مەنىڭ ماماندىعىم
بالا جۇرەگى - كىشكەنتاي كۇي ساندىق. سول ساندىقتىڭ كىلتىن تاپساڭ عانا اشىلادى. ءمۇعالىمنىڭ قولىندا ءار كەزدە سول كىلت تۇرۋ كەرەك.
م. شاحانوۆ
مەنىڭ ماماندىعىم - ءمۇعالىم. ءمۇعالىم - ۇلكەن جاۋاپكەرشىلىكتى قاجەت ەتەتىن اسا ماڭىزدى ماماندىقتىڭ ءبىرى. مەن بۇل ماماندىقتا وقىپ جاتقانىما انە مىنە دەگەنشە ءتورت جىل بولىپتى. مەكتەپتى اياقتاعان ساتتەن-اق ءمۇعالىم بولامىن دەگەن شەشىم قابىلدادىم. بۇل شەشىمگە كەلمەس بۇرىن عىلىم يەسى عالىم دا، ەل قورعاعان باتىر دا، تىلىنەن بال تامعان اقىندار دا، تەگەۋرىنە تەمىر بالقىتقان جۇمىسشى دا، ەگىن ەككەن ديحان دا، مال باعىپ تەرىن توككەن شوپان دا ءبارى-بارى ۇستازدان ءبىلىم العان دەگەن وي ساپ ەتە ءتۇستى. سودان كەيىن نىق بەكىنىپ،قاتتى قىزىعىپ كەلدىم. وقۋ بارىسىندا تاجىريبەدەن ءوتۋ ءۇشىن مەكتەپكە بارعان ەدىم. مەكتەپكە كىرگەن بويدان كىشكەنتاي بالاقايلاردىڭ الدىندا ءوزىمدى وتە باقىتتى جان سەزىنىپ، قاتتى قۋانامىن بالالار - ءبىزدىڭ بولاشاعىمىز، مەن ولاردىڭ شىنىمەن دە جاقسى جانە ءبىلىمدى ادامدار بولعانىن قالايمىن. ماعان كىشكەنتاي بالالارمەن ۋاقىت وتكىزگەن جانە ولارمەن ويىمدى ءبولىسىپ پىكىر الماسقان ۇنايدى. مەن ولارعا جاقسى، اقىلدى بولۋعا، ادال، مەيىرىمدى جانە اسىل بولۋعا كومەكتەسۋگە تىرىسامىن.
ارينە، ءمۇعالىم ماماندىعى وڭاي ەمەس. مەكتەپ — بالالاردىڭ ەكىنشى ءۇيى بولسا، ال ۇستازدار ەكىنشى اناسى دەسەك قاتەلەسپەيتىنىمىز انىق. بۇل ۇلكەن ءبىلىمدى، سەزىمنىڭ وتە نازىكتىگىن جانە كەيدە ۇلكەن شىدامدىلىقتى تالاپ ەتەدى. ءبىراق مەن بىلىكتى ءمۇعالىم بولاتىنىما جانە وقۋشىلارىمنىڭ وتە ءبىلىمدى بولاتىنىنا سەنەمىن.
ماڭعىستاۋ وبلىسى اقتاۋ قالاسى
ج ش س «كاسپيي ءوڭىرى «بولاشاق» كوللەدجىنىڭ» 4- كۋرس ستۋدەنتى تەنيزبايەۆا جادىرا
You Might Also Like
-
تاۋەلسىزدىك كەزەڭنىڭ العاشقى جىلدارىنداعى بەلگىلى سەبەپتەردەن تۋىنداعان قيىنشىلىقتارعا قاراماستان ارحەولوگ – عالىمدارىمىز وزدەرىنىڭ سۇيىكتى ءىسى – عىلىمي ەكسپەديسيالار ۇيىمدا...
