ماحمۇت قاشقاري
ماحمۇت قاشقاري (XI عاسىر) — اسا كورنەكتى عالىم، فيلولوگ. قاراحاندار مەملەكەتىنىڭ بيلەۋشىلەرى اۋلەتىنەن شىققان. قاشقار قالاسىندا العان ءبىلىمىن بۇحار مەن نيشاپۋردا جالعاستىرعان. ماحمۇت جاس كەزىنەن-اق تۇركى تايپالارىنىڭ تىلىنە، ادەبيەتىنە جانە ەتنوگرافياسىنا ۇلكەن كوڭىل ءبولىپ، قىزىعا زەرتتەيدى. ورتا ازيا جەرىن قونىستانعان تۇركى ەلدەرىن تۇگەلدەي ارالاپ، ولاردىڭ ءومىرى، ءسالت-داستۇرى تۋرالى باعا جەتپەس دەرەكتەر جينايدى. وسى لينگۆيستيكالىق، تاريحي، مادەني جانە فولكلورلىق دەرەكتەردىڭ نەگىزىندە ورتاعاسىرلىق تۇركىلەر ءومىرىنىڭ ەنسيكلوپەدياسى بولىپ سانالاتىن ءۇش تومدىق «ديۋاني لۇعات ات-تۇرك» («تۇركى سوزدەرىنىڭ جيناعى») اتتى ەڭبەگىن جازادى. بۇل شىعارمادا قازاقستان ايماعى جانە تۇركى تايپالارى تۋرالى باعا جەتپەس قۇندى دەرەكتەر بار.
ماحمۇت قاشقاري — العاشقى تۇركىلىك الەم كارتاسىنىڭ اۆتورى. دوڭگەلەك الەم كارتاسى مۇسىلمان كارتوگرافياسىنىڭ جۇيەسىندە ەلەۋلى ورىن الادى. كارتانىڭ ورتا شەنىنە قاراحاندار استاناسى — بالاساعۇن قالاسىن ورنالاستىرۋى ونىڭ تۇركىلەر جەرىنە، ءوزىنىڭ مەملەكەتىنە دەگەن سۇيىسپەنشىلىگىن بىلدىرسە كەرەك.
وقۋعا كەڭەس بەرەمىز:
You Might Also Like
-
قابىلان — سۇتقورەكتىلەر كلاسى، مىسىق تۇقىمداسىنا جاتاتىن اڭ. افريكا، ورتا ازيا جانە ءۇندىستاندا تارالعان. قازاقستاندا 18-عاسىردىڭ اياعى-19-عاسىردىڭ باسىندا كاسپيي مەن ارال تەڭىزدەرىنىن ارالىعىن...
-
مۇرات ابەن ۇلى ايتقوجين (1939-1987) ءىرى قوعام قايراتكەرى، قازاقستاندا مولەكۋليارلىق بيولوگيا مەن بيوتەحنولوگيانىڭ نەگىزىن قالاۋشى، بيولوگيا عىلىمدارىنىڭ دوكتورى، پروفەسسور، اكادەميك. ول سولتۇستىك قاز...
