InfoHub Logo

قياردىڭ قۇرامىندا كۇندىك قاجەتتىكتەردەن بولعان كوپتەگەن ۆيتاميندەر بار. بۇلار: B1، B2، B3، B5، B6، C، ۆيتاميندەرى، فوليي قىشقىلى، كالسيي، تەمىر، ماگنيي، فوسفور، كاليي، جانە مىرىش.

قيار - ءار داستارحاننىڭ ءسانىن كەلتىرەتىن كوكونىس. قياردىڭ دارىلىك قاسيەتتەرى ادامعا ەجەلگى زاماننان ءمالىم. تەرىنىڭ كۇيگەن نەمەسە زاقىمدالعان جەرىن قياردى قويۋ ارقىلى ەمدەۋگە بولادى. كوسمەتيكا سالاسىندا دا ۇلكەن ورىن الادى. قيار كوپتەگەن تەرىنى اعارتاتىن كرەمدەردىڭ قۇرامىندا بار. سونىمەن قاتار، قياردى تابيعي كۇيىندە نەمەسە تۇزداپ تاعامدارعا پايدالانادى.

قياردىڭ پايدالارى:

● اعزاداعى ۋلى، كەرەكسىز زاتتاردى شىعارادى.

● ارتىق سالماقتان ارىلۋعا كومەكتەسەدى. ويتكەنى، ونىڭ قۇرامىندا اعزاداعى كومىرسۋلاردى مايعا اينالدىرۋعا جول بەرمەيتىن تارتروندى قىشقىل بار.

● شارشاعاندى باسادى. شارشاعانىڭىزدى تەز ارادا باسۋ ءۇشىن ءبىر قيار جەۋ، كوفەدەن، ءشايدان نەمەسە سۋسىننان جاقسىراق.

● كوپتەگەن اۋرۋلاردىڭ الدىن الادى. قيار قاتەرلى ىسىك دەرتىنىڭ پايدا بولۋ ءقاۋپىن تومەندەتەدى. سونىمەن قاتار قاننىڭ قۇرامىنداعى حولەستەرين دەڭگەيى مەن قان قىسىمىنىڭ ءبىرقالىپتى بولۋىن رەتتەيدى. قيار شىرىنى ۇيقى بەزىنىڭ ينسۋلين ءبولىپ وتىرۋىنا كومەكتەسەتىن گورموننان تۇرادى. سوندىقتان دا بۇل كوكونىس سۋسامىرمەن (ديابەتيك) قينالاتىندار ءۇشىن تاپتىرماس دارۋمەن.

● اۋىزداعى جامان ءيىستى كەتىرۋگە بولادى. ول ءۇشىن ءبىر ءتىلىمى تاڭدايدىڭ اراسىنا 30 سەكۋندقا قويىلادى.

● باس اۋرۋىنان قۇتىلۋعا بولادى. ول ءۇشىن ءبىر نەشە ءتىلىم جەلىنەدى.

● شيەلەنىس پەن قالجىراعاندىقتى كەتىرۋگە بولادى. ول ءۇشىن قايناعان سۋدىڭ ىشىنە ءبىر قياردى جىڭىشكە تىلىمدەرمەن كەسىپ سالىپ، بولمەگە قويىلادى.

باسقا:

● اياق كيىم كرەمى ءبىتىپ قالسا؛ اياق كيىمدى كەسىلگەن قيارمەن سۇرتۋگە بولادى.

● شۇڭعىلشا (راكوۆينا) مەن اينالاردى تازالاۋ ءۇشىن ءبىر تىلىممەن ىسقىلاۋعا بولادى.

● قۇرت-قۇمىرسقاعا قارسى: بىرنەشە ءتىلىمدى ءاليۋميندى تاباققا نەمەسە قابىرشىق قاعاز (فولگا) نەمەسە توپىراققا قويۋ كەرەك.

نيۋ-يورك تايمس گازەتى

---