مەن، ومىرگە جاڭا جولداما العان جاس تۇلەك نەگە قازۇۋ-عا تۇسكىم كەلەدى؟
مەكتەپ - بالداي ءتاتتى بالا شاقتىڭ دەمەۋشىسى بولا بىلگەن كيەلى ورىن. 11 جىل بويى تارىداي وقۋشىنى ءومىردىڭ بارلىق يىرىمدەرىنە بەيىمدەي وتىرا، پاراساتتىلىق پەن ادامي قۇندىلىقتاردى بويىمىزعا دارىتادى.
ەسەيەر شاق جەتىپ، مەكتەپپەن قوشتاسۋعا تاياۋ قالعان كەزىمىزدە ۇستازدارىمىز ماماندىق تاڭداۋدان جاڭىلىسپاۋدىڭ الدىن الىپ، بارلىق شارانى قولدانادى.
ءوز باسىم، مەكتەبىمدە ۇزدىك ءارى بەلسەندى وقۋشىلاردىڭ الدى بولدىم. ءتۇرلى قوعامدا ماڭىزى بار رەسپۋبليكالىق جارىستاردا بوي كورسەتتىم. ارينە، نەشە ءتۇرلى دەڭگەيلى جارىستاردا جۇلدە العان سوڭ،ۇستازدارىم مەنىڭ كەلەشەگىمنەن زور ءۇمىت كۇتەتىن ەدى. وسىلايشا، بارلىق وقىتۋشىلارىم مەنىڭ بويىمداعى دارىندى جۋرناليستيكا اتتى زاڭعار شىڭمەن بايلانىستىراتىن. ۇبت-دان العان بالىم كوڭىل كونشىتەرلىكتەي بولعان سوڭ، الىپتاردى تاربيەلەگەن، ۇزدىكتەرگە قانات بىتىرگەن ءال-فارابي اتىنداعى قازۇۋ-عا ءتۇسۋ كەزەكتى ماقساتىما اينالدى. بىلەسىز بە، ەلىمىزدەگى شوقتىعى بيىك بولعان ۋنيۆەرسيتەت تالانتتى، ەلگە تانىمال، قوعامدا وزىندىك ورنى مەن پىكىرى بار جۋرناليستتەردى ۇشتاپ شىعاردى. بۇل دەگەنىڭ عاجاپ دۇنيە عوي. زامانا كوشباسشىلارىنىڭ باسىن قوسقان قارا شاڭىراققا مەن دە قانات قاققىم كەلەدى-اق. ونىڭ ۇستىنە وسىندا ءبىلىم الىپ جاتقان ستۋدەنتتەردىڭ پىكىرى دە ۋنيۆەرسيتەتتىڭ جاڭا تەحنيكالارمەن، شەكسىز مۇمكىندىكتەر ورتاسى ەكەنىنە سايادى.
وڭىردە ءجۇرىپ، ءوشىپ قالعىم كەلمەيدى. تىڭ سەرپىلىس، جاڭا ورتا، جاڭاشا ويلاۋ-اۋىل بالاسىنىڭ جۇرەك تۇكپىرىندەگى ىزگى ارمان. كەشەگى احمەت، ءمىرجاقىپ پەن ماعجانداردىڭ ميراسقورلارىنا اينالۋ-قاناتىم قاتايا باستاعان كەزىمنەن بەرگى وزگەرمەيتىن ارمانىم. بۇل ارماننىڭ كۇاگەرى-قازۇۋ بولعانىن قالايمىن.
تەمىرجان كوركەم
You Might Also Like
-
ازاماتتىق سانا – تۇلعالىق كورنىس. ءوز ۇلتتىنا، ءوز وتانىنا، ءوز مادەني جانە ۇلتتىق تامىرلارىنا، ءوز تۋعان مادەنيەتىنە، ءوز تىلىنە، ءوز ۇلتتىق ەرەكشەلىكتەرىنە، بولمىسى مەن جالپىۇلتتىق ىنتىماقتاستىقت...
-
مادەنيەتتانۋ "مادەنيەت" جانە "لوگيكا" سوزدەرىنىڭ ەكى تۇبىرىنە يە، بۇل سوزبە-سوز "مادەنيەت تۋرالى عىلىم"دەپ اۋدارىلادى. مادەنيەت - بۇل قۇندىلىقتاردىڭ، يدەيالاردىڭ، بەينە...
