8 ساعاتتى تازا قازاق تىلىنە ارنايمىز»، - دەدى تمد ەلدەرى تىلدەرىن ۇيرەتۋ ورتالىعى ديرەكتورىنىڭ ورىنباسارى ۆلاديمير كونيەۆ.
بۇل ستۋدەنتتەردىڭ بارلىعى دەرلىك قازاق ءتىلىن اسقاق ارماندارىنا قول سوزۋ ءۇشىن تاڭداعانىن ايتادى. بۇعان قوسا، ولار تاعى 2 شەت ءتىلىن مەڭگەرىپ شىعادى.
ەليزاۆەتا وسيپوۆا، ۋنيۆەرسيتەت تۇلەگى:
- قازىرگى ۋاقىتتا قازاقستان مەن رەسەي بايلانىستارى وتە تىعىز. مىسالى ەۋرازيا ەكونوميكالىك وداعى وتە تەز دامىپ جاتىر.
كسەنيا بىكوۆا، ۋنيۆەرسيتەت تۇلەگى:
- مەملەكەتتىك سالالاردان باسقا ەكى ەل اراسىندا بيزنەس بايلانىسى دا بار. مەن ويلايمىن، سول سەبەپتەن قۇرىلىمداردىڭ وتە ۇلكەن بولاشاعى بار.
سونىمەن قاتار بۇل ستۋدەنتتەر تاجىريبەنى قازاقستاندا، ناقتىراق ايساق، استاناداعى ەۋرازيا ۇلتتىق ۋنيۆەرسيتەتىندە وتكەن ەكەن.
اناستاسيا تكاچ، ۋنيۆەرسيتەت تۇلەگى:
- ءبىزدىڭ توبىمىزدان ءبىرىنشى كۇننەن وسى تىلگە عاشىق بولدىق. ويتكەنى بۇل وتە ادەمى ءتىل.
اناستاسيا رەشەتنيكوۆا، ۋنيۆەرسيتەت تۇلەگى:
- بىرىنشىدەن، قازاق حالقىنىڭ اشىقتىعى جانە مەيىرىمدىلىگى بىزگە قاتتى اسەر ەتتى. ارينە، قازاقستان وتە اسەم ەل.
بۇل ستۋدەنتتەر وسى مەجەمەن توقتاپ قالماق ەمەس. الداعى جىلدارى ماگيستراتۋراعا تاپسىرىپ، قازاق تىلىندەگى ءبىلىمىن ودان سايىن جەتىلدىرمەك.
You Might Also Like
-
قياردىڭ قۇرامىندا كۇندىك قاجەتتىكتەردەن بولعان كوپتەگەن ۆيتاميندەر بار. بۇلار: B1، B2، B3، B5، B6، C، ۆيتاميندەرى، فوليي قىشقىلى، كالسيي، تەمىر، ماگنيي، فوسفور، كاليي، جانە مىرىش.
-
جاز – دەمالىس ءۇشىن تاماشا كەزەڭ. ءبىر مينۋتتى بوس وتكىزبەي، تازا اۋادا كوبىرەك بولۋعا، قىدىرۋعا تالپىنۋ كەرەك. الايدا، كۇنگە كۇيىپ، سۋعا شومىلىپ، ورماندا سەرۋەندەپ ءجۇرىپ، وسى مەزگىلگە ءتان ءقاۋى...
