InfoHub Logo

1934 جىلى الماتى قالاسىندا قازىرگى ءال- فارابي اتىنداعى قازاق ۇلتتىق ۋنيۆەرسيتەتى قۇرىلدى. الەمنىڭ ۇزدىك 150 جوعارعى وقۋ ورىندارىنا كىرەتىن جالعىز قازاق ۇلتتىق ۋنيۆەرسيتەتى 16 فاكۋلتەت، سونىڭ ىشىندە 180 سالا بويىنشا ماماندار دايىندايدى. 10  سىنىپتان بەرى قازۇۋ جوعارعى وقۋ ورنىنا تۇسسەم ەكەن دەگەن ارمانىم وسى جىلى ورىندالدى.

العاش قازۇۋدى كورگەن ساتتە ايتارعا ءسوز تاپپاي قالدىم. قازۇۋگرادتىڭ كوركى اتىنا ساي دەگەنىم - ارتىق ايتپاعانىم. قازۇۋ-دىڭ تەرريتورياسى وتە ۇلكەن جانە ءار بۇرىشى جاپ-جاسىل اعاش پەن كوزدىڭ جاۋىن الار گۇلدەرگە تولى. قازۇۋگراد ايماعىنىڭ اۋدانى 84 گا جەردى الىپ  جاتىر. جاتاقحاناسى، كىتاپحاناسى، رەكتورات عيماراتى مەن فاكۋلتەت كامپۋستەرى ۇلكەن قالاشىقتا ورنالاسقان. مەن سىزدەرگە تاڭداۋدا ۇلى ويشىل  ءال-فارابي اتىنداعى قازاق ۇلتتىق ۋنيۆەرسيتەتىن تاڭداۋعا كەڭەس بەرەمىن.

بىرىنشىدەن، ارينە، باسقا ۋنيۆەرسيتەتتەرگە قاراعاندا قازۇۋ-دا ەڭ بىلىكتى دەگەن  4 مىڭنان استام پروفەسسور، دوكتور، عىلىم كانديداتتارى، 100-گە جۋىق ۇلكەن اكادەميالاردىڭ اكادەميكتەرى،  قازاقستان رەسپۋبليكاسىنىڭ 40-تان استام ەڭبەك سىڭىرگەن قايراتكەرلەرى، ق ر مەملەكەتتىك جانە اتاۋلى سىيلىقتارىنىڭ 40-قا جۋىق لاۋرەاتتارى جانە جاس عالىمدار سىيلىقتارىنىڭ 40 لاۋرەاتتارى، مەملەكەتتىك عىلىمي ستيپەنديالاردىڭ 47 ستيپەندياتتارى جۇمىس جاسايدى. قازۇۋ قۇرامىنا كوللەدج، بىلىكتىلىكتى ارتتىرۋ ينستيتۋتى، 67 ماماندىق بويىنشا دوكتورلىق ديسسەرتاسيالاردى قورعاۋ بويىنشا 25 مامانداندىرىلعان ديسسەرتاسيالىق كەڭەس كىرەدى، ۋنيۆەرسيتەتتە 40 مىڭنان استام ستۋدەنتتەر، ماگيسترانتتار مەن دوكتورلار وقىتىلادى. عىلىمي ينفراقۇرىلىمعا 11 ورتالىق كىرەدى. ۋنيۆەرسيتەتتە جوعارى كاسىپتىك ءبىلىم بەرۋدىڭ كوپ دەڭگەيلى جۇيەسى بويىنشا 25 مىڭنان استام ستۋدەنتتەر مەن ماگيسترانتتار وقيدى. بىرلەسكەن حالىقارالىق وقۋ باعدارلامالارىن ىسكە اسىرۋ، ستۋدەنتتەرمەن الماسۋ جانە تاعىلىمدامالار وتكىزۋ بويىنشا الەمنىڭ 418 ءىرى حالىقارالىق جوعارى وقۋ ورىندارىمەن قارىم-قاتىناس قۇرىلۋدا.

ەكىنشىدەن، قازۇۋ ايماعىندا ۇلكەن كىتاپحانا، ستۋدەنتتەر سارايى، بوتانيكالىق ساياباق پەن سپورتتىق كەشەن، ستاديون، اۋرۋحانا، ءدارىحانا، “كەرەمەت” ستۋدەنتتەر ورتالىعى،، دۇكەندەر مەن اسحانالار بار. جاتاقحانا قازۇۋگرادتا ورنالاسقاندىقتان ساباققا بارىپ-كەلۋ وتە ىڭعايلى. ستۋدەنتتەرگە بەرىلەتىن جاتاقحانا وتە ۇلكەن. جانە دە بولمەلەرى جايلى ءارى جىلى. قازۇۋ ستۋدەنتتەرى ءۇشىن ارنايى تەگىن ۆاي-فاي جەلىسى بەرىلەدى. قازۇۋ-دا وقۋدان بولەك 9 ۇيىم بەلسەندى. ءار ۇيىم ءوزىن بەتىنشە ەرەكشە. ءبىرى عىلىمي باعىتتاعى جۇمىستاردى اتقارسا، ەكىنشىسى ءسىزدىڭ شىعارماشىلىعىڭىزدىڭ ورلەۋىنە جول سالادى. سونىمەن قاتار، قازۇۋ قايىرىمدىلىق فوندتارى مەن ەرىكتىلەر ليگاسى جىل سايىن كوپتەگەن قوعامدىق ءىس-شارالاردا كوشباسشىلىقتا جۇرەدى. ودان بولەك، قازۇۋ-دا جايدارمار، بي، ءان، ينسترۋمەنتال جانە تاعى دا باسقا ونەر ورتالىقتارى ءسىزدىڭ تالانتىڭىزدىڭ ودان ءارى اشىلۋىنا سەپتىگىن تيگىزە الادى.

قورىتىندىلاي كەلە ايتقىم كەلەتىنى، قازۇۋ مەنىڭ ومىرىمدەگى ەڭ ۇزدىك تاڭداۋلاردىڭ ءبىرى بولدى. مەن الەمنىڭ ۇزدىك ۋنيۆەرستتەرى ىشىندە شەتەلدىڭ كەمبريدج، گارۆارد، MIT سەكىلدى جوعارعى وقۋ ورىندارىمەن بىرگە تۇرعان قازۇۋ-دىڭ ستۋدەنتى ەكەنىمە ماقتانامىن. ز.قابدولوۆ، ءا.كەكىلبايەۆ، م.ماعاۋين، ق.مىرزا ءالى، د.يسابەكوۆ، ج.ەرمان، و.سۇلەيمەنوۆ، ت.مولداعالييەۆ، ءو. ايتبايەۆ سەكىلدى تۇلەكتەرى بار ءبىلىم وشاعىندا وقىپ، ءبىلىم الۋ وتە ۇلكەن مارتەبە.  88 جىلدىق تاريحى بار التىن وردا تالانتتى  دا تالابى زور جاستاردى كۇتەدى!

اۆتورى: وڭداسىنوۆا كارينا، جەتەكشىسى: ۋرازگالييەۆا س.ا.

---