ءبىزدىڭ ديرەكتوردىڭ ەڭ سۇلۋ ورىنباسارى!
بولسا ەكەن ۇستازداردىڭ ءبارى سىزدەي،
جۇرەسىز ءارقاشاندا كۇلىپ كۇندەي.
ايامايتىن اقىلىن كوپشىلىكتەن،
اياۋلى جان ارامىزدا ماڭگى جۇرگەي!
شۋاعىن توگىپ جايقالعان گۇل كوكتەمگە دە قادام باستىق. سۇلۋ دا كوركەم كوكتەم مەزگىلى جەتكەندە بارشا قىز-كەلىنشەكتەر دە سۇلۋلانىپ، اجارلانا قۇلپىرىپ شىعا كەلەدى.
سۇلۋلىق دەگەنىمىز نە؟ ءيا، ءبىز كوبىنەسە سۇلۋلىق دەپ سىرتقى سۇلۋلىقتى ايتامىز. دەسەك تە، ءتان سۇلۋلىعى ۋاقىت وتە كەلە كومەسكىلەنەتىنى جاسىرىن ەمەس. ال جان سۇلۋلىعىنا كەلەتىن بولساق، ول - ماڭگىلىك، ونىڭ بەرەرى دە مول! «سۇلۋلىق ادامنىڭ جۇزىندە ەمەس، جۇرەگىندە بولادى دەگەن ماقال دا تەگىن ايتىلماعان عوي.
«دۇنيەدە ادام بالاسىنىڭ ۇلى قاسيەتى ەكەۋ–اق: وي ۇلىلىعى، سۇلۋلىق ۇلىلىعى. كوركەم ايتىلعان وي - ۇلى، ويلاندىرا العان سۇلۋلىق - ۇلى»- دەپ جازۋشى ع. مۇسىرەپوۆ ايتقانداي، مەن بۇگىن قالامىمدى قولىما الىپ، وسىنداي ۇلى قاسيەتتى بويىنا دارىتقان، جان دۇنيەسىندە مەيىرىمدىلىكتىڭ، ماحابباتتىڭ سۇلۋلىعى تولىپ جاتقان جان تۋرالى ءسوز قوزعاماقپىن.
«ۇستاز مەيىرى مەن انا مەيىرى ەگىز»-دەگەن دانا حالقىمىزدىڭ سوزىنە سۇيەنەر بولساق، ءسابي كوڭىلدەردىڭ ەكىنشى اناسىنا اينالىپ ۇلگەرگەن اسىقاتا كەنتىندەگى «ءنازىر تورەقۇلوۆ اتىنداعى №121 جالپى ورتا مەكتەبى» كوممۋنالدىق مەملەكەتتىك مەكەمەسىندە تاڭەرتەڭنەن قارا كەشكە دەيىن تىنباي قىزمەت ەتىپ جۇرگەن ءبىرتالاي ۇستازدارىمىز بار. سولاردىڭ ءبىرى - ديرەكتوردىڭ وقۋ ءىسى جونىندەگى ورىنباسارى تۋزەلبايەۆا گۋلميرا مۋسايەۆنا.
ول - وزات تا تاجىريبەلى، العىر دا اڭعارىمپاز اقىل يەسى. قاشاندا ءوز ارىپتەستەرىنە قولىنان كەلگەنشە جاقسىلىق پەن ىزگىلىكتىڭ نۇرىن سەۋە بىلەتىن قامقورشى، ءتىپتى بارلىق ابزال قاسيەتتەردى ءون بويىنا جيناعان مەيىرىمدى، شاپاعاتى مول امبەبەپ ۇلاعاتتى ۇستاز.
