InfoHub Logo

اقش-تىڭ بۇرىنعى پرەزيدەنتى دونالد ترامپ ۋكراينا-رەسەي سوعىسىنا قاتىستى پىكىر ءبىلدىرىپ، زەلەنسكيي مەن بايدەندى سىنعا الدى. ونىڭ ايتۋىنشا، بۇل قاقتىعىس مۇلدە بولماۋى ءتيىس ەدى.

— “زەلەنسكيي ءاردايىم زىمىران ساتىپ الۋدىڭ مۇمكىندىگىن ىزدەيدى. ەگەر سەن وزىڭنەن 20 ەسە ۇلكەن ەلمەن سوعىسۋدى باستاساڭ، الدىمەن جەڭەتىنىڭە سەنىمدى بولۋىڭ كەرەك. كەيىن ‘از-ماز زىمىران بەرىڭدەر’ دەپ ۇمىتتەنۋ — بۇل دۇرىس ءتاسىل ەمەس،” — دەدى ترامپ.

ول رەسەي مەن ۋكراينا اراسىنداعى داۋلى ماسەلەنى ءوزى شەشۋگە ۋادە ەتتى:

— “مەن پۋتينگە سوعىستى توقتاتۋ ءۇشىن دەدلاين قويامىن. ءبىز ۋكراينا مەن رەسەي ماسەلەسىن شەشەمىز،” — دەدى ول.

ترامپ سوعىستىڭ باستالۋىنا بىرنەشە تاراپتى كىنالادى:

— “بۇل سوعىستى بايدەن دە توقتاتا الاتىن ەدى. زەلەنسكيي دە توقتاتا الاتىن ەدى. ال پۋتين مۇلدە باستاماۋى ءتيىس ەدى. سوندىقتان بارلىعى بەلگىلى ءبىر دەڭگەيدە كىنالى،” — دەدى ترامپ.

سونداي-اق، ول ۆلاديمير زەلەنسكييدىڭ قابىلەتىنە كۇمان كەلتىرىپ، ءوزارا كەلىسپەۋشىلىك بولعانىن دا جاسىرمادى:

— “زەلەنسكييدىڭ قانشالىقتى كومپەتەنتتى ەكەنىن بىلمەيمىن. ءبىز ونىمەن شەكىسىپ كوردىك. ءبىراق ول سۇراعان سايىن، ودان دا كوپ سۇراي بەردى،” — دەدى.

— “پۋتينگە كەلسەك، ەشكىم پەرىشتە ەمەس. ءبىراق مەنىڭ پرەزيدەنتتىگىمنىڭ ءتورت جىلىندا مۇنداي جاعداي بولعان جوق،” — دەپ ءسوزىن قورىتتى ترامپ.