InfoHub Logo

قاراتال نەگىزگى مەكتەبىنىڭ
9 سىنىپ وقۋشىسى يماحمەت ءىلياس
جەتەكشىسى حاسكەيەۆا گۋلفايرۋس حايربۋلاتوۆنا

 

ءوز وتانىنىڭ پاتريوتى  بولۋ –  بۇل قازاقستاندى ءوز جۇرەگىندە ۇستاۋ!

ن.ءا. نازاربايەۆ

مەن - پاتريوتپىن! مەن ەلىمدى، جەرىمدى، ۇلتىمدى سۇيەمىن! مەن وتانىمدى، وتباسىمدى سۇيەمىن! مەن - ءتىلىمدى، ءدىنىمدى، ءدىلىمدى سۇيەمىن! مەن قازاقستان رەسپۋبليكاسىنىڭ تۋىن، گيمندى، ەلتاڭبانى قۇرمەتتەيمىن.مەنىڭ ويىمشا پاتريوت ۇلتىن سۇيەتىن، ءوز تاريحىن، تۋعان ءتىلىن قۇرمەتتەيتىن، ۇرپاقتان ۇرپاققا جالعاسقان سالت – ءداستۇرىن دارىپتەيتىن، ۇلتتىق ءقادىر – قاسيەتىمىزدى ارتتىرۋعا ۇلەس قوساتىن سانالى تۇلعا. تۋعان ەلى ءۇشىن ۇنەمى تەر توگە قىزمەت ەتىپ، حالقىمىزدىڭ مول رۋحاني قۇندىلىقتارىن باعالاي بىلەتىن اسىل تۇلعا. پاتريوتتىق تاربيە، ەڭ الدىمەن، ءاربىر جەكە تۇلعانىڭ اتا – اناسىن، تۋعان – تۋىستارىن جاقسى كورۋدەن باستالادى. مەن ءوزىمدى شىن پاتريوت سانايمىن. كەز - كەلگەن ادامدى وتانسۇيگىشتىككە تاربيەلەيتىن ەڭ ءبىرىنشى - اتا - انا تاربيەسى، ەكىنشى - ۇستازداردىڭ ءتالىمى. ال ءوزىڭدى - ءوزىڭ وتانسۇيگىشتىككە تاربيەلەگەندەگى تىرەگىڭ ول - كىتاپ. وسى قۇدىرەتى كۇشتى كىتاپ ارقىلى ءبىز ءوز ءىمىزدى پاتريوت بولۋعا تاربيەلەي الامىز. مەيلى ول ءمۇعالىم، مەيلى ول جۇمىسشى، دارىگەر، نە تاعى باسقا مامان يەسى بولسىن قوعامدا پاراساتتى، ادامگەرشىلىگى جوعارى بالا تاربيەلەۋ كەز كەلگەن ادامنىڭ مىندەتى بولۋى ءتيىس. تاتۋ تىرلىك پەن اۋىزبىرلىك جىلى ۇيامىزعا ارقاسىن كەڭ جايعاندا ادامگەرشىلىك اتتى اسىل قاسيەتتەردىڭ ادام بويىنا نىق قوناتىنىنا، ارينە، ەش ءشۇبا جوق. اباي اتامىز ايتقانداي، بۇگىنگى جاستاردىڭ دۇنيەنىڭ كەتىگىن تاۋىپ، قالانۋدى كوزدەۋ، قوعامدىق ومىردەن قول ۇزبەي، ءوز ەلىن سۇيۋگە، ءوز ەلىنىڭ تۇرمىس – تىرشىلىگىن، سالت – ساناسىن، ادەت – ڭۇرپىن بىلۋگە تاربيەلەۋ – نارىقتىق كەزەڭدە ماڭىزى جوعارى تۇرعان زور مىندەتتەردىڭ ءبىرى دەپ ويلايمىن. وسى تاربيەنىڭ ەڭ ماڭىزدىسى – بالاعا پاتريوتتىق تاربيە بەرۋ. حالقىمىزدىڭ تاريحىنا تەرەڭ ۇڭىلە بىلسەك، جاسىنان جارقىراعان كۇمىس كومەي ءانشى، جاۋ جۇرەك باتىر، نار تۇلعالى پالۋان ەلى مەن جەرى ءۇشىن ايانباعانى بارشاعا ءمالىم. ەندەشە كوكىرەك كوزىمەن تاريحتى تامىرىنان تامشىلاتا جاس ۇرپاق زەردەسىنە زەرلەي، شىرايلى سوزبەن كەستەلەي تانىتۋ اتا – انا مەن ۇستاز – تاربيەشى شەبەرلىگىنە بايلانىستى. مەن وقۋشى قالپىمنان كىشىپەيىلدىلىك، قايىرىمدىلىق، مەيىرىمدىلىك، ىزەتتىلىك، ءار ءىستى تياناقتىلىقپەن ورىنداپ، جاۋاپكەرشىلىكپەن قاراۋ، ۇلكەندەردى سىيلاۋ، تاعى دا وسى سەكىلدى اسىل قاسيەتتەردى بويىما جيىپ، ءوسىپ كەلەمىن. «بارلىق حالىق پەن ۇلت بارلىق ۇلى جانە تاماشا نارسەلەردى جاساۋعا قابىلەتتى، ءاربىر ازامات ءوز ۇلتىن سۇيۋگە ءتيىس جانە ءوز ۇلتىنا دەگەن تەرەڭ سۇيىسپەنشىلىگى مەن ماقتانىش سەزىمى ارقىلى باسقا ۇلتتاردى تانىپ، قۇرمەتتەپ، ولاردى سۇيە بىلۋگە ءتيىس» دەگەن ەدى ۇلتىمىزدىڭ ماقتانىشى، ۇلى پاتريوت اتامىز باۋىرجان مومىش ۇلى. بۇل ءسوزدىڭ استارىندا ءوز ۇلتىڭدى ەرەكشە ءسۇي، سول ارقىلى وزگە ۇلتتى سۇيۋگە ۇيرەن دەگەن وي جاتىر.

---