مەملەكەت جەكەمەنشىك مەكتەپتەردىڭ باستاۋىش سىنىپ وقۋشىلارىن تەگىن تاماقتاندىرۋعا 12 ملرد تەڭگەدەن استام قارجى ءبولدى
مەملەكەت جەكەمەنشىك مەكتەپتەردىڭ باستاۋىش سىنىپ وقۋشىلارىن تەگىن تاماقتاندىرۋعا 12 ملرد تەڭگەدەن استام قارجى ءبولدى،دەپ جازادى ينفوحاب.
2024 جىلدان باستاپ جەكەمەنشىك مەكتەپتەردە وقيتىن الەۋمەتتىك وسال وتباسىلاردىڭ 1-4 سىنىپ وقۋشىلارى تەگىن ىستىق تاماقپەن قامتىلادى. بۇل تۋرالى پرەزيدەنت 30 جەلتوقساندا ءبىلىم جانە بالا قۇقىقتارىن قورعاۋ ماسەلەلەرى جونىندەگى جاڭا زاڭعا قول قويعاننان كەيىن بەلگىلى بولدى.
جاڭا باستاما 25 مىڭنان استام بالانى قامتيدى، ونى ىسكە اسىرۋعا جەرگىلىكتى بيۋدجەتتەن 12 ميللياردتان استام تەڭگە ءبولىندى. سونىمەن قاتار، «جالپىعا بىردەي ءبىلىم بەرۋ» قورىنىڭ كومەگى جەكەمەنشىك مەكتەپ وقۋشىلارىنا دا قولجەتىمدى بولادى — بۇرىن بۇل تەك مەملەكەتتىك مەكتەپ وقۋشىلارىنا ارنالاتىن.
ق ر وقۋ-اعارتۋ ءمينيسترى عاني بەيسەمبايەۆتىڭ ايتۋىنشا، بۇل شارا الەۋمەتتىك وسال وتباسىلاردىڭ بارلىق بالالارىنا تەڭ مۇمكىندىكتەر جاساۋعا باعىتتالعان ماڭىزدى قادام.
ايتا كەتەيىك، 2023 جىلدىڭ قىركۇيەگىنەن باستاپ مەملەكەتتىك مەكتەپتەردە 1،7 ميلليوننان استام وقۋشى تەگىن ىستىق تاماقپەن قامتاماسىز ەتىلگەن. سونىمەن بىرگە، «جالپىعا بىردەي ءبىلىم بەرۋ» قورى اياسىندا 510 مىڭ وقۋشى قۇرال-جابدىقتارمەن قامتىلدى، وعان قوسىمشا 22،5 ملرد تەڭگە ءبولىندى.
You Might Also Like
-
تۇركىستان وبلىسى پوليسيا دەپارتامەنتىنىڭ باستىعى مۇرات قابدەنوۆ ءوڭىر تۇرعىندارىمەن كەزدەسىپ، قۇقىق قورعاۋ ورگاندارىنىڭ 2025 جىلدىڭ العاشقى ايلارىنداعى جۇمىس ناتيجەلەرىن تانىستىردى.
-
ءماجىلىس دەپۋتاتى مارات باشيموۆ جەمقورلىقپەن كۇرەستى كۇشەيتۋ ماقساتىندا باس پروكۋراتۋراعا جاڭا ۇسىنىس جولدادى. ول بويىنشا، شەنەۋنىك ءوز تابىسىنىڭ زاڭدى جولمەن كەلگەنىن دالەلدەي الماسا، مەملەكەت ونىڭ ...
