مەنىڭ ستۋدەنتتىك ءومىرىم
ماماندىق تاڭداۋ جولىندا مەن كوپ ۋاقىت ويلاندىم. ءبىر بىلگەنىم، مەنىڭ ماماندىعىم تەك عىلىممەن بايلانىستى بولۋ كەرەك، سەبەبى ءدال تىلگە مەنىڭ قىرىم جوق بولاتىن. اتا-انام ماماندىق پەن ۋنيۆەرسيتەت تاڭداۋدى ءوز ەركىمە بەردى. جارتى جىل بويى مەن تانىستىرىمنان قالاداعى ۋنيۆەرسيتەتتەر تۋرالى، ماماندىقتار تۋرالى سۇراستىرىپ ءجۇردىم. بولاشاق ماماندىعىڭ ءومىرىڭنىڭ ءمانى دە ءسانى بولۋى ءتيىس، ول سەنىڭ ەرتەڭ كۇن كورىس كوزىڭ بولادى، سوندىقتان، ونى تاڭدار الدىندا اقىلعا سالعان ءجون. ۋنيۆەرسيتەت تاڭداعاندا دا ەش قينالعان جوقپىن. ناعىز ءبىلىمدى، ۋاقىت سىناعىنان وتكەن ءال- فارابي اتىنداعى قازاق ۇلتتىق ۋنيۆەرسيتەتىندە عانا الۋعا بولاتىنىنا سەنىمدى بولدىم. ماماندىق تاڭداۋدا كوپ ويلاندىم. ينتەرنەتكە كىرىپ، كوپ زەرتتەدىم. سودان ءبىر كۇنى، حيميا فاكۋلتەتىنىڭ سايتىنان ءوز كوڭىلىمدەگى قالاۋىمدى تاپتىم، ماعان ساراپتاما ءىسى جانە اناليتيكالىق باقىلاۋ قاتتى ۇنايتىن، سول سەبەپتەن وسى ماماندىققا ءتۇسۋدى قاتتى قالادىم. ۇلتتىق ءبىرىڭعاي تەستىلەۋدى تاپسىرىپ، قازاق ۇلتتىق ۋنيۆەرسيتەتىنىڭ ستۋدەنتى اتاندىم. قۋانىشىم قوينىما سىيمادى. ەندىگى ماقساتىم ءوز سالامنىڭ ۇزدىك مامانى بولۋ جانە ستۋدەنتتىك ءومىرىمدى قىزىقتى وتكىزۋ.
مەنىڭ قازۇۋ ستۋدەنتى اتانعانىما ءۇش ايدىڭ كولەمى بولسا دا مەن وزىمە جاقىن ورتانى، ۇيىمدى جانە دە وزىمە ىستىق ادامداردى تاپتىم. ونىڭ ءبىرى مەن قاتارىنا قوسىلعان “ستۋدەنتتىك Compliance” ۇيىمى. بۇل ۇيىم ەندى قۇرىلىپ جاتسا دا، قۇرامىنداعى ءار فاكۋلتەتتەردىڭ بەلسەندى قىز- جىگىتتەرى كەشە عانا وتكەن ەڭ العاشقى جوباسىزدىڭ وتە جوعارى دەڭگەيدە بولۋىنا بەلسەنە اتسالىستى، ونىڭ ءبىرى ارينە مەن. بۇل Compliance ۇيىمى ءبىزدىڭ بولاشاق جاستارىمىزعا جەمقورلىقپەن كۇرەسۋگە جول كورسەتەدى. مەن دە وسى اعا- اپكەلەرىم سەكىلدى دۇرىس جولدى تاڭدادىم دەپ سەنەمىن. ۇيىمداعى جاندارمەن ۋاقىتىمىز وتە قىزىقتى وتەدى، ءارتۇرلى ءىس- شارالارعا قاتىسامىز، جوبا جاساۋداعى دايىندىعىمىزدىڭ ءوزى بىزگە كوپتەگەن ەستەلىكتەر قالدىرادى. مەن الداعى ءتورت جىلىمدى وسى وزىمە جاقىن، ىستىق جانداردىڭ جانىندا وتكىزگىم كەلەدى.
ءال-فارابي اتىنداعى قازۇۋ “حيميا جانە حيميالىق تەحنولوگيالار” فاكۋلتەتى
1 كۋرس ستۋدەنتى كابييەۆا دينارا
اعا وقىتۋشى قايراقبايەۆا گ. س. جەتەكشىلىگىمەن
You Might Also Like
-
1934 جىلى ەلىمىزدىڭ eڭ aلدىڭعى قaتارلى ۋنيۆەرسيتەتى، قاراشاڭىراعىمىز ءال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى قaلaنعaن ەدى. بۇگىنگى كۇنى ۋنيۆەرسيتەتىمىزدە 20 000-عا جۋىق ستۋدەنت ءبىل...
-
مەنىڭ اتىم كوشەن ايدا. مەن 18 جاستامىن، سوزاق اۋدانىنىڭ ستۋدەنتىمىن. مەن الماتى قالاسىنداعى ءال-فارابي اتىنداعى ۋنيۆەرسيتەتتىڭ ۋ ستۋدەنتىمىن. قازۇۋ ۋنيۆەرسيتەتى تۋرالى ايتا كەتەيىن. مەن نانوحي...