ۇستازدىق - ۇلى ۇعىمعا قۇرىلعان ماماندىق دەسەك، وسى كاسىپتى جۇرەك قالاۋىمەن قالاپ، مەكتەبى ءۇشىن بار كۇشىن سارقا جۇمساپ، ونىسىن ىسىمەن دالەلدەپ كەلە جاتقان ۇستازىمىز تۋزەلبايەۆا گۋلميرا مۋسايەۆنا - 1972-1982 جىلدارى №54 م. گوركيي اتىنداعى ورتا مەكتەپتى اياقتاپ، 1982-1986 جىلدارى شىمكەنت پەداگوگيكالىق ينستيتۋتى فيلولوگيا فاكۋلتەتى، ورىس ءتىلى مەن ادەبيەتى ءمۇعالىمى ماماندىعىن ءتامامداعان.
جوعارى ساناتتى ورىس ءتىلى مەن ادەبيەتى ءپانى ءمۇعالىمى بولىپ 30 جىلدان استام ۋاقىت قىزمەت ىستەسە، ونىڭ 20 جىلىندا وقۋ ءىسى جونىندەگى ورىنباسارى لاۋازىمى قىزمەتىن اتقارىپ كەلەدى.
ەڭبەك تاجىريبەسىن 1986-1988 جىلدارى جامبىل اتىنداعى ورتا مەكتەپتە باستاعان. 1988-1993 جىلدارى - №56 ش. ۋاليحانوۆ اتىنداعى ورتا مەكتەپتە، 1994-2010 جىلدارى «جەڭىس» مەكتەپ-گيمنازياسىندا قىزمەت ەتە ءجۇرىپ، بىلىمدىلىگىنىڭ، ەڭبەگىنىڭ ناتيجەسىندە 2000 جىلدان ديرەكتوردىڭ وقۋ ءىسى جونىندەگى ورىنباسارى قىزمەتىن يەمدەندى.
2010 جىلدىڭ قازان ايىنان باستاپ، ەلباسىمىزدىڭ «100 مەكتەپ، 100 اۋرۋحانا» باستاماسىمەن سالىنعان كوركىنە كوز توياتىنداي ءزاۋلىم عيمارات بولىپ ەسەپتەلەتىن «ن. تورەقۇلوۆ اتىنداعى №121 جالپى ورتا مەكتەبىنە اۋىسىپ، ءوز قىزمەتىن جالعاستىرىپ كەلەدى.
ۇستازدىق ەتكەن ەڭبەك جولىنىڭ ءار جىلى جەتىستىكسىز بولعان ەمەس.
ءيا، ءمۇعالىمنىڭ جەمىسى-ونىڭ تالاي جىلعى ەڭبەكتەرىنىڭ ارقاسىندا ەكەنى بارشامىزعا بەلگىلى. جەتىستىكتەرىنە توقتالساق، اۋداندىق جانە وبلىستىق ورىس ءتىلى ءپانى مۇعالىمدەر اراسىنداعى وليمپيادادا I ورىندى يەمدەنسە، اۋداندىق وقۋ ءىسى جونىندەگى ورىنباسارلارى سايىسىندا III ورىنعا يە بولعان.
ەرەن ەڭبەكتەرىنىڭ ارقاسىندا تالاي رەت كەنت اكىمشىلىگىنىڭ، اۋداندىق ءبىلىم ءبولىمىنىڭ ماقتاۋ قاعازدارىمەن ماراپاتتالعان. 1998 جىلى ءبىلىم جانە عىلىم مينيسترلىگىنىڭ «قۇرمەت گراموتاسىمەن، 2006 جىلى ءبىلىم جانە عىلىم مينيسترلىگىنىڭ «العىس حاتىمەن» ماراپاتتالعان. ەڭبەگىنىڭ جەمىسى سول بولار، ۇستازىمىز وبلىستىق «قۇرمەت» قوعامىنىڭ «وق ءىسىنىڭ ۇزدىگى» مەدالىمەن دە ماراپاتتالعان جايى بار. شاكىرتتەرى دە تالاي بيىك بەلەستەردەن كورىنىپ ءجۇر.
