مەكتەپتە قىسقا يۋبكا كيىپ، اشەكەي تاعۋعا تىيىم سالىنۋى مۇمكىن
قازاقستاندىق وقۋشى قىزدارعا مەكتەپتە قىسقا يۋبكا كيىپ، كەۋدەسىن اشىپ جۇرۋگە، سونداي-اق، اشەكەي بۇيىم تاعۋعا تىيىم سالىنۋى مۇمكىن. بۇل تۋرالى حابار 24 ارناسى حابارلايدى.
مۇنداي مالىمدەمەنى ق ر قوعامدىق دامۋ ءمينيسترىنىڭ ورىنباسارى بەرىك ارىن جاسادى. ونىڭ سوزىنشە، كوپتەگەن اتا-انالار وقۋشى قىزداردىڭ اشىق-شاشىق جۇرەتىنىنە قاتىستى نارازىلىق ءبىلدىرىپ، شاعىم ايتقان. بۇل شاعىمدار بۇگىندە ءبىلىم جانە عىلىم مينيسترلىگىنە جەتىپ وتىر. سوندىقتان مينيسترلىك اتالعان ماسەلەنى مىقتاپ قولعا الماق.
«مەكتەپتە ءدىني كيىم كيۋگە تىيىم سالسا دا، دەنەگە جابىسىپ تۇراتىن قىسقا يۋبكاعا ەشكىم ءمان بەرمەيتىنىنە قاتىستى كوپتەگەن سىن-ەسكەرتپەلەر ايتىلدى. وسىعان بايلانىستى ءبىزدىڭ مينيسترلىك ءبىلىم جانە عىلىم مينيسترلىگىنە ۇسىنىس جولدادى. ءقازىر ولار ءتيىستى تۇزەتۋلەر ەنگىزۋدى جوسپارلاپ وتىر»، - دەپ اتاپ ءوتتى قوعامدىق دامۋ ۆيسە-مينيسترى بەرىك ارىن.
You Might Also Like
-
ق ر ءبىلىم جانە عىلىم ۆيسە-مينيسترى بيبىگۇل اسىلوۆا جاستاردىڭ ءبىلىم ىزدەپ، شەتەلگە كەتپەۋى ءۇشىن اتقارىلىپ جاتقان جۇمىستاردى باياندادى.
