مەنىڭ تاڭداۋىم - قازۇۋ
ءال-فارابي اتىنداعى قازاق ۇلتتىق ۋنيۆەرسيتەتى – قازاقستان رەسپۋبليكاسىنىڭ جەتەكشى جوعارى وقۋ ورنى. 1934 جىلى نەگىزى قالانعان قازۇۋ قازىرگى تاڭدا جوعارى كاسىبي، تەك رەسپۋبليكالىق عانا ەمەس، حالىقارالىق ءبىلىم بەرۋ ورتالىعىنا اينالىپ وتىر. الەمنىڭ ۇزدىك 150 ۋنيۆەرسيتەتىنىڭ قاتارىندا تۇرعان، اتاقتى شىعىس عۇلاماسى ءال-فارابيدىڭ اتىمەن اتالعان قاسيەتتى قارا شاڭىراعىمىز – ەلىمىزدىڭ ماقتانىشى. ءدال وسى وقۋ ورنىندا ءبىلىم الىپ، جاستىق شاعىمدى قازۇۋعا ارناعانىما ەش وكىنبەيمىن. وسىدان ءبىر جىل بۇرىن مەنىڭ ومىرىمدە ۇلكەن تاڭداۋلار تۇردى. التىن ۇيا مەكتەبىمنەن قانات قاعىپ ۇشقان سوڭ، جوعارى وقۋ ورنىن تاڭداۋ مۇمكىندىگى تۋدى. مەنىڭ تاڭداۋىم – قازۇۋ. بۇل شەشىمدى قابىلداۋىمنىڭ سەبەبى كوپ. ەڭ الدىمەن مەن وقىپ جاتقان “مەحانيكا-ماتەماتيكا” فاكۋلتەتىنىڭ ءبىلىم بەرۋ سالاسى قازاقستانداعى بارلىق ۋنيۆەرلەردەن جوعارى دەڭگەيدە دەپ ەسەپتەيمىن. مۇمكىن سوندىقتان دا شىعار قازۇۋدىڭ ايگىلى تۇلەكتەرى جەتكىلىكتى. 16 فاكۋلتەتتە 180 سالا بويىنشا ماماندار دايىنداپ، تەك قانا ءبىلىم ەمەس ستۋدەنتتىك ومىرگە دە ۇلانعايىر ەستەلىكتەر سىيلاپ جاتقان قازۇۋ – مەنىڭ وڭ تاڭداۋىم دەپ ەسەپتەيمىن. ستۋدەنتتىك ءومىردى قىزىقتى وتكىزۋگە ۇلەس قوساتىن ءتۇرلى جاستار ۇيىمدارى، مەرەكەلىك ءىس-شارالار تولاسسىز جىلى ەستەلىكتەر قالدىرۋدا.. “كازگۋگراد” اتالاتىن قازۇۋ قالاشىعىندا ستۋدەنتتەر ءۇشىن بارلىق جاعداي جاسالعان. ءال-فارابي كىتاپحاناسى - ورتا ازياداعى جوعارى وقۋ ورىندارى اراسىنداعى ەڭ ۇلكەن كىتاپ قورىنا يە. 1600 ادامعا لايىقتالعان “ءو.جولداسبەكوۆ اتىنداعى ستۋدەنتتەر سارايى” – الماتىنىڭ ەكىنشى ەڭ ۇلكەن سارايى. مەدينيسالىق كومەك كورسەتۋ، كينوتەاتر، قارجى سالاسىنداعى قىزمەت كورسەتۋ جانە “Magnum daily” ازىق-تۇلىك ساۋدا دۇكەنى سەكىلدى دۇنيەلەردى قامتيتىن – “كەرەمەت” ستۋدەنتتەرگە قىزمەت كورسەتۋ ورتالىعى دا ستۋدەنتتەر الىسقا اربالاماۋعا ۇلكەن مۇمكىندىك جاسايدى. جاتاقحانانىڭ دا قالاشىقتا ورنالاسۋى ءبىر جاعىنان ءبىلىم سالاسىنىڭ جاقسارۋىنا، ەكىنشى جاعىنان ۋاقىتتى ءتيىمدى ءارى قىزىقتى وتكىزۋىنە سەپتىگىن تيگىزۋدە. بۇل ۋنيۆەرسيتەت قابىرعاسىندا ءجۇرىپ جان-جاقتى داميتىنىما، كوشباسشىلىق قاسيەتىمدى ودان ءارى شىڭدايتىنىما، جوعارى ءبىلىم الاتىنىما كۇمانىم جوق.
تۋلەباي ايگەرىم
قازۇۋ مەحانيكا-ماتەماتيكا فاكۋلتەتىنىڭ 1 كۋرس ستۋدەنتى
ۋرازگالييەۆا س. ا جەتەكشىلىگىمەن
You Might Also Like
-
1934 جىلى الماتى قالاسىندا قازىرگى ءال- فارابي اتىنداعى قازاق ۇلتتىق ۋنيۆەرسيتەتى قۇرىلدى. الەمنىڭ ۇزدىك 150 جوعارعى وقۋ ورىندارىنا كىرەتىن جالعىز قازاق ۇلتتىق ۋنيۆەرسيتەتى 16 فاكۋلتەت، سونىڭ ءىشىند...
-
تيان-شان تاۋلارىنىڭ سولتۇستىگىنەن باستالىپ، ىلە الاتاۋىنىڭ قويناۋىنان ورىن تەپكەن، قازاقستاننىڭ ەڭ ءىرى مەگاپوليسى سانالاتىن، ءار ادامنىڭ العاشقى ماحابباتى-الماتىنىڭ تورىندە ورنالاسقان ءال-فارابي اتى...
