مەكتەپ ديرەكتورلارىنىڭ جالاقىسى ارتادى — مينيستر
بيىلدان باستاپ مەكتەپ ديرەكتورلارى مەن ولاردىڭ ورىنباسارلارى اتتەستاسيادان ءوتىپ، ەڭبەكاقىسىن كوبەيتە الادى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتىپ بەردى.
«پەداگوگتاردىڭ ساپالىق قۇرامىن ارتتىرۋ جۇمىستارى جۇرگىزىلدى. قازىرگى ۋاقىتتا 150 مىڭنان استام پەداگوگ بىلىكتىلىك ساناتىن راستاپ، لاۋازىمدىق ەڭبەكاقىسىنىڭ 30-50 پايىزى كولەمىندە ۇستەمەاقى الىپ جاتىر»، — دەدى مينيستر فەيسبۋك جەلىسىندە حالىق الدىندا ەسەپ بەرۋ بارىسىندا.
ونىڭ ايتۋىنشا، پەداگوگتاردى اتتەستاسيالاۋ جۇيەسى جەتىلدىرىلىپ، ءبىلىم بەرۋ ۇيىمدارىنىڭ باسشىلارىن دا اتتەستاسيادان وتكىزۋ تالابى ەنگىزىلگەن. «جالپى ول — بەلگىلى پروبلەمانىڭ ءبىرى. قازىرگى ۋاقىتتا ديرەكتورلاردىڭ جالاقىسى وتە از، جەتكىلىكسىز. ول ءۇشىن بىرنەشە شارا قابىلدادىق. بىرىنشىدەن، بيىل جانە كەلەسى 4 جىل ىشىندە جالاقىنىڭ ەكى ەسە ءوسۋى ديرەكتورلارعا دا قاتىستى بولادى. ەكىنشىدەن، ديرەكتورلار مەن ولاردىڭ ورىنباسارلارىن اتتەستاسيادان وتكىزۋ ينستيتۋتى ەنگىزىلدى. ياعني، ەندى ديرەكتورلار مەن ولاردىڭ ورىنباسارلارى ءوز جۇمىسىنىڭ تيىمدىلىگىن كورسەتكەن جاعدايدا اي سايىنعى جالاقىسىنا 30-دان 100 پايىزعا دەيىن قوسىمشا ۇستەمەاقى الاتىن بولادى»، — دەپ ءتۇسىندىردى ا. ايماعامبەتوۆ.
وسى جۇيە دايىن، ءتيىستى نورماتيۆتىك-قۇقىقتىق اكتىلەردى دايىندادىق. وسى ايدان باستاپ، مەكتەپ ديرەكتورلارى مەن ولاردىڭ ورىنباسارلارى وسى جۇيەمەن تەست تاپسىرا باستايدى.
«ونىڭ ناتيجەسىندە كەي ديرەكتورلاردى ورنىنان الۋ نەمەسە باسقا مەكتەپكە جىبەرۋ مۇمكىندىگى بولادى. ال جاقسى جۇمىس ىستەپ جاتقان باسشىلار ۇستەمەاقى الىپ، ءارى قاراي ءوز جۇمىستارىن جالعاستىرادى»، — دەدى ءبىلىم جانە عىلىم ءمينيسترى.
You Might Also Like
-
الاش قوزعالىسىنىڭ تاريحى بۇگىنگى ۇرپاق، ياعني بىزدەر ءۇشىن سونشالىقتى وزەكتى، بولىپ وتىرعان ارىستارىمىزدىڭ ءومىرى مەن قوعامدىق-ساياسي قىزمەتىندەگى ءوز ۇلتىنا دەگەن كىرشىكسىز ماحابباتى، وتانعا دەگە...
-
بيىل مۇعالىمدەردىڭ ۇلتتىق بىلىكتىلىك تەستىلەۋى «ءبىر ءمۇعالىم – ءبىر كامەرا» قاعيداسى بويىنشا وتەدى. بۇل تۋرالى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ءمالىم ەتتى.
