مادەنيەتكە باسا ءمان بەرىلدى
بۇگىن الماتىدا س.ا.گەراسيموۆ اتىنداعى بۇكىلرەسەيلىك مەملەكەتتىك كينەماتوگرافيا ينستيتۋتىنىڭ (بمكي) 100 جىلدىق مەرەيتويىنا وراي باسپا ءسوز وتىرىسى ءوتتى. جيىنعا اتالعان ينستيتۋتتىڭ ءار جىلدارداعى تۇلەكتەرى مەن ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق ۇجىمى قاتىستى.
باسپا ءسوز وتىرىسىندا الداعى ۋاقىتتا تالانتتى رەجيسسەرلەر مەن اكتەرلەردىڭ ءىزىن جالعايتىن جاستاردى تاربيەلەۋ مەن ەكى ەل اراسىنداعى مادەني ىنتىماقتاستىقتى ارتتىرۋدىڭ ماڭىزى تالقىلاندى. «ينستيتۋت باسقا شەت ەلدەرگە قاراعاندا قازاقستانمەن وتە تىعىز قارىم-قاتىناستا. ءبىزدىڭ ۇجىم قازاقستانعا ءبىرىنشى رەت كەلىپ وتىرعان جوق. سوعىس جىلدارى قازاق جەرىندە ەكى جىل تەككە قونىستانبادى، بىرىگىپ ءونىمدى ەڭبەك ەتتى. ءبىزدىڭ ارداگەر-ۇستازدارىمىزدىڭ ايتۋىنشا، قازاقستاندىقتار سول ءبىر قيىن زاماندا ناندارىمەن ءبولىسىپ، قولدارىنان كەلگەن كومەكتەرىن اياماعان»، – دەدى بمكي رەكتورى ۆلاديمير مالىشيەۆ. سونىمەن قاتار، ينسيتۋت رەكتورى الداعى 2019 جىلى ماسكەۋدە وتەتىن مەرەيتويعا قازاقستانداعى ينستيتۋت تۇلەكتەرىن شاقىردى.
كەڭەستەر وداعى زامانىنان بەرى اكتەرلىك ونەردىڭ باستاۋ بۇلاعى بولعان وقۋ ورنىندا قازاق كينو ونەرى مەن مادەنيەتىنە قوماقتى ۇلەس قوسقان ساتىبالدى نارىمبەتوۆ، سەرگەي ازيموۆ، لاۆرەنتيي سون سىندى بەلگىلى تۇلعالار بار.
مەرەيتوي اياسىندا قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن «قازاقستانداعى بمكي كۇندەرى» اتالىپ ءوتىپ، ۇستازدار اكتەرلىك كۋرستار بويىنشا شەبەرلىك سىنىپتارىن وتكىزدى.
سونداي-اق، ساپار بارىسىندا ينستيتۋتتىڭ دارىندى ستۋدەنتتەرى «ەۆگەنيي ونەگين»، «گوۆورياششيي نەموي» اتتى ەكى سپەكتاكل مەن كونسەرتتىك قويىلىمدارىن الماتىلىق كورەرمەندەردىڭ نازارىنا ۇسىندى.
اراي جۇماتاي
You Might Also Like
-
وتستاۆكاداعى گەنەرال-مايور بۋلدەيەۆتىڭ ءتىسى قاتتى اۋىردى. اۋزىن اراقپەن، كونياكپەن شايقاپ، اۋىرعان ءتىسىنىڭ تۇبىنە تەمەكى، اپيىن، سكيپيدار، كەروسين باستى، ۇرتىنا يود جاقتى. قۇلاعىن سپيرت شىلانعان ما...
-
ەل تاريحىندا، ءتىپتى الەم تاريحىندا وشپەس ءىز قالدىرعان، كەڭەستىك يمپەريانىڭ تۇتاستىعىنا تۇڭعىش سوققى بەرىپ بوستاندىققا جول سالعان «جەلتوقسان» كوتەرىلىسىن «تاۋەلسىزدىكتىڭ كىندىگى&ra...