بۇگىندەرى ۇستازداردىڭ ۇستازى اتانىپ وتىرعان تۋزەلبايەۆا گۋلميرا مۋسايەۆنانىڭ ماعان قاتتى ۇنايتىن قاسيەتتەرى ونىڭ - جاۋاپكەرشىلىگى، جان-جاقتىلىعى، ۇيىمداستىرۋشىلىق جانە باسقارۋشىلىق قابىلەتتەرى، تالاپشىل، ۇجىممەن جۇمىس ىستەي ءبىلۋى، الدىنا قويعان مىندەتتەرگە قاشاندا شىعارماشىلىق كوزقاراسپەن قارايتىندىعىندا. جاڭالىققا جانى قۇمار ۇستازىمىز جاڭاشىلدىقتى، ءتۇرلى يدەيالارعا تولى ءىس- شارالاردى جاس مۇعالىمدەردەن كۇتەتىنىن، ولار دا ىزدەنىپ، مەكتەپ ءۇشىن ءوز ۇلەستەرىن قوسىپ وتىرۋلارى كەرەكتىگىن ايتىپ، ءوزىنىڭ اقىل-كەڭەستەرىن بەرۋدەن ەش ايانىپ قالعان ەمەس.
قورىتا ايتقاندا، مەنىڭ 10 جىلدىق تانىستىعىمدا، ارىپتەس-باسشىمىزعا، جان سۇلۋلىعى مول ۇستازعا دەگەن ريزاشىلىعىم شەكسىز. مەن قاشاندا ول كىسىدەن ءتالىم الىپ، قۇرمەتتەپ وتەمىن. ونىڭ بىلىمدىلىگىنە، كورەگەندىلىگىنە ءتانتىمىن. كەيدە مۇعالىمگە دەگەن ىستىق لەبىزدەر وزدىگىنەن ويعا ورالىپ، ۇيالى تەلەفون ارقىلى جازىپ جىبەرسەم، مىندەتتى تۇردە جاۋاپ جازاتىنىنا شەكسىز ريزا بولام.
بۇل كۇندە مەكتەبىمىزدىڭ ارداقتىسىنا اينالىپ، مەكتەپ ۇجىمىن لايىقتى باسقارىپ، سۇلۋلىعى قاشاندا جۇزىندەگى مەيىرىمىنەن كورىنىپ تۇراتىن ارداقتى ۇستازىمىزدىڭ قىزمەتىنە تابىس، وتباسىنا اماندىق، باقىت تىلەيمىن. ءارقاشان ارماندارىڭىز ورىندالا بەرسىن دەگەن نيەتپەن مىنا ولەڭ شۋماعىن وزىڭىزگە ارنايمىن.
ءبىز ءۇشىن قىمبات بولعان،
بارىنە جاقىن ءبىر جان.
ءارقاشان ءسىز دەپ بىلەم-
الەمدە ەڭ سۇلۋ جان!
قامقور بوپ بارشا جانعا،
جىلۋىن ايامايتىن.
«ءسىز-ناعىز امبەباپ جان!»
ەشكىمگە ۇقسامايتىن.
ءجۇرىڭىز ورتامىزدا،
ۇلگى بوپ بارشامىزعا.
ءارقاشان بولەنىڭىز،
تاۋسىلماس باقىت نۇرعا!
ماقتارال اۋدانى، اسىقاتا كەنتى
"ءنازىر تورەقۇلوۆ اتىنداعى №121 جوم" كمم-نىڭ
قازاق ءتىلى مەن ادەبيەتا ءپانى ءمۇعالىمى تۋلتايەۆا پەرۋزا
You Might Also Like
-
قاراتال نەگىزگى مەكتەبىنىڭ 9 سىنىپ وقۋشىسى يماحمەت ءىلياس جەتەكشىسى حاسكەيەۆا گۋلفايرۋس حايربۋلاتوۆنا
-
2016 جىلعى 1 قىركۇيەكتەن قازاقستانداعى بارلىق مەكتەپتە ءبىلىم بەرۋ پروسەسى جاڭارتىلا باستادى. ق ر ءبىلىم جانە عىلىم مينيسترلىگىنەن ءمالىم ەتكەندەي، جاڭا باعدارلامانىڭ ماقساتى - مەكتەپ وقۋشىلارىن العان ...
