InfoHub Logo

مەنىڭ اسقار تاۋداي ارماندارىم وتە كوپ. وسى ارماندارىمنىڭ ءبىرى دە بىرەگەيى، مەنى ەلورداعا، ليەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتىنە جەتەلەدى. وسىدان ءبىر جىل عانا ارمانىما اينالعان ءبىلىم ورداسى، قازىرگى تاڭدا شىندىققا اينالىپ، ومىردەگى ۇمىتىلماس كەزدەر ۋنيۆەرسيتەت قابىرعاسىنداعى كەرەمەت كۇندەردى وتكىزۋدەمىن. ءبىلىم ورداسى ماعان ەسىگىن ايقارا اشقان كۇننەن باستاپ، مەنى جاڭا دوستار، جاڭا ادامدار، جاڭا ءبىلىم كۇتىپ تۇرعانىن وعان قوسا موينىمداعى ۇلكەن جاۋاپكەرشىلىكتى سەزىندىم. سەبەبى QS World Universitiesء-تىڭ 2010 جىلعى رەيتينگ كورسەتكىشى بويىنشا الەمدىك ەڭ ۇزدىك 500 ۋنيۆەرسيتەت تىزىمىنە ەنگەن قازاقستاندىق تۇڭعىش ءبىلىم ورداسىنىڭ ستۋدەنتى بولۋ، اركىمگە بەرىلە بەرمەيتىن مۇمكىندىك.

ەۋرازيا ۇلتتىق ۋنيۆەرسيتەتى، وسىدان 24 جىل بۇرىن ەلباسىنىڭ پارمەنىمەن ەكى جوو سەلينوگراد ينجەنەرلىك قۇرىلىس جانە سەلينوگراد پەداگوگيكالىق ينستيتۋتىنىڭ بىرىگۋى نەگىزىندە قۇرىلعان بولاتىن. سول جىلدارى ۋنيۆەرسيتەتتە 5000 جۋىق ستۋدەنت ءبىلىم الىپ، 300 جۋىق وقىتۋشىلار قىزمەت ىستەسە، بۇگىندە وقۋ ورنى قالا ىشىندەگى قالاعا اينالعان. ءقازىر مىقتى ينفراقۇرىلىمىمەن، وقۋ لابوراتوريالىق عيماراتتارمەن، عىلىمي زەرتتەۋ ينستيتۋتتارىمەن جانە الەۋمەتتىك ءارى مادەني باعىتتاعى نىساندارمەن تولىققان وقۋ ورنى. ۋنيۆەرسيتەتىمىزدىن باستى ميسسياسى، وتاندىق عىلىمنىڭ الەمدىك ىقپالداستىقتا التىن كوپىر بولۋ جانە ساپالى ەليتالى ماماندار دايارلاۋ. بۇگىندە ەۇۋ ەۋرازياشىلدىق يدەياسىن ناقتى جۇزەگە اسىرىپ وتىرعان، مەملەكەتتىك باسقارۋ، عىلىم مەن ءبىلىم، مادەنيەت پەن ونەر سالاسىنداعى مەملەكەتتىك جانە ازاماتتىق قىزمەتكە تاڭداۋلى مامان ازىرلەپ جاتقان بىرەگەي وردا. مەنىڭ سۇيىكتى ءبىلىم وردام بولۋىنا بىردەن ءبىر سەبەپ، وقۋ ورنىنا تيەسىلى مەملەكەتتىك ءبىلىم بەرۋ گرانت سانىنىڭ كوبى تەحنيكالىق ماماندىقتارعا تيەسىلى، جالپى گرانت سانىنىڭ 68% جۋىعىن قۇرايدى. رەسپۋبليكالىق كولەم بويىنشا بۇل كورسەتكىش مەملەكەتتىڭ تەحنيكالىق ماماندىقتارعا بولگەن گرانت سانىنىڭ 14% قۇرايدى. ياعني بۇل ۋنيۆەرسيتەتتە ءبىلىم الامىن دەگەن ستۋدەنتكە ۇلكەن مۇمكىندىك. جالپى قۇرامىنا 36 اسا عىلىمي زەرتتەۋ ينستيتۋتتارىمەن زەرتحانالار قارايتىن ۋنيۆەرسيتەتتە، شەتەلدىڭ مەملەكەت باسشىلارى، نوبەل سىيلىعىنىڭ لاۋرەاتتارى، اتاقتى عالىمدارمەن قايراتكەرلەردىڭ ءجيى كەلىپ ستۋدەنتتەر مەن وقىتۋشىلار الدىندا ءدارىس وقۋى داستۇرگە اينالعان. مۇنداي كەزدەسۋلەر ستۋدەنتتەردىڭ مادەني جانە ينتەلەكتۋالدىق ساياسي دەڭگەيىن كوتەرۋگە ىقپال ەتىپ، ۋنيۆەرسيتەتتىن حالىقارالىق دەڭگەيدەگى بەدەلىن كوتەرەدى. سونىمەن قاتار ەۇۋ قازاقستان عىلىمىنا وزىندىك ۇلەسىن قوسىپ، جىل سايىن الەمدىك ماڭىزدى ماسەلەلەردى كوتەرەتىن رەسپۋبليكالىق، حالىقارالىق، عىلىمي-تەوريالىق سەمينارلار مەن فورۋمدار وتكىزىپ وتىرادى.

قورىتا ءتۇيىندىم: وقۋ ورنىمنىڭ وسى جەتىستىكتەرى، بۇكىل ۇجىم مەن ستۋدەنتتىك ورتانىڭ ەڭسەلى ەڭبەگى ناتيجەسى. مەندە الدىنعى ۋاقىتتا وسى جەتىستىكتەردىن قاتارىن تولتىرامىن دەپ سەنەمىن.

ءومىرزاق ماقسات ەۇۋ، 1 كۋرس

---