مەكتەپتەرگە «زاڭ جانە ءتارتىپ» ءپانى ەنگىزىلۋى مۇمكىن – باس پروكۋرور ۇسىنىسى
قازاقستاندا مەكتەپ باعدارلاماسىنا جاڭا ءپان ەنگىزىلۋى مۇمكىن. باس پروكۋرور بەرىك اسىلوۆ جاسوسپىرىمدەر اراسىنداعى قىلمىس پەن قۇقىقبۇزۋشىلىقتىڭ الدىن الۋ ماقساتىندا 7-سىنىپتان باستاپ «زاڭ جانە ءتارتىپ» اتتى مىندەتتى ءپاندى وقىتۋدى ۇسىندى.
ونىڭ ايتۋىنشا، قازىرگى تاڭدا كوپتەگەن جەتكىنشەكتەر زاڭدى بۇزىپ جاتقانىن مۇلدە تۇسىنبەيدى. ءتىپتى اۋىر قىلمىستارعا بارسا دا، ولاردىڭ باسىم بولىگى ءوز ارەكەتتەرىنىڭ سالدارىن بىلمەي ارەكەت ەتۋدە.
«ناعىز ءقاۋىپ – قۇقىقتىق ساۋاتسىزدىق. سوندىقتان ءبىز ۋاكىلەتتى ورگانعا ناقتى ۇسىنىس جاسادىق. بۇل ءپاندى كاسىبي زاڭگەرلەر مەن قۇقىق قورعاۋ سالاسىنىڭ ارداگەرلەرى جۇرگىزسە، وقۋشىلار تەك تەوريانى ەمەس، ومىرلىك تاجىريبەنى دە بويلارىنا سىڭىرەدى»، – دەدى باس پروكۋرور ءوزىنىڭ X پاراقشاسىندا.
بەرىك اسىلوۆتىڭ پىكىرىنشە، بۇل ءپان بولاشاق ازاماتتاردىڭ زاڭعا قۇرمەتپەن قاراپ، جاۋاپكەرشىلىك سەزىمى جوعارى، سانالى تۇلعا بولىپ قالىپتاسۋىنا ىقپال ەتەدى.
You Might Also Like
-
لوتەرەيا ويناتقان بلوگەرلەر 7 ميلليون تەڭگەگە دەيىن ايىپپۇل ارقالايدى،-دەپ حابارلايدى Infohub.kz.
-
اقش-تىڭ بۇرىنعى پرەزيدەنتى دونالد ترامپ ۋكراينا-رەسەي سوعىسىنا قاتىستى پىكىر ءبىلدىرىپ، زەلەنسكيي مەن بايدەندى سىنعا الدى. ونىڭ ايتۋىنشا، بۇل قاقتىعىس مۇلدە بولماۋى ءتيىس ەدى.
