InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى – ءداستۇرى باي، وقۋ-عىلىمي قىزمەتتە كوپ جىلدىق تاجىريبەسى بار ۋنيۆەرسيتەت جانە قازاقستانداعى جوعارى ءبىلىم بەرۋ جۇيەسىنىڭ جەتەكشى وقۋ ورنى.

قازۇۋ - قازاقستاننىڭ ۇلتتىق رەيتينگىنىڭ ءبىرىنشى قاتارىندا ورنالاسقان.  وقۋ ورنى الەمدەگى ەڭ ۇزدىك ۋنيۆەرسيتەتتەردىڭ بەس پايىزىنا كىرەدى.  وقۋ ورنى ءبىلىم ساپاسى بويىنشا ۇزدىك ۋنيۆەرسيتەتتەردىڭ ءبىرى رەتىندە تانىلىپ، وسى كريتەريي بويىنشا الەمدىك رەيتينگتە ۇزدىك 200-دىككە كىرەدى.  ءال-فارابي اتىنداعى قازاق ۇلتتىق ۋنيۆەرسيتەتى قازاقستانداعى جانە دۇنيە جۇزىندەگى جۇمىس بەرۋشىلەر اراسىندا ەڭ بەدەلدى وقۋ ورىندارىنىڭ ءبىرى بولىپ سانالادى.

ءال-فارابي اتىنداعى قازاق ۇلتتىق ۋنيۆەرسيتەتى 1934 جىلى قۇرىلعان جانە ەڭ كونە ۋنيۆەرسيتەتتەردىڭ ءبىرى بولىپ سانالادى. ءوزىنىڭ 88 جىلدىق قىزمەتىندە قازاقستاننىڭ ەكونوميكاسىنىڭ، ساياسي-قۇقىقتىق ءومىرىنىڭ، مادەنيەتىنىڭ، عىلىمى مەن ءبىلىمىنىڭ قالىپتاسۋى مەن دامۋىنا زور ۇلەس قوستى جانە بۇكىل الەمدە جوعارى ءبىلىم بەرۋ جۇيەسىنىڭ بەرىك تىرەگىنە اينالدى.

قازۇۋ — ستۋدەنتتەرگە وتە ۇلكەن مۇمكىندىك بەرەدى. بۇل ۋنيۆەرسيتەتتە كوپ تەگەن فاكۋلتەتتەر مەن ماماندىقتار بار. ۋنيۆەرسيتەتتە ەلىمىزدىڭ بارلىق ايماقتارىنان، سونداي-اق شەتەلدەردەن كەلگەن ستۋدەنتتەر ءبىلىم الۋدا. قالا ىشىندەگى «كازگۋگراد» قالاشىعى دەپ اتالىپ كەتكەن قۇتتى مەكەندە ستۋدەنتتەردىڭ ءبىلىم الۋىنا بارلىق مۇمكىندىك جاسالعان. ءو.جولداسبەكوۆ اتىنداعى 1600 ورىندىق ستۋدەنتتەر سارايى، ۇلكەن اۋقىمدى «ءال-فارابي» كىتاپحاناسى، سپورتكەشەنى مەن ستاديون، جاڭا عيماراتتار، اسكەري كافەدرا، تەحنوپارك، 5000 ستۋدەنتكە ارنالعان ستۋدەنتتەر ءۇيى، مەديسينالىق ورتالىق جانە ستۋدەنتتەرگە قىزمەت ەتۋ ورتالىعى ستۋدەنتتەر يگىلىگى ءۇشىن قىزمەت جاساپ وتىر.

ءال فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا-ماتەماتيكا كافەدراسىنىڭ ستۋدەنتى رەتىندە جانە  الەمدەگى ەڭ ءىرى جوعارى وقۋ ورىندارىنىڭ بىرىندە وقىپ جۇرگەنىمە ماقتان ەتەمىن.

ساليسكانوۆ اڭسار جەتەكشى: ۋرازگالييەۆا سۆەتلانا امانجولوۆنا

---