قازۇۋ-مۇمكىندىكتەر مەكەنى!
مەن ەسەتوۆا ارۋجان شىمكەنت قالاسىنانمىن. 2021 جىل مەكتەپ ءبىتىرىپ، جاس تۇلەك اتاندىم. ۇلتتىق ءبىرىڭعاي تەستىلەۋدەن 115 بالل جيناپ، ءال-فارابي اتىنداعى قازاق ۇلتتىق ۋنيۆەرسيتەتىنىڭ، مەحانيكا-ماتەماتيكا فاكۋلتەتىنىڭ 1 كۋرس ستۋدەنتى اتاندىم.
جالپى، قازۇۋ تۋرالى ايتاتىن بولساق، قالا ىشىندەگى «كازگۋگراد» قالاشىعى دەپ اتالىپ كەتكەن قۇتتى مەكەندە ستۋدەنتتەردىڭ ءبىلىم الۋىنا بارلىق مۇمكىندىك جاسالعان. ءو.جولداسبەكوۆ اتىنداعى 1600 ورىندىق ستۋدەنتتەر سارايى، تمد ەلدەرىندەگى جالعىز ۇلكەن اۋقىمدى «ءال-فارابي» كىتاپحاناسى، سپورتكەشەنى مەن ستاديون، جاڭا عيماراتتار، اسكەري كافەدرا، تەحنوپارك، 5000 ستۋدەنتكە ارنالعان ستۋدەنتتەر ءۇيى، مەديسينالىق ورتالىق جانە ستۋدەنتتەرگە قىزمەت ەتۋ ورتالىعى ستۋدەنتتەر يگىلىگى ءۇشىن قىزمەت جاساپ وتىر. ۋنيۆەرسيتەتىمىزدە ءداستۇرلى تۇردە «جالىن» ءبىرىنشى كۋرس تالانتتارىن انىقتاۋ، «ستۋدەنتتىك كوكتەم»، كۆن، «انا ءتىلى ارۋى-جىگىت سۇلتانى» سياقتى بايقاۋلار جوعارى دەڭگەيدە وتكىزىلىپ تۇرادى.
رەكتور تۇيمەبايەۆ جانسەيىت قانسەيىت ۇلى ستۋدەنتتەردىڭ جاڭا زامانعا بەيىمدەلگەن لايىقتى جاعدايدا ءبىلىم الىپ، قولايلى دا جارقىن ءومىر سۇرۋلەرى ءۇشىن بارلىق جاعدايدىڭ جاسالۋىنا سەبەپشى بولىپ ءجۇر.
ستۋدەنتتەردىڭ كوشباسشىلىق قابىلەتتەرىن، ۇيىمداستىرۋشىلىق قاسيەتتەرىن دامىتۋ ماقساتىندا جاستار ۇيىمدارى كوميتەتى جۇمىس ىستەيدى. ونىڭ قۇرامىنا «سۇڭقار» ستۋدەنتتەر كاسىپوداعى، ستۋدەنتتەر سەناتى، «كومەك» ەرىكتىلەر قوزعالىسى، ستۋدەنتتەر كەڭەسى، بولون ۇدەرىسى بويىنشا ستۋدەنتتىك بيۋرو، ستۋدەنتتەردىڭ عىلىمي قوعامى كىرەدى. قازىرگى ۋاقىتتا ۋنيۆەرسيتەتتەگى بارلىق مەرەكەلىك ءىس-شارالار تىكەلەي اتالعان جاستاردىڭ قاتىسۋىمەن وتەدى.
قازۇۋ – تالانتتى، دارىندى ستۋدەنتتەردىڭ باسىن بىرىكتىرىپ وتىرعان مەكەن. سىيلاستىق پەن شىنايى دوستىقتىڭ مەكەنى، قازۇۋ – عاشىقتاردىڭ مەكەنى. قازۇۋ – ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەتىن مەكەن. سول سەبەپتى دە، مەن ءوزىمنىڭ قازۇۋ-دا جۇرگەندىگىمدى ومىرىمدەگى ەڭ ۇلكەن ساتتىلىك دەپ سانايمىن.
ستۋدەنتتەر ۇيىندەگى ستۋدەنتتىك ءومىر دە وتە قىزىقتى. قازاقتىڭ تۇپكىر تۇپكىرىنەن جينالعان ستۋدەنتتەرمەن ءبىر ءۇيدىڭ بالاسىنداي ءومىر سۇرەمىز.
مەن قازاق ۇلتتىق ۋنيۆەرسيتەتىن تاڭداعانىما ەش وكىنبەيمىن. قازۇۋ بۇل بولاشاققا نىق قادام باسا الاتىن ستۋدەنتتەر ورداسى. مۇمكىندىكتەر مەكەنى.
اۆتورى: ەسەتوۆا ارۋجان؛ ءال-فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا-ماتەماتيكا فاكۋلتەتىنىڭ 1 كۋرس ستۋدەنتى؛ جەتەكشىسى: ۋرازگالييەۆا س.ا؛
You Might Also Like
-
سالەم، ءال-فارابي اتىنداعى قازاق ۇلتتىق ۋنيۆەرسيتەنىڭ بولاشاق ستۋدەنتى.وسى ماقالانى وقىپ وتىرساڭ ءوزىمنىڭ شاعىن عانا ۋنيۆەرسيتەتكە ءتۇسۋ تاريحىمدى جانە ۋنيۆەرسيتەتىم جايلى جاعىن بايانداپ بەرەيىن. مەن ا...
-
ءال-فارابي اتىنداعى قازاق ۇلتتىق ۋنيۆەرسيتەتى – ءداستۇرى باي، وقۋ-عىلىمي قىزمەتتە كوپ جىلدىق تاجىريبەسى بار ۋنيۆەرسيتەت جانە قازاقستانداعى جوعارى ءبىلىم بەرۋ جۇيەسىنىڭ جەتەكشى وقۋ ورنى.
