InfoHub Logo

ماتەماتيكا 2 سىنىپ
ساباقتىڭ تاقىرىبى: مىڭ كولەمىندەگى سانداردى وقۋ، جازۋ، ءبىلىم تياناقتاۋ

ساباقتىڭ ماقساتى:
بىلىمدىلىك: مىڭ كولەمىندەگى سانداردى وقۋ جانە سالىستىرۋ. ساننىڭ قۇرىلىمىن، جىكتەلۋىن، قوسۋ، ازايتۋدىڭ اۋىزشا جانە جازباشا تاسىلدەرىن ۇيرەتۋ.
دامىتۋشىلىق: لوگيكالىق ويلاۋ قابىلەتتەرىن دامىتۋ، ويلاۋ قابىلەتتەرى ارقىلى بەلسەندىلىكتەرىن ارتتىرۋ، ءوز بەتىنشە جۇمىس جاساۋعا تالپىندىرۋ.
تاربيەلىك ءمانى: شاپشاڭدىققا، تاپقىرلىققا، العىرلىققا، ەسەپتى تەز، دۇرىس ەسەپتەۋگە ۇيرەتۋ
كورنەكىلىگى: ينتەراكتيۆتى تاقتا، جۇمىس داپتەرى، تەست
ساباقتىڭ ءتيپى: پىسىقتاۋ ساباعى.
ساباقتىڭ ءادىسى: سۇراق - جاۋاپ، ءتۇسىندىرۋ، جازباشا جۇمىس، ىزدەنۋشىلىك، توپپەن جۇمىس

ساباقتىڭ بارىسى:
ۇيىمداستىرۋ كەزەڭى: سالەمدەسۋ، وقۋشىلاردى تۇگەندەۋ، وقۋ قۇرالدارىن دايارلاۋ.
پسيحولوگيالىق دايىندىق:
كەل، بالالار، وينايىق
وينايىق تا ويلايىق
قانداي ەسەپ بولسا دا
شەشپەي ونى قويمايىق.
ءمۇعالىم ءسوزى: بالالار، مىڭ كولەمىندەگى سانداردى وقۋ، جازۋ تاراۋىنا بايلانىستى ءبىلىم تياناقتاۋ ساباعى. سوندىقتان بۇل ساباقتا «ءبىلىم» ەلىنە ساياحاتقا شىعامىز. «ءبىلىم» دەگەن عاجايىپ ەلگە جەتۋ ءۇشىن، ءبىز كوپتەگەن كەدەرگىلەردەن ءوتۋىمىز قاجەت. ءبىز ول كەدەرگىنىڭ قانداي ەكەنىن تابۋ ءۇشىن مىڭ كولەمىندەگى سانداردى قايتالاۋ ارقىلى ىزدەيىك.

1 - تاپسىرما:
«ت» 66وند.=660
«ى» 505ءبىرل.=505
«ق» 800+80=880
«ن» 10ءجۇزد.=1000
«پ» 500+40=540
«ل» 2ءجۇزد.+4وند.+5ءبىرل.=245
«ا» 5ءجۇزد.+4ءجۇزد.=900
بالالار، ءبىزدىڭ الدىمىزدان قانداي ءسوز تىركەسى شىقتى. «التىن قاقپا». ولاي بولسا، ءبىزدىڭ ساياحاتىمىزدىڭ كەدەرگىسى «التىن قاقپا» ويىنى ارقىلى جۇرگىزىلەدى. كىمدە كىم وسى ويىننىڭ كەدەرگىسىنىڭ تاپسىرماسىن سۇرىنبەي جاقسى ورىنداسا، ءبىلىم ەلىنىڭ ءبىلىمدى ازاماتى بولماق. وسى قاقپالاردان ءوتۋ ءۇشىن توپپەن جۇمىس جاسايىق. سىنىپ ءتورت توپقا بولىنەدى. توپتاردىڭ اتتارى:
1. بىرلىكتەر
2. وندىقتار
3. جۇزدىكتەر
4. مىڭدىقتار

بالالار، ءبىزدىڭ الدىمىزداعى ءبىرىنشى كەدەرگى «تاس قاقپا». ودان ءوتۋ ءۇشىن ونىڭ تاپسىرماسىن ورىنداۋ قاجەت. ءار توپتان ءبىر وقۋشىدان شىعىپ تاقتاعا ورىندايدى، قالعان وقۋشى داپتەرگە ورىندايدى.

