InfoHub Logo

قازاق ءتىلى 2 - كلاسس

ساباقتىڭ تاقىرىبى: ءماتىننىڭ تۇرلەرى
ساباقتىڭ ماقساتى: ا) ءماتىننىڭ تۇرلەرىمەن تانىستىرۋ، سول ارقىلى وقۋشىلاردىڭ بايلانىستىرىپ سويلەۋ داعدىلارىن قالىپتاستىرۋ. ءماتىن تۇرلەرىن ءبىر - بىرىنەن اجىراتىپ، ونى تابا، قۇرا بىلۋگە ماشىقتاندىرۋ.
ءا) تازالىق، ۇقىپتىلىق، بىلىمگە دەگەن قۇمارلىق، ءبىر - بىرىنە دەگەن دوستىق، قامقورلىق قاسيەتتەرىنە، تابيعاتتى ايالاۋعا باۋلۋ.
ب) سوزدىك قورىن مولايتىپ، اۋىزەكى، جازبا ءتىلىن، لوگيكالىق ويلاۋ، شىعارماشىلىق قابىلەتتەرىنىڭ دامۋىنا ىقپال ەتۋ.
ساباقتىڭ ءتۇرى: جاڭا ءبىلىمدى مەڭگەرتۋ
وقىتۋ ءادىسى: سوزدىك، كورنەكى، تالداۋ، سالىستىرۋ، اجىراتۋ، توپتاۋ، پروبلەمالىق ىزدەنىس ءادىسى، ءوز بەتىنشە جۇمىس، جازبا جۇمىسى، ويىن ءادىسى
كورنەكىلىك: سويلەمدەر جازىلعان قيما قاعازدار، كۇنباعىس مۇشەلەرىنىڭ كەسكىن سۋرەتتەرى، م. جۇمابايەۆ پورترەتى، كومپيۋتەردەن سلايد،
ءپانارالىق بايلانىس: دۇنيەتانۋ، ادەبيەتتىك وقۋ

ساباقتىڭ بارىسى
ءى. العاشقى ۇيىمداستىرۋ
وقۋشىلاردى، وقۋ قۇرالدارىن تۇگەندەپ، تەكسەرۋ.
پسيحولوگيالىق دايىندىق:
مىناۋ مەنىڭ جۇرەگىم،
ءبارى وسىدان باستالعان.
مىناۋ باسىم اقىلدى،
ءبارىن وسى باسقارعان.
مىناۋ مەنىڭ وڭ قولىم
مىناۋ مەنىڭ سول قولىم
بارلىق ءىستى اتقارعان.
- بالالار، ەندەشە اتقارعان ىستەرىندى ءۇي تاپسىرماسىن قالاي ورىنداعاندارىنان كورەيىك.
ءىى. ءۇي تاپسىرماسىن تەكسەرۋ: ديداكتيكالىق كارتوچكاداعى ورىنداعان تاپسىرماسىن وقۋشىلار كەزەكپەن شىعىپ اۋىزشا ايتىپ بەرەدى. باعالاۋ، ماداقتاۋ.

ءىىى. جاڭا ساباق
1/ وتكەن ساباقتى ەسكە ءتۇسىرىپ، بۇگىنگى تاقىرىپپەن بايلانىستىرۋ ماقساتىندا «قۇراستىر» ديداكتيكالىق ويىنىن وتكىزۋ.
- الدىمەن جۇمباق شەشىپ الايىق. سلايدتان كورىنىپ تۇرادى.
جۇمباق شەشۋ: قالپاعى بار دوڭگەلەك،
سارى گۇلمەن قورشالعان.
قاراي قاراي كۇنگە ەرەك،
موينى تالىپ شارشاعان.
- كۇنباعىس.
- بالالار، كۇنباعىس تۋرالى نە بىلەمىز؟ دۇنيەتانۋدان العان بىلىمدەرىنە سۇيەنىپ كورەلىك.
- كۇنباعىس شوپتەكتى وسىمدىك، ونىڭ ادەمى سارى گۇلدەرى، ورتاسىندا قارا داندەرى، جاپ جاسىل ساباعى مەن جاپىراعى بولادى. ونىڭ داندەرى وتە پايدالى. ودان ءتۇرلى تاعامدار مەن ماي الىنادى. ول ۇنەمى كۇندى باعىپ تۇراتىن گۇل. سوندىقتان دا ونى كۇنباعىس دەپ اتاعان.
- ەندەشە وسى ادەمى گۇلدى قۇراستىرۋ ءۇشىن كۇنباعىستىڭ مىنا مۇشەلەرىنىڭ ارتىنداعى سۇراقتارعا جاۋاپ بەرەيىك. (بالالار كۇنباعىس مۇشەلەرىن تاڭداپ، تاقتاعا شىعىپ جاۋاپ بەرىپ، كۇنباعىس گۇلىن قۇراستىرادى. سلايدتا سۇراقتار كورىنىپ تۇرادى)
1. ءماتىن دەگەنىمىز نە؟
2. قانداي سويلەمدەر ءماتىن قۇرايدى؟
3. ءماتىننىڭ قانداي بولىكتەرى بولادى؟
4. ءماتىننىڭ بولىكتەرى قالاي جازىلادى؟
- قانداي ادەمى كۇنباعىس گۇلىن قۇراستىردىق، بۇل گۇل الداعى جاتتىعۋدى ورىنداۋ بارىسىندا قاجەت بولادى.
2/ - ءماتىن تۋرالى ەسىمىزگە تۇسىردىك، ەندى مىنا قيما قاعازداعى ءماتىن بولىكتەرىن دۇرىستاپ رەتىمەن ورنالاستىرىپ، ءماتىن قۇراۋ قاجەت، - دەپ الدىمەن كومپيۋتەردە بەرىلگەن بولىكتەردى ءبىر وقۋشى رەتىمەن ورنالاستىرىپ، قالعان وقۋشى قولدارىنداعى قيما قاعازدى تاقتاعا رەتىمەن قويىپ ءماتىن قۇرايدى. سالىستىرا، وقيدى. قاتە بولسا وزدەرىنە تۇزەتۋگە مۇمكىندىك بەرۋ.

