InfoHub Logo

مەكتەپكە دەيىنگى كەزەڭدەگى تاربيە - ادام قالىپتاسۋىنىڭ العاشقى باسپالداعى. بۇل بالانىڭ اسەرلەنگىش، ەلىكتەگىش، ويلاۋدى، سويلەۋدى مەڭگەرۋىمەن العاش رەت بوتەن ورتاعا بەيىمدەلۋىمەن سيپاتتالاتىن كەزەڭى مەكتەپكە دەيىنگى بالالارعا تاربيە مەن ءبىلىم بەرۋ جۇمىستارىن ۇيىمداستىرۋدا ولاردىڭ سويلەۋ، ءتىلىن دامىتۋ، بايلانىستىرىپ سويلەۋ مادەنيەتىن جەتىلدىرۋگە، قۇراستىرا سويلەۋگە، سوزدىك قورىنىڭ مولايۋىنا باسا كوڭىل بولگەن ءجون.

بالانىڭ اقىل - ويىن جۇيەلەۋ، ويلاۋ قابىلەتىن جەتىلدىرۋ، دالدىككە ۇيرەتۋ شىندىققا تاربيەلەۋ ماقساتىندا، ساۋاتتىلىققا باۋلۋ - بۇگىنگى كۇن تالابى. بالانىڭ اقىل - ويىن دامىتۋ، ويلاۋ قابىلەتىن جەتىلدىرۋ، وزىندىك ىسكەرلىك قاسيەتتەرىن قالىپتاستىرۋ، زامان تالابىنا ساي ويىن جۇيرىك ەتىپ تاربيەلەۋ. سوندىقتان دا بالانىڭ تانىمىن العاشقى كۇننەن باستاپ دامىتۋدىڭ، بويىندا وقىتۋ مەن تاربيەلەۋدىڭ نەگىزىن قالىپتاستىرۋدىڭ قۇرالى - ويىن ارەكەتى، ياعني، ويىن - بالانىڭ جەتەكشى ارەكەتى.

ءبىراق، ويىن تەك قانا بالالاردى قىزىقتىرىپ، ۋاقىت وتكىزۋدىڭ قۇرالى بولماي، بالاعا بەرىلەتىن ءبىلىم مەن تاربيەنىڭ قۇندى نەگىزى بولۋى كەرەك. ياعني، وقىتۋ - تاربيەلەۋ جۇمىسىن باعدارلاما تالاپتارىنا سايكەس ويىن تۇرىندە ۇيىمداستىرا وتىرىپ، بالانىڭ لوگيكالىق ويلاۋ قابىلەتىن ارتتىرۋعا جاعداي جاساۋ نەگىزگى مىندەت. بالا ويىن بارىسىندا اينالا قۇبىلىس سىرىن تانىپ سەزىنەدى، سەبەپ - سالدارلىق بايلانىستى جانە تاۋەلدىلىكتى انىقتاۋعا تىرىسادى. ويىن نەگىزىندە ويلاي وتىرىپ، تاپسىرمالارى وزىنشە زەرتتەپ، ورىنداۋ، وزىنشە شەشىم جاساۋ ءوز ويىنداعىسىن ايتۋ جاعدايلارىنا مۇمكىندىك تۋعىزىلسا عانا بالا ەركىن ويلى، وزىنە سەنىمدى، ەرىك - جىگەرلى، دۇنيە تانىمى كەڭەيگەن، سويلەۋ ءتىلى جاقسى قالىپتاسقان، بولاشاققا قىزىعۋشىلىعى ويانعان دارا تۇلعا رەتىندە جان - جاقتى دامي الادى.

مەكتەپكە دەيىنگى بالالاردىڭ ويلاۋ قابىلەتتەرىنىڭ دامۋىنا زەرتتەۋ ادىستەرىنىڭ تيگىزەتىن اسەرى وتە ۇلكەن. قازىرگى مەكتەپكە دەيىنگى بالالاردىڭ بارلىق ويلاۋ قابىلەتتەرىن دامىتۋ جولدارىن ەسكەرە وتىرىپ جاسالعان، وقۋلىقتار مازمۇنى ويلاۋدى دامىتۋعا ۇلكەن ۇلەسىن قوسادى. دەگەنمەن وسى پروبلەمانى شەشۋ ءۇشىن ءار بولاشاق تاربيەشى ويلاۋ قابىلەتىنىڭ ەرەكشەلىكتەرىن، ونى دامىتۋ جولدارىن، زەرتتەۋ ادىستەرىن تولىق ءتۇسىنۋى قاجەت. مەكتەپكە دەيىنگى ءبىلىم بەرۋدىڭ الدىندا تۇرعان نەگىزگى ماقسات – بالالارعا ءبىلىم بەرە وتىرىپ ويلاۋ قابىلەتىن دامىتۋ، قىزىعۋشىلىعىن ارتتىرۋ، وقۋعا ىنتاسىن وياتۋ.

مەكتەپكە دەيىنگى كەزەڭىندە العان بىلىمدەردى بالا ءوز ءىس - ارەكەتىندە قولدانۋعا ماشىقتانادى جانە وي قورىتىندى جاساي الۋ، سەبەپ - سالداردى انىقتاۋ، تۇسىنىك بەرۋ، ويلاۋ قابىلەتىنىڭ دامۋى انىق كورىنە باستايدى جانە وسى كەزەڭدە بالانىڭ ويلاۋى ناقتى - بەينەلىدەن ابستراكتىلى ويلاۋعا قاراي داميدى، زاتتاردى ءتيىستى ۇعىمدارعا جاتقىزىپ، ءوزىنىڭ ويىن دالەلدەۋگە ۇيرەنە باستايدى. ال ويلاۋ قابىلەتتەرى بەلگىلى زەرتتەۋ ادىستەرىنە سۇيەنەدى. مەكتەپكە دەيىنگى بالالاردىڭ ويلاۋ قابىلەتىن زەرتتەۋ ادىستەرى ارقىلى بىرىنشىدەن – اينالا قورشاعان ورتانى تانىپ ءبىلۋ، ەكىنشىدەن – بالانىڭ تاپسىرمالاردى شەشۋ. بالانىڭ نازارىن تەكسەرىپ، زەرتتەگەندە، ىرىكتەۋ مەن ناتيجەلەردى قايتا تەستىلەۋ ءۇشىن كلاسسيكالىق بۋردون تەستىسىنىڭ بالالارعا ارنالعان ءتۇرى قولدانىلادى. بۇل ۇلگى ەركىن تۇردە بالالارعا جاقسى تانىس جانە قاراپايىم پىشىندەر، مىسالى جۇلدىزشا، كۆادرات، شەڭبەر، ءۇشبۇرىش، جارتى شەڭبەر، جالاۋشا ورنالاسقان پاراقتان تۇرادى. زەرتتەۋشىلەرگە بەلگىلى ءبىر فيگۋرانىڭ استىن سىزۋ ۇسىنىلادى.