InfoHub Logo

اقتوبە وبلىسى ايتەكە بي اۋدانى
تەرەڭساي جالپى ورتا ءبىلىم بەرەتىن مەكتەبىنىڭ
8 سىنىپ وقۋشىسى تۇرعان فاتيما

سەن مەنى بىلەسىڭ بە، بىلەسىڭ بە،

بۇگىندە كىم وسۋدە، كىم وشۋدە.

مۇقاعالي اقىننىڭ جىر مارجاندارىنىڭ ىشىندە وسىنداي جولدار بار. اقىن تاستاعان ساۋالعا بىلمەيمىن دەسەم، ونىڭ رۋحى كەشىرمەس پە ەدى. ارينە، بىلەمىن.

وسىدان سەگىز جىل بۇرىن مەكتەپ تابالدىرىعىن اتتاعان ساتىمنەن باستاپ-اق مارجان اپايىمنىڭ:

                               مەكتەبىڭ  مىناۋ كلاسىڭ،

                               وسىندا ون جىل تۇراسىڭ.

                                تارىداي بولىپ كىرەسىڭ،

                                تاۋداي بولىپ شىعاسىڭ -

دەپ، اقىن جىرىمەن ءبىرىنشى سىنىپقا قابىلداعانى سانامدا جاڭعىرىپ تۇر. سول ساتتەن باستاپ - اق مۇقاعالي ولەڭدەرىن جاتتاپ، بويىما ءسىڭىرىپ كەلەمىن. ۋاقىت  العا جىلجىعان سايىن ولەڭگە دەگەن قۇشتارلىعىم ارتا تۇسكەندەي. ءيا، كەشە عانا تۇلىمشاعىمدا اق بانتيگىم جەلبىرەپ، تارىداي بولىپ كىرىپ،  تاۋداي بولىپ شىعاتىنىمدى ويلاسام، تۇلا بويىمدى بەينە ءبىر جۇمباق الەم بيلەگەندەي بولادى. ەرتەڭ ءومىردىڭ ءبىر كىشى بولىپ قالاناتىنىم  حاق. اقىن جىرلارىنىڭ قايسىسىن وقىساڭ دا ، تەرەڭ يىرىمىنە تارتىپ، ولەڭ قۇشاعىنا قالاي كىرىپ كەتكەنىڭدى سەزبەي دە قالاسىڭ. وقىعان سايىن ءبىر جاڭالىق اشقانداي مارقايىپ، شاتتاناسىڭ.                                                                                       

مۇقاعالي ولەڭدەرى ەڭ الدىمەن، ءوزىن مىنا ءبىزدى عاجايىپ ءبىر سيقىرلى سەزىمگە بولەيدى.  اقىن ءومىرىن پوەزياسىز ەلەستەتۋ مۇمكىن ەمەس. ول ءوز ءومىرىن ولەڭ الەمىنەن تاپتى. ونسىز وعان باقىت تا، قۋانىش تا، ءتىپتى، قايعى-مۇڭ دا جوق. ونىڭ ىشكى جان-سىرىن پوەزيا ارقىلى تانيسىڭ.

اقىن شىعارمالارىنان ادامگەرشىلىك، سۇيىسپەنشىلىك، تابيعات، تۋعان جەر، وتان، ءتىل، وتباسى، ءومىر جايلى وقىپ وزىڭە ءنار الاسىڭ. «ءۇش باقىتىم» ولەڭىندە انا ءتىلىن تۋعان حالقىنان، وتانىنان استە ءبولىپ جارماي بىرەگەي قاراۋىنان قۋات الىپ، پاتريوتتىق سەزىمگە بولەنەسىڭ.                                                                                                                

ول جالىنداپ وتكەن 45 جاس عۇمىرىندا ءومىر سۇرگەن قوعامعا مۇڭايىپ، كوڭىلى تۇسكەنمەن دە كەلەشەكتەن  ءۇمىتىن ۇزبەدى. ءومىردىڭ قيىن ساتتەرى باسىنا قارا بۇلت توندىرسە دە، ارتىنان جارقىراپ كۇن شىعاتىنىنا يلاندى.

ۇزبەيمىن كۇدەرىمدى جارىقتان مەن،

ۇزبەيمىن كۇدەرىمدى حالىقتان مەن -

دەپ،  ءۇمىتىن ۇزبەدى. ول ءوزى ومىردەن وتسە دە كەيىنگى ۇرپاقتارى جىرلارىن ءسۇيىپ وقىپ، ومىردەن ءوز باعاسىن الاتىنىنا كامىل سەندى. اقىن ءوزىن:                                                                                   

                                     «ولسە ولەر مۇقاعالي ماقاتايەۆ،                                                                                                      

                                     ولتىرە الماس الايدا ولەڭدى ەشكىم»،-    

 دەپ، ولەڭ الەمىندە ەشقاشان ولمەيتىنىن، ولەڭمەن ءومىر كەشەتىنىن ، جاس ۇرپاق ولەڭدەرىن جاتتاپ ، اندەرىن كوك اسپاندا  اسقاقتاتا شىرقايتىنىن اقىندىق تۇيسىگىمەن سەزە بىلگەنىن بايقايمىز.

قورىتا كەلە، بۇگىندە اقىن ءوز ارمان-ماقساتىنا جەتتى دەپ قابىلدايمىز. مۇقاعالي ولەڭدەرى ولمەيتىن، وشپەيتىن ماڭگىلىك مۇراعا اينالدى. ءيا، اقىن اعا:

                                       سەنىم ارتىپ كەلەشەك ۇرپاعىڭا،                                                                                    

                                       جىر مارجانىن ساناعا قۇياسىڭ دا،                                                                                                   

                                      حالقىڭىز سىزبەن بىرگە ماڭگى بولىپ،                                                                                                      

                                      ءۇمىتىڭدى اقتايدى ۇرپاعىڭ دا،-

دەپ، ءوز ويىمدى جۇرەگىمنەن جارىپ شىققان جىر جولدارىممەن اياقتايمىن.

---