مەنىڭ كۇندەلىكتى ءومىرىم ۋنيۆەرسيتەتكە كەلىپ قالاي وزگەردى
85 جىلدىق تاريحى بار ءال-فارابي اتىنداعى قازاق ۇلتتىق ۋنيۆەرسيتەتى - قازاق ەلىمىزدىڭ جانە باسقا ەلدەردىڭ بىلىمگە تالپىنعان جاستارىنا بولاشاققا جول اشتى، ساپالى ءبىلىم بەردى جانە ءوزىنىڭ تاڭداعان ءىسىنىڭ مامانى بولىپ شىعۋعا كوپتەگەن مۇمكىندىكتەر بەردى. قازىرگى تاڭدا وقۋعا تۇسكەن ۋنيۆەرىم - ءال-فارابي اتىنداعى قازاق ۇلتتىق ۋنيۆەرسيتەتى. بۇل جوعارى وقۋ ورنىنىڭ تاريحى 1934 جىلدىڭ 15 قاڭتارىنان باستالادى. 1934 جىلدىڭ قاڭتارىنىڭ 19 كۇنى 54 ستۋدەنت وقۋدى باستادى. سودان كەيىن، وسى جىلى، ياعني 1934 جىلى اقپان-ناۋرىز ايلارىندا تاعى ستۋدەنتتەر جينادى. قازۇۋ-دا ۇلاعاتتى ۇستازداردى، دانا، كوزدەرىندە جالىن وربىگەن جاستاردى بايقايسىڭ. يا، مىنە وسى كەرەمەت ۋنيۆەرسيتەتتە 2022 جىلدىڭ قىركۇيەگىنەن باستاپ وقىپ جاتىرمىن. مەنىڭ باعىما وراي ستۋدەنتتەر ۇيىنەن ءبىر ورىن بەردى.
ۋنيۆەرسيتەتكە كەلگەلى مەنىڭ ءومىرىم 180 گرادۋسقا وزگەردى. مەكتەپتەگى ءومىرىم جانە ستۋدەنتتىك ءومىرىم ەكى ءتۇرلى. مەكتەمتەگىدەي بوساڭسۋ جوق، ساباق ماڭىزدى. نەگىزى مەكتەپتە وقىعاندا 1 جارىم ساعات بۇرىن تۇرىپ دايىندالىپ، ادەمى بولىپ شىعاتىنمىن، ال وسى ۋنيۆەرگە كەلگەندە باستاپقى كۇندەرى سولاي ءجۇردىم، سودان كەيىن ساباققا 25 مينۋت قالعاندا تۇرىپ، 10 مينۋتتا دايىندالىپ، شىعىپ كەتەتىن بولدىم. سودان كەيىن ساباققا بارامىز. ۋنيۆەردە ساباق 50 مينۋتتان عانا ، ال مەكتەپتە 80 مينۋت بولاتىن. بوس ۋاقىتتا بولمەمە بارىپ، جاتىپ، ۇيىقتاپ، ءال جيناپ الامىن. ساباقتان كەلگەن سوڭ تاماق ءىشىپ، ەنەرگيا جينايمىن، كىشكەنە وتىرىپ ساباق ورىنداۋعا كىرىسەمىن. ساباق وقىعان كەزدە ۋاقىتتىڭ قالاي زىمىراعانىڭ تۇسىنبەي دە قالاسىڭ، سولاي كەش بولىپ كەتەدى. مىنە، كۇندەلىكتى ءومىرىم وسىنداي بولىپ جاتىر، ءبىراق كەيدە مەن بولمەدەگى كورشىلەرىممەن، گرۋپپالاستارىممەن جانە دوستارىممەن ءجۇرىپ، ستۋدەنتتىك ءومىردى كورىپ قايتۋعا تىرىسامىن.
نەگىزى، ستۋدەنتتىك ءومىر - ۇلكەن ءومىردىڭ باستاماسى. ستۋدەنتتىك ومىردەن ءبىز تاجىريبە جينايمىز، ەسەيەمىز، تۇلعا رەتىندە قالىپتاسامىز. قىزىقتىڭ، قيىنشىلىقتىڭ كوبىسىن ستۋدەنتتىك ومىردەن كورەمىز. سول سەبەپتى ستۋدەنتتىك ءومىردى جاي، ەستەلىكسىز وتكىزىپ الماۋ كەرەك!
ءال-فارابي اتىنداعى قازۇۋ
"حيميا جانە حيميالىق تەحنولوگيالار" فاكۋلتەتى
1 كۋرس ستۋدەنتى نەسىپقالييەۆا دانا سامات قىزى
اعا وقىتۋشى كايراكبايەۆا گ. س. جەتەكشىلىگىمەن
You Might Also Like
-
استانا قالاسىنداعى ءورت توتەنشە جاعدايلار مينيسترلىگى مالىمەتىنشە، تۇرعىن ۇيدەگى ءورتتىڭ شىعۋ سەبەبى ەلەكتر سىمدارىنىڭ قىسقا تۇيىقتالۋىنا اكەپ سوقتىرعان ۇزارتقىش جەلىسىندەگى اقاۋلىقتىڭ بولۋى.
-
"جامبىل وبلىسى تۇرار رىسقۇلوۆ اۋدانى اكىمدىگىنىڭ ىشكى ساياسات ءبولىمى" كوممۋنالدىق مەملەكەتتىك مەكەمەسى مەن «جامبىل وبلىسى «قازاقستان ستۋدەنتتەرىنىڭ اليانسى» جاستار ...