2 - تاپسىرما: وقۋلىقپەن جۇمىس.
630+50=63وند.+5وند.=68وند.
670+300=67وند.+30وند.=97وند.
680 - 50=68وند.- 5وند=63وند.
970 - 350=97وند.- 35وند.=62وند.
680 - 630=68وند.- 63وند.=5وند
970 - 670=97وند.- 67وند.=30وند.
ال، بالالار، تاس قاقپانىڭ ەسىگى اشىلدى، ەندى وسى تاس قاقپانىڭ ىشىندەگى تاپسىرمانى ورىنداپ كورەيىك. ءار توپقا پلاكات بەتتەرى بەرىلەدى. سول پلاكات بەتىندەگى تاپسىرمانى ورىندايدى.

3 - تاپسىرما: كەلەسى تاپسىرمانى «كىم جىلدام» ويىنى ارقىلى تەڭدىك تۋرا بولاتىنداي، ءتيىستى جەرگە جاقشا قويامىز.
(580 - 300)+50=330
(480 - 40)- 20=420
(820+60)- 200=680
480 -(400 - 200)=460
ەندى، بالالار، ءبىزدىڭ كەلەسى كەدەرگىمىز «كۇمىس قاقپا». كۇمىس قاقپامىز اشىلۋ ءۇشىن كەلەسىدەي تاپسىرمانى ورىندايمىز. توپتاعى وقۋشىلار اقىلداسا وتىرىپ، جاۋابىن توپباسشىسى ايتادى.

4 - تاپسىرما: لوگيكالىق تاپسىرما:
♦ 1 جۇمىرتقا 1 مينۋتتا پىسەدى. 4 جۇمىرتقا نەشە مينۋتتا پىسەدى؟(1)
♦ ەكى شاحماتشى 2 ساعات شاحمات وينادى. ءار قايسىسى نەشە ساعات وينادى؟(2)
♦ شىرشا تۇبىندە قوياننىڭ 8 قۇلاعى كورىندى. شىرشا تۇبىندە نەشە قويان وتىر؟(4)
♦ تاۋىق ءبىر اياعىمەن تۇرسا سالماعى 3كگ.، ەكى اياعىمەن تۇرسا شە؟(3)
♦ دورباداعى10 اسىقتى ون بالا ءبىر - بىردەن الدى.، سوندا دوربادا ءبىر اسىق قالدى. ول قالاي بولعانى؟(سوڭعى بالا اسىقتى دورباسىمەن الادى)
♦ ءبىرىنشى قوسىلعىش 8، ەكىنشى قوسىلعىش 18 قوسىندىنىڭ ءمانى نەشەگە تەڭ؟ (26)
♦ اجەسى نەمەرەسىنە 8 قولعاپ توقىدى. نەمەرەسى نەشەۋ؟ (4)
♦ ۇستەلدىڭ ءتورت بۇرىشى بار. ءبىر بۇرىشىن كەسىپ تاستاساڭ، نەشە بۇرىش قالادى؟ (5)

ال بالالار كۇمىس قاقپانى اشتىق، وندا ءبىزدى سەرگىتۋ ءساتى كۇتىپ تۇر.
سەرگىتۋ ءساتى:
ەندى، بالالار، كەدەرگىلەردەن ءوتىپ، «التىن ساندىققا» تىرەلدىك، التىن ساندىق تاپسىرماسىن ورىندايمىز. وقۋلىقتىڭ 201 بەتىندەگى 5 تاپسىرما.