InfoHub Logo

مەنىڭ ماماندىعىم - مەنىڭ بولاشاعىم
ماقساتى: -”ماماندىق “ قۇندىلىعى تۋرالى تۇسىنىكتەردى كەڭەيتۋ. ماماندىق تاڭداۋ، ونىڭ ناتيجەسىندەگى ەڭبەك قۋانىشى تۋرالى ۇعىم بەرۋ.
مىندەتتەرى: - ماماندىق تاڭداۋدىڭ نەگىزگى شارتتارىن تانىتۋ.
- ماماندىق تاڭداۋدا وڭ شەشىم قابىلداۋعا، ەڭبەك قۋانىشىن سەزىنۋگە، ءوزىنىڭ بويىنداعى قاسيەتىن تانۋعا جەتەلەۋ.
- ەڭبەكقورلىققا، ەڭبەكتى قادىرلەي بىلۋگە، تابىستى بولۋعا تاربيەلەۋ.
ءال - فارابي
ءىسىم وڭسىن دەسەڭىز،
سول ءىستىڭ مامانى بولىڭىز.
داڭقىم شىقسىن دەسەڭىز،
كوپشىلىكتىڭ ادامى بولىڭىز.

ويلانايىق، پىكىرلەسەيىك
ماماندىق دەگەنىمىز نە؟
كاسىپ، سۇيىكتى ءىس، شىعارماشىلىق، قىزىعۋشىلىق، ەڭبەك كوزى

ماماندىق دەگەنىمىز نە؟
وقۋشىلاردىڭ پىكىرلەرى سۇرالادى
• - ءبىزدىڭ بولاشاعىمىز – ءبىزدىڭ ماماندىعىمىزدا؛
• - ادامنىڭ بولاشاققا اپاراتىن جولى؛
• - ادامنىڭ الداعى ۋاقىتقا قويعان ماقساتىنىڭ ءبىرى؛
• - ماماندىق بويىنشا ادام جۇمىس ىستەيدى؛
• - وقۋدى بىتىرگەننەن كەيىن تاڭدايتىن ماماندىق؛
• - ول بەلگىلى ءبىر كاسىپكە يە بولۋ بەيىندىگى، ۇناتۋ، تاڭداۋ، ارمانىڭدى ىسكە اسىرۋ؛
• - ماماندىق ءسوزى ول جۇمىسپەن سيپاتتالادى؛
• - كەلەشەككە قويعان جوسپارى، ماماندىعىن ويداعىداي بىتىرسە، يگەرسە سول
• - ادام جانى قالاعان قابىلەتى بار كاسىپكەرلىك جۇمىسپەن اينالىسادى.

اڭگىمەلەسۋ
- ادام ءوز ماماندىعىن تاڭداعان كەزدە، نەنى باسشىلىققا الۋ كەرەك دەپ ويلايسىڭدار؟
- جاقسى مامان بولۋى ءۇشىن ادام نەنى ءبىلۋى جانە نەنى ۇيرەنۋى قاجەت؟
- سەن قانداي مامان بولۋدى ارماندايسىڭ؟ نەلىكتەن؟
- ادام ءوزىن بەلگىلى ءبىر ماماندىققا قاشان، قالاي دايىنداۋى كەرەك دەپ ويلايسىڭدار؟
- ادام بىرنەشە ماماندىقتى مەڭگەرسە، ونىڭ ءومىرى قانداي بولادى دەپ ويلايسىڭدار؟
- قاي ۋاقىتتا ادام ءوز ەڭبەگىنىڭ جەمىسىن كورە الادى؟

