InfoHub Logo

بيىل مۇعالىمدەردىڭ ۇلتتىق بىلىكتىلىك تەستىلەۋى «ءبىر ءمۇعالىم – ءبىر كامەرا» قاعيداسى بويىنشا وتەدى. بۇل تۋرالى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ءمالىم ەتتى.

«تەستىلەۋ قاعاز تۇرىنەن كومپيۋتەرگە كوشتى. وسىلايشا تەست بارىسىن ودان ارى ءجىتى باقىلاۋعا مۇمكىندىك تۋىپ وتىر. ياعني وتكەن جىلدا 100 ادام وتىراتىن ءبىر اۋديتوريادا 3-4 كامەرا بولسا، قازىرگى قاعيدا — «ءبىر ادام – ءبىر كامەرا». وسى فورمات باقىلاۋدى كۇشەيتۋگە وتە زور مۇمكىندىك بەرەدى»، — دەدى ديدار سماعۇلوۆ ونلاين باسپا ءسوز ءماسليحاتىندا.

ونىڭ ايتۋىنشا، 2019 جىلى مامىر ايىندا وتكەن ۇلتتىق بىلىكتىلىك تەستىلەۋ كەزىندە تىيىم سالىنعان 20 412 زات تابىلعان.

«ال قاراشا ايىندا جاڭا فورماتتا وتكەن تەستىلەۋدە تەك 750 تىيىم سالىنعان زات انىقتالدى. ياعني بۇل جاعداي بىرنەشە ەسە قىسقاردى. سونىمەن بىرگە ءبىزدىڭ جۇمىسىمىزدىڭ اشىقتىعىن نىعايتۋ ءۇشىن ارنايى مونيتوريگ توبى جاساقتالدى. سىبايلاس جەمقورلىق اگەنتتىگىمەن قۇرىلعان ارنايى مونيتورينگ توبى ءارقاشان بىزبەن بىرگە تەستىلەۋدى باقىلايدى»، — دەدى ول.

ايتا كەتەيىك، بۇعان دەيىن شولپان قارينوۆا بيىل ۇلتتىق بىلىكتىلىك تەستىلەۋدەن 160 مىڭنان استام ءمۇعالىم وتەتىنىن حابارلاعان بولاتىن. تەستىلەۋدەن وتكەن مۇعالىمدەردىڭ جالاقىسى 1 قىركۇيەكتەن باستاپ كوتەرىلەدى.

---