InfoHub Logo

مەندەگى كىشكەنتاي عانا جۇرەگىم ءارقاشان وتانىم دەپ سوعادى. مەنىڭ ەلىم، تۋعان جەرىم-قازاقستان. وسىناۋ قۇدىرەتتى ءسوزدى ءاربىر قازاق بالاسى اسقاق سەزىممەن، اۋىز تولتىرا سان رەت ماقتانىشپەن ايتا الاتىنى ءسوزسىز راس. وتان ءۇشىن وتقا دا تۇسكەن، سۋعا دا باتقان باۋىرجان مومىش ۇلى:„وتان ءۇشىن وتقا ءتۇس كۇيمەيسىڭ“ دەپ اسىل ءسوز قالدىرعان. مەنىڭشە، وسىنداي ەلىن سۇيگەن جانە ودان جىگەر العان، جۇرتتىڭ قورعانى بولعان قازاق ازاماتتارىنىڭ الار اسۋى مەن جەتەر بەلەستەرى ءالى الدا دەگەن ويدامىن.

مىنە، ءوزىمىز كۋا بولعانداي قازاقستاننىڭ تاۋەلسىزدىك العانىنا وتىز جىل تولدى. ءوز الدىنا ەگەمەندى ەل بولىپ، تاۋەلسىز مەملەكەتكە اينالدى. تاۋەلسىزدىك بىزگە وڭاي جولمەن كەلگەن جوق. سول ءبىر باستارىنان وتكىزگەن سۋىق كۇندەرمەن تۇندەر باستان وتكەرگەن ءاربىر ادامنىڭ ساناسىندا وشپەستەي ءىز قالدىرعانى بارىمىزگە انىق. اتا-بابالارىمىزدىڭ عاسىرلار بويعى اسىل ارمانى مەن مۇراتىن، ازاتتىق جولىندا قۇربان بولعان تالاي بوزداقتىڭ جاس ۇرپاققا قالدىرعان اماناتىن ەلەگىمىزدەن وتكىزىپ، جۇرەگىمىزبەن ۇعا ءبىلۋىمىز كەرەك. سوندىقتان دا، وسى وقيعاعا دەيىن جانە وسىدان كەيىنگى كۇرەسۋلەردى ەستەن شىعارماۋىمىز كەرەك.

مەنىڭ ويىمشا، قازاقستان وسىنشاما از ۋاقىتتىڭ ىشىندە الەم جۇرتشىلىعىنا ءوز ونە بويىنداعى ءمىنسىز قاسيەتىمەن باۋراپ الدى، دەپ ايتسام قاتە ايتپاعانىم دەپ بىلەمىن. سەبەبى، از ۋاقىتتىڭ ىشىندە ەلىمىز بىزدەن ەداۋىر ۋاقىت بۇرىن تاۋەلسىزدىكتەرىن العان مەملەكەتتەردى قۋىپ جەتىپ، ءبىلىم، سپورت، عىلىم، مادەنيەت، ونەر جاعىنان الەمنىڭ الپاۋىت ەلدەرىمەن تەرەزەسى تەڭەلە تۇسۋدە. مەندە ويلانا كەلە، قازاقستان الەمدىك دارەجەدە سپورتتىق جارىستاردى ۇيىمداستىرىپ، مىقتى دەگەن ەلدەردىڭ ۇيىمىنا ءتوراعا بولىپ، دۇنيە جۇزىنە اتى ايگىلى، ءوزىنىڭ قانداي ەل ەكەنىن ۋاقىت وتكەن سايۆن دالەلدەي تۇسەتىنىنە ايقىن كوزىمدى جەتكىزىپ وتىرمىن. وزگە ەلدە جالاۋىمىز كوك اسپاندا جەلبىرەپ، رۋحىمىزدى اسقاقتاتار ايبىندى ءانۇرانىمىز شىرقالعاندا ءبىزدىڭ جۇرەگىمىزدە ەلىمىزگە دەگەن ماقتانىش سەزىمى ورنايتىنى راس قوي. . .

وسىنداي ۇزدىك ناتيجەلەرگە ءاردايىم جەتۋ ءۇشىن ەلىمىزگە ناقتى ماقساتتار مەن ايقىن جوسپارلار قاجەت. وسى جوسپارلار ارقىلى بولاشاققا نىق قادام باسا الامىز.

مەنىڭ ويىمشا، ءاربىر ادام ءوز ەلىندە تۇرىپ، تۋعان داستۇرلەرىن، مادەنيەتىن، ال باستىسى – انا ءتىلىن ءبىلۋى مىندەتتى. اتا-بابالارىمىز عاسىرلار بويى قۇراستىرعان، قاسيەتتى تۋعان ءتىلىن بىلمەۋ، قۇرمەتتەمەۋ – وتە ارزىز، نامىسسىز، تومەن، ءارى ۇيات. تۋعان ءتىلىن ۇيرەنە الماعان ادام، باسقا ءتىلدى دە ەشقاشان مەڭگەرە المايدى دەپ ويلايمىن. «بارلىق يگىلىكتەردەن ەڭ ۇلى – تاۋەلسىزدىك»، - دەپ گودۆين ايتقانداي، ءبىز تاۋەلسىزدىگىمىزدى ساقتاپ، قۇرمەتتەپ، ونىمەن ماقتانۋىمىز كەرەك. ويتكەنى كوپتەگەن حالىقتار ءوز ەلىن، جەرىن، ءتىلىن، ءدىنىن، قايتارۋعا ارماندايدى. ءبىز دە اتا-بابالارىمىزدىڭ ەڭبەگىن باعالاپ، ۇلى باتىرلارىمىزدى ۇمىتپاۋىمىز كەرەك!

كاسيمبەك جانەل

---