جاڭا اقپارات
ماماندىق - قاراپايىم ءومىر ءسۇرۋ كوزى بولىپ تابىلاتىن جانە قانداي دا ءبىر دايىندىقتى، جاۋاپكەرشىلىكتى تالاپ ەتەتىن ەڭبەك قىزمەتىنىڭ ماڭىزدى بولىگى.
الەمدە 40 مىڭعا جۋىق ءار ءتۇرلى ماماندىقتار بار. ستاتيستتەردىڭ زەرتتەۋى بويىنشا جىل سايىن 25 ملن ادام ءوزىنىڭ جۇمىس ورنىن اۋىستىرىپ، ونىڭ 12 %- ءى قايتادان ءوز ورنىنا قايتىپ ورالادى ەكەن. بۇدان ماماندىقتى تاڭداۋدا ءار مامان قاتەلەسىپتى دەۋگە بولا ما؟ الدە ءوزىنىڭ بولاشاقتاعى پروفەسسيونالدى قىزمەتىنە جان - جاقتى دايىندالۋ كەرەك شىعار؟ قوعامعا، ادامدارعا پايداسىن تيگىزەتىن ماماندىقتاردى قالاي تاڭداۋعا بولادى؟ ماماندىق تاڭداۋ ءجاسوسپىرىم شاقتاعى ەڭ ماڭىزدى شەشىمدەردىڭ ءبىرى. ۇلكەن ومىرگە ەندى عانا اياق باسقان جاس ۇلاننىڭ الدىندا مىڭداعان ماماندىقتان وزىنە لايىقتى بىرەۋىن تاڭداۋ مىندەتى تۇرادى. ماماندىقتىڭ جامانى جوق، ءبىراق مۇنىڭ كەز - كەلگەنىنە يكەمدىلىك قاجەت، بۇل جاي كۇنەلتۋ، تاماق اسىراۋدىڭ جولى عانا ەمەس، ۇلكەن ونەردى، زور شەبەرلىكتى قاجەت ەتەتىن نارسە. كەيبىر جاستار ماماندىق تاڭداۋ ەرەجەسىن بىلمەگەندىكتەن ءوزى قىزىقپايتىن ماماندىقتى تاڭدايدى. وسىدان ءوز ماماندىعىنا قاناعاتتانباۋشىلىق، رەنىش سەزىمدەرى بولىپ، ءتىپتى الدارىنا جوسپار دا قۇرعىسى كەلمەيدى. ءاربىر ادام ءوزىن - ءوزى دامىتا الۋ ءۇشىن ءبىلىم الىپ، سول بىلىمىنە ساي ماماندىققا ماشىقتانۋ كەرەك

ماماندىق تاڭداۋ - وتە جاۋاپكەرشىلىكتى جانە ماڭىزدى ءىس. ماماندىق تاڭداۋدا ءار ادام ءوزىنىڭ قىزىعۋشىلىعىنا، قابىلەتىنە، بەيىمدىلىگىنە، قالاۋىنا سۇيەنۋ كەرەك. قازىرگى تاڭدا ماماندىقتىڭ ءتۇرى كوپ. تاڭداۋ جاساۋ وڭاي ەمەس. ەڭ باستىسى - ادام ەڭبەككە قابىلەتتى، زەيىندى بولۋى قاجەت جانە ونىڭ ماماندىعى ءوزى وسكەن ورتاعا ماڭىزدى، باعالى ۇلەس قوساتىنداي بولۋى شارت. ءوز ىسىنە سەنىمدى، دۇرىس تاڭداۋ جاساعان ادام عانا جەتىستىككە جەتەدى. ءوزىنىڭ سۇرانىسىن، قىزىعۋشىلىعىن جويماعان كەڭ تاراعان ماماندىقتارعا دارىگەر، ءمۇعالىم جانە قۇرىلىسشى ماماندىقتارىن اتاپ وتۋگە بولادى. ال، وزەكتى ماماندىقتار قاتارىنا جوعارى تەحنولوگيا، بايلانىس، كوممۋنيكاسيا، الەۋمەتتىك ورتا، ەكونوميكانى باسقارۋ ماماندىقتارى جانە ەڭبەك سۇرانىسىنا قاجەتتى جاڭا ماماندىقتار جاتادى. قوعامنىڭ دامۋىندا ماماندىق يەلەرىنەن جوعارى كاسىبي بىلىكتىلىكتى، كوممۋنيكاتيۆتىك قابىلەتتى، ەڭبەك ەتۋگە دەگەن سۇيىسپەنشىلىكتى، قىزىعۋشىلىقتى، ءوز ماماندىعى بويىنشا بىلىكتىلىگىن ارتتىرۋعا دايار بولاتىن ماماندىق يەسىن تالاپ ەتەدى. سوندىقتان يكەمى، قىزىعۋى، بەيىمى بار ماماندىقتى تاڭداي ءبىلۋ، وزىنە، قوعامعا تيگىزەتىن پايداسىن ويلاۋ، مۇنداي ەڭبەكتەن شابىت تۋاتىنى، ول ءونىمدى ەڭبەككە ۇلاسىپ، تابىس اكەلەتىنىن ءبىلۋ كەرەك.

دايەكسوز
«ەگەر ماماندىقتى تاڭداپ الۋدا ءسىزدىڭ جولىڭىز بولسا جانە وسى جولدا ءومىرىڭىزدى سارپ ەتەتىن بولساڭىز، وندا ءسىز باقىتتى بولعانىڭىز»
ك. د. ۋشينسكيي

“ماماندىق تاڭداۋ - جۇرەك قالاۋى” ءبولىمى
1. بۇل بولىمدە وقۋشىلار ساباققا قوناق رەتىندە شاقىرىلىپ ءوز ءومىر تاجىريبەلەرىمەن بولىسۋگە، ءوز ماماندىقتارىنىڭ قىر - سىرىن ءتۇسىندىرىپ باعىت - باعدار بەرۋگە كەلگەن قوناقتاردىڭ ءوز ماماندىقتارى تۋرالى وي - پىكىرىن تىڭدايدى.