كازۇۋ
مەنىڭ تاڭداۋىم ءال-فارابي اتىنداعى قازاق ۇلتتىق ۋنيۆەرسيتەتى بولدى. مەن بۇل ۋنيۆەرسيتەتتىڭ مەحانيكا-ماتەماتيكا فاكۋلتەتىنە ءتۇسۋ ءۇشىن ۇبت دان 110 بالل جينادىم. مەن ءقازىر ماتەماتيكالىق جانە كومپيۋتەرلىك مودەلدەۋ ماماندىعىندا وقىپ جاتىرمىن. ءال-فارابي ۋنيۆەرسيتەتىنىڭ ساباق بەرۋ جۇيەسىن ەرەكشە باعالايمىن. ويتكەنى ساباك بەرۋ ءتاسىلى جوعارى دەڭگەيدە ەكەنىن سەزىنە الدىم. بۇل ۋنيۆەرسيتەتتەن ناقتى ءبىلىم الۋعا بولاتىنىنا كوزىم جەتتى. مەن ءۇشىن 1 ءشى سەمەستر وڭاي بولعان جوق، ءوز قيىندىقتارى مەن جەڭىلدىكتەرى بولدى. مەحانيكا ماتەماتيكا فاكۋلتەتىندە وقۋ قيىن بولادى دەپ ەستيتىنمىن. ءبىراق ول وقيتىن وقۋشى ءۇشىن قيىن ەمەس ەكەن دەسەمدە بولادى. ۋنيۆەرسيتەت جايلى ناقتى توقتالىپ وتسەم.ونىڭ تاريحى جايلى جازايىن، قازاق ۇلتتىق ۋنيۆەرسيتەتى ءوزىنىڭ نەگىزىن 1934 جىلى 15 قاڭتاردا قالاعاننان باستاپ قازاقستانداعى ءبىلىم بەرۋ جۇيەسىنىڭ بەتكە ۇستار كوركى، ۋنيۆەرسيتەتتىك داستۇرلەردىڭ، كاسىبي بىلىكتى عىلىمي جانە پەداگوگيكالىق مەكتەپتەردىڭ باستاۋ – كوزى بولدى.
1937 جىلى قىركۇيەكتە ءتورت جىلدىق وقۋ جۇيەسىنە نەگىزدەلگەن تۇڭعىش گۋمانيتارلىق شەت تىلدەرى فاكۋلتەتى اشىلدى. ءبىر جىلدان كەيىن 120 ستۋدەنتى جانە قۇرامىندا ورىس ءتىلى مەن ادەبيەتى، اعىلشىن ءتىلى جانە فرانسۋز ءتىلى ءتارىزدى ءۇش كافەدرا بار فيلولوگيا فاكۋلتەتى (وقۋ مەرزىمى 5 جىلدىق) اشىلدى. كەيىننەن شەت تىلدەرى فاكۋلتەتى دە وسى قۇرىلىمعا قوسىلدى. ۋنيۆەرسيتەتتە سوعىس قارساڭى جانە سوعىستان سوڭعى جىلدارى 23 كافەدراسى بار ءۇش جاراتىلىستانۋ (بيولوگيا، فيزيكا-ماتەماتيكا، حيميا) جانە ەكى گۋمانيتارلىق (فيلولوگيا مەن جۋرناليستيكا فاكۋلتەتى) فاكۋلتەت جۇمىس ىستەدى. ۋنيۆەرسيتەت 1942 جىلى 257 فيزيك، حيميك، ماتەماتيك، بيولوگ، جۋرناليست، فيلولوگ، سونداي-اق باتىس ەۋروپا تىلدەرىنىڭ ماماندارىن دايارلاپ شىعاردى.
ءال-فارابي اتىنداعى قازاق ۇلتتىق ۋنيۆەرسيتەتى — قازاقستان رەسپۋبليكاسىنىڭ جوعارى ءبىلىم بەرۋ جۇيەسىنىڭ جەتەكشى مەكەمەسى-وزىنىڭ 88 جىلدىق مەرەيتويىن اتاپ وتۋدە. باي داستۇرلەر، وقۋ جانە عىلىمي جۇمىستاعى كوپ جىلدىق تاجىريبە، جوعارى كاسىبي پەداگوگيكالىق قۇرام — وسىنىڭ ءبارى ۋنيۆەرسيتەتكە ونداعان جىلدار بويى ءتۇرلى سالالاردا ۇزدىك ماماندار دايارلاۋعا مۇمكىندىك بەرەدى.
جوعارى وقۋ ورنىندا ەكى مىڭنان استام پروفەسسور، عىلىم دوكتورلارى، كانديداتتارى مەن فيلوسوفيا دوكتورلارى، 100-دەن استام ءىرى اكادەميالاردىڭ اكادەميكتەرى، 30-عا جۋىق قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى جۇمىس ىستەيدى. مۇندا جوعارى كاسىپتىك ءبىلىم بەرۋدىڭ كوپدەڭگەيلى جۇيەسى بويىنشا 25 مىڭنان استام ستۋدەنتتەر مەن ماگيسترانتتار ءبىلىم الۋدا. ۋنيۆەرسيتەت الەمنىڭ جۇزدەگەن ءىرى حالىقارالىق جوعارى وقۋ ورىندارىمەن بىرلەسكەن حالىقارالىق وقۋ باعدارلامالارىن ىسكە اسىرۋ، ستۋدەنتتەر الماسۋ جانە تاعىلىمدامالار وتكىزۋ بويىنشا ىنتىماقتاستىق جاسايدى.
ايتا كەتەيىك ءال- فارابي اتىنداعى قازاق ۇلتتىق ۋنيۆەرسيتەتى قازىرگى تاڭدا الەمنىڭ 200 مىقتى ۋنيۆەرسيتەتتەردىڭ قاتارىنا كىرەدى.بۇل ۋنيۆەرسيتەتكە تۇسۋگە كەڭەس بەرەمىن.
اۆتور:تەميروۆ اميرحان ەرالي ۇلى
قازۇۋ - مەحانيكا-ماتەماتيكا كافەدراسىنىڭ 1-كۋرس باكالاۆريانتى. جەتەكشى: اعا وقىتۋشى ۋرازگالييەۆا سۆەتلانا امانجولوۆنا.
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى – ءداستۇرى باي، وقۋ-عىلىمي قىزمەتتە كوپ جىلدىق تاجىريبەسى بار ۋنيۆەرسيتەت جانە قازاقستانداعى جوعارى ءبىلىم بەرۋ جۇيەسىنىڭ جەتەكشى وقۋ ورنى.
-
جۋرناليست بولۋ ءۇشىن ءبىلىم كەرەك جانە قۇشتارلىق كەرەك. سپورتشىنىڭ ەڭ بيىك شىڭى - وليمپياداعا بارۋ بولسا، سپورت ءجۋرناليسىنىڭ ەڭ بيىك شىڭى - وليمپيادا ويىندارىن كوزىمەن كورۋ. &...