مەن 2 - سىنىپتا وقيمىن. بىزگە ايمان اپاي ساباق بەرەدى.
ءبىزدىڭ وقيتىن سىنىبىمىز ─ كەڭ، جارىق. توبەسى بيىك، قابىرعالارى اپپاق.
ءبىز سىنىپتى تازا ۇستايمىز. ويتكەنى، ول ءبىزدىڭ ەكىنشى ءۇيىمىز. مۇنى بالالاردىڭ ءبارى جاقسى تۇسىنەدى.

وسىلايشا تىرەك - سىزبا ارقىلى ءماتىن تۇرلەرىمەن تانىستىرۋ. سلايدتى پايدالانىپ سىزبا ارقىلى انىقتامانى وزدەرى ايتادى. ەستە ساقتاپ، جاتتاپ الۋ.
وسى 199 - جاتتىعۋدان پايىمداۋ ءماتىنىن كوشىرىپ الادى. ءوز بەتىنشە ورىندالادى.
3/ كوركەم جازۋ

4/ سەرگىتۋ ءساتى «بي بيلەيمىز» قيمىلدى ءان
يىلەمىز وڭعا ءبىر، يەلەمىز سولعا ءبىر.
ءبىر اندا، ءبىر مۇندا، ءوزىڭدى ءوزىڭ اينالا.
باس اياقتى توپ، توپ، توپ،
شاپالاقتا حوپ، حوپ، حوپ.
ءبىر اندا، ءبىر مۇندا، ءوزىڭدى ءوزىن اينالا.
باسىمىزدى يەمىز، بي بيلەيمىز كۇلەمىز،
ءبىر اندا، ءبىر مۇندا، ءوزىڭدى ءوزىڭ اينالا.

5/ - ەندەشە بالالار، وسى بي بيلەپ، اينالىپ، سەكىرىپ، ۋايىمسىز ويناپ، شاتتانىپ جۇرەتىن ادامنىڭ قاي شاعى دەپ ويلايسىڭدار؟ ─ دەپ 200─ جاتتىعۋدى ورىنداۋعا دايىنداۋ.
ولەڭدى وقىپ، اۆتور م. جۇمابايەۆتىڭ پورترەتىن ءىلىپ، ول تۋرالى بىلەتىندەرىن ەسكە ءتۇسىرۋ. نەگىزگى ويدى تابۋ. وسى اۆتوردىڭ 40 - بەتتەگى ولەڭىن ەسكە ءتۇسىرۋ.
ارىستانداي ايباتتى،
جولبارىستاي قايراتى،
قىرانداي كۇشتى قاناتتى
مەن جاستارعا سەنەمىن.
200─ جاتتىعۋدىڭ سوڭعى ەكى جولىن جاتقا جازۋ.

6/ - بالالار، مانا ساباقتىڭ باسىندا قۇراستىرعان كۇنباعىس وسىمدىگىنە ورالايىق. 201 - جاتتىعۋداعى تىرەك سوزدەردى پايدالانىپ اڭگىمە قۇراستىرايىق. وزىندىك جۇمىس.
ءبىر وقۋشى تاقتادا اڭگىمە قۇراپ جازادى.

IV. قورىتىندى: ساباقتى سۇراق - جاۋاپ ارقىلى پىسىقتاپ، بەكىتۋ
- بالالار، بۇگىن ساباقتا نەمەن تانىستىق؟
- ءماتىننىڭ قانداي تۇرلەرى بولادى؟
- ءماتىننىڭ بولىكتەرى قالاي جازىلادى؟
- 201 - جاتتىعۋداعى «كۇنباعىس» ءماتىنى قاي تۇرگە جاتادى؟

─ بالالار، سەندەر دە كۇن مەن كۇنباعىس سياقتى ءبىر بىرىمەن دوس بولىپ، كۇندەي كۇلىمدەپ، مىنا كۇنباعىستاي جايناپ، جادىراپ جۇرىڭدەر! ─ دەپ ساباققا بەلسەندى قاتىسقان وقۋشىلاردى ماداقتاپ، بارلىعىن باعالاۋ، ەستەلىككە كۇنباعىس بەينەسىن سىيلاۋ.
V. ۇيگە تاپسىرما: 1 /ەرەجەنى ەستە ساقتاپ، جاتتاۋ.
2/ 202 - جاتتىعۋ