مەكتەپتەردە سپورت زالدارىنىڭ بوس ۋاقىتتا پايدالانىلۋى باسىم جاعدايدا مۇمكىن ەمەس - بعم
مەكتەپتەردە سپورت زالدارىنىڭ بوس ۋاقىتتا پايدالانىلۋى باسىم جاعدايدا مۇمكىن ەمەس. بۇگىن ماجىلىستە ءوتىپ جاتقان بۇقارالىق سپورتتى جانە دەنە شىنىقتىرۋدى دامىتۋ تاقىرىبىنداعى ۇكىمەت ساعاتىندا دەپۋتاتتار ساۋالىنا جاۋاپ بەرگەن ءبىلىم جانە عىلىم ۆيسە-مينيسترى تاحير بالىقبايەۆ وسىلاي ءمالىم ەتتى.
«قازىرگى تاڭدا مەكتەپ وقۋشىلارىن سپورتپەن قامتۋ 27 پايىزدان اسادى. ال ساباقتان تىسقارى ۋاقىتتا سپورتپەن اينالىساتىن بالالاردىڭ سانى 713 مىڭنان اسادى. سونىڭ ىشىندە اۋىلدىق مەكتەپتەردە 349 632 بالا سپورتپەن ساباقتان بوس ۋاقىتتا اينالىسادى»، دەدى ت. بالىقبايەۆ.
سونىمەن قاتار، مينيسترلىك وكىلى مەكتەپ سپورتزالدارىن پايدالانۋ تولىق مۇمكىن بولمايتىنىن اتاپ ءوتتى. ونىڭ ايتۋىنشا، مەكتەپتەردىڭ باسىم بولىگى ەكى اۋىسىمدا وقىتىلادى. سوندىقتان دا، ءبىلىم مينيسترلىگى وسى ماسەلەگە كوپ كوڭىل بولە باستاعان.
«بىرىنشىدەن، ەكى اۋىسىمدىق مەكتەپتەردە سپورت زالدارى بوس بولمايدى قالاي ايتقاندا دا. ەكىنشى جاعىنان، سپورت زالدارىن ارەنداعا بەرۋ مۇمكىندىكتەرى دە جوق. ءبىز سپورت كەشەندەرىن جالعا بەرە الاتىنداي مۇمكىندىك جاساۋ ءۇشىن، ولاردى تولىق مەملەكەتتىك مەكەمە قۇرىلىمىنا كوشىرۋ كەرەك»، دەدى ت. بالىقبايەۆ.
You Might Also Like
-
اتىراۋ قالاسى №31 مەكتەپ-گيمنازياسىنىڭ 3 «ب» سىنىپ وقۋشىسى: تالاپ بەكزات ازامات ۇلى جەتەكشىسى: قۇلتايەۆا قامار ساپارگالييەۆنا
-
كەشە اتىراۋ وبلىسىنىڭ اكىمى نۇرلان نوعايەۆ يتاليانىڭ قازاقستانداعى توتەنشە جانە ۋاكىلەتتى كەلشىسى ستەفانو راۆانيامەن كەزدەستى دەپ حابارلايدى اكىمدىكتىڭ باسپا ءسوز قىزمەتى.